સ્કંદ પુરાણ · અધ્યાય 3.24

॥ વ્યાસ ઉવાચ ॥ ॥
એતત્તીર્થસ્ય માહાત્મ્યં મયા પ્રોક્તં તવાગ્રતઃ ॥
અનેકપૂર્વજન્મોત્થપાતકઘ્નં મહીપતે

સ્થાનાનામુત્તમં સ્થાનં પરં સ્વસ્ત્યયનં મહત્ ॥
સ્કંદસ્યાગ્રે પુરા પ્રોક્તં મહારુદ્રેણ ધીમતા

ત્વં પાર્થ તત્ર સ્નાત્વા હિ મોક્ષ્યસે સર્વપાત કાત્ ॥
તચ્છ્રુત્વા વ્યાસવાક્યં હિ ધર્મ્મરાજો યુધિષ્ઠિરઃ

ધર્માત્મજસ્તદા તાત ધર્મારણ્યં સમાવિશત્ ॥
મહાપાતકનાશાય સાધુપાલનત ત્પરઃ

વિગાહ્ય તત્ર તીર્થાનિ દેવતાયતનાનિ ચ ॥
ઇષ્ટાપૂર્તાદિકં સર્વં કૃતં તેન યથેપ્સિતમ્

તતઃ પાપવિનિર્મુક્તઃ પુનર્ગત્વા સ્વકં પુરમ્ ॥
ઇદ્રપ્રસ્થં મહાસેન શશાસ વસુધાતલમ્

ઇદં હિ સ્થાનમાસાદ્ય યે શૃણ્વંતિ નરોત્તમાઃ॥
તેષાં ભુક્તિશ્ચ મુક્તિશ્ચ ભવિષ્યતિ ન સંશયઃ॥

ભુક્ત્વા ભોગાન્પાર્થિવાંશ્ચ પરં નિર્વાણમાપ્નુયુઃ ॥
શ્રાદ્ધકાલે ચ સંપ્રાપ્તે યે પઠંતિ દ્વિજાતયઃ

ઉદ્ધૃતાઃ પિતરસ્તૈસ્તુ યાવચ્ચંદ્રાર્ક્કમેદિનિ॥
દ્વાપરે ચ યુગે ભૂત્વા વ્યાસેનોક્તં મહાત્મના

વારિમાત્રે ધર્મવાપ્યાં ગયાશ્રાદ્ધફલં લભેત્ ॥
અત્રાગતસ્ય મર્ત્યસ્ય પાપં યમપદે સ્થિતમ્ ॥

કથિતં ધર્મપુત્રેણ લોકાનાં હિતકામ્યયા ॥
વિના અન્નૈર્વિના દર્ભૈર્વિના ચાસનમેવ વા

તોયેન નાશમાયાતિ કોટિજન્મકૃતં ત્વ ઘમ્ ॥
સહસ્રમુરુશૃંગીણાં ધેનૂનાં કુરુજાંગલે ॥
દત્ત્વા સૂર્યગ્રહે પુણ્યં ધર્મવાપ્યાં ચ તર્પણામ્

એતદ્વઃ કથિતં સર્વં ધર્મારણ્યસ્ય ચેષ્ટિતમ્ ॥
યચ્છ્રુત્વા બ્રહ્મહા ગોઘ્નો મુચ્યતે સર્વપાતકૈઃ

એકવિંશતિવારૈસ્તુ ગયાયાં પિંડપાતને ॥
તત્ફલં સમવાપ્નોતિ સકૃદસ્મિઞ્છ્રુતે સતિ

ઇતિ શ્રીસ્કાંદે મહાપુરાણ એકાશીતિસાહસ્ર્યાં સંહિતાયાં તૃતીયે બ્રહ્મખણ્ડે પૂર્વભાગે ધર્મારણ્યતીર્થમાહાત્મ્યપ્રભાવકથનં નામ ચતુર્વિંશોઽધ્યાયઃ ॥