Skanda Purana · Chapter 3.24

// vyāsa uvāca // //
etattīrthasya māhātmyaṃ mayā proktaṃ tavāgrataḥ //
anekapūrvajanmotthapātakaghnaṃ mahīpate

sthānānāmuttamaṃ sthānaṃ paraṃ svastyayanaṃ mahat //
skaṃdasyāgre purā proktaṃ mahārudreṇa dhīmatā

tvaṃ pārtha tatra snātvā hi mokṣyase sarvapāta kāt //
tacchrutvā vyāsavākyaṃ hi dharmmarājo yudhiṣṭhiraḥ

dharmātmajastadā tāta dharmāraṇyaṃ samāviśat //
mahāpātakanāśāya sādhupālanata tparaḥ

vigāhya tatra tīrthāni devatāyatanāni ca //
iṣṭāpūrtādikaṃ sarvaṃ kṛtaṃ tena yathepsitam

tataḥ pāpavinirmuktaḥ punargatvā svakaṃ puram //
idraprasthaṃ mahāsena śaśāsa vasudhātalam

idaṃ hi sthānamāsādya ye śṛṇvaṃti narottamāḥ//
teṣāṃ bhuktiśca muktiśca bhaviṣyati na saṃśayaḥ//

bhuktvā bhogānpārthivāṃśca paraṃ nirvāṇamāpnuyuḥ //
śrāddhakāle ca saṃprāpte ye paṭhaṃti dvijātayaḥ

uddhṛtāḥ pitarastaistu yāvaccaṃdrārkkamedini//
dvāpare ca yuge bhūtvā vyāsenoktaṃ mahātmanā

vārimātre dharmavāpyāṃ gayāśrāddhaphalaṃ labhet //
atrāgatasya martyasya pāpaṃ yamapade sthitam //

kathitaṃ dharmaputreṇa lokānāṃ hitakāmyayā //
vinā annairvinā darbhairvinā cāsanameva vā

toyena nāśamāyāti koṭijanmakṛtaṃ tva gham //
sahasramuruśṛṃgīṇāṃ dhenūnāṃ kurujāṃgale //
dattvā sūryagrahe puṇyaṃ dharmavāpyāṃ ca tarpaṇām

etadvaḥ kathitaṃ sarvaṃ dharmāraṇyasya ceṣṭitam //
yacchrutvā brahmahā goghno mucyate sarvapātakaiḥ

ekaviṃśativāraistu gayāyāṃ piṃḍapātane //
tatphalaṃ samavāpnoti sakṛdasmiñchrute sati

iti śrīskāṃde mahāpurāṇa ekāśītisāhasryāṃ saṃhitāyāṃ tṛtīye brahmakhaṇḍe pūrvabhāge dharmāraṇyatīrthamāhātmyaprabhāvakathanaṃ nāma caturviṃśo'dhyāyaḥ //