Shukla Yajurveda · Chapter 24

āśvamedhikānāṃ paśūnāṃ devatāsambandhini vidhāyino mantrāḥ

aśvas tūparo gomṛgas te prājāpatyāḥ kṛṣṇagrīva ' āgneyo rarāṭe purastāt sārasvatī meṣy adhastāddhanvor āśvināv adhorāmau bāhvoḥ saumapauṣṇaḥ śyāmo nābhyāꣳ sauryayāmau śvetaś ca kṛṣṇaś ca pārśvayos tvāṣṭrau lomaśasakthau sakthyor vāyavyaḥ śvetaḥ puccha ' indrāya svapasyāya vehad vaiṣṇavo vāmanaḥ

rohito dhūmrarohitaḥ karkandhurohitas te saumyā babhrur aruṇababhruḥ śukababhrus te vāruṇāḥ śitirandhro 'nyataḥśitirandhraḥ samantaśitirandhras te sāvitrāḥ śitibāhur anyataḥśitibāhuḥ samantaśitibāhus te bārhaspatyāḥ pṛṣatī kṣudrapṛṣatī sthūlapṛṣatī tā maitrāvaruṇyaḥ

śuddhavālaḥ sarvaśuddhavālo maṇivālas ta ' āśvināḥ śyaॆtaḥ śyetākṣo 'ruṇas te rudrāya paśupataye karṇā yāmā ' avaliptā raudrā nabhorūpāḥ pārjanyāḥ

pṛśnis tiraścīnapṛśnir ūrdhvapṛśnis te mārutāḥ phalgūr lohitorṇī palakṣī tāḥ sārasvatyaḥ plīhākarṇaḥ śuṇṭhākarṇo 'ddhyālohakarṇas te tvāṣṭrāḥ kṛṣṇagrīvaḥ śitikakṣo 'ñjisakthas ta ' aindrāgnāḥ kṛṣṇāñjir alpāñjir mahāñjis ta ' uṣasyāḥ

śilpā vaiśvadevyo rohiṇyas tryavayo vāce 'vijñātā ' adityai sarūpā dhātre vatsataryo devānāṃ patnībhyaḥ

kṛṣṇagrīvā ' āgneyāḥ śitibhravo vasūnāꣳ rohitā rudrāṇāꣳ śvetā ' avarokiṇa ' ādityānāṃ nabhorūpāḥ pārjanyāḥ

unnata ' ṛṣabho vāmanas ta ' aindravaiṣṇavā ' unnataḥ śitibāhuḥ śitipṛṣṭhas ta ' aindrābārhaspatyāḥ śukarūpā vājināḥ kalmāṣā ' āgnimārutāḥ śyāmāḥ pauṣṇāḥ

etā ' aindrāgnā dvirūpā ' agnīṣomīyā vāmanā ' anaḍvāha ' āgnāvaiṣṇavā vaśā maitrāvaruṇyo'nyata enyo ' maitryaḥ

kṛṣṇagrīvā ' āgneyā babhravaḥ saumyāḥ śvetā vāyavyā ' avijñātā ' adityai sarūpā dhātre vatsataryo devānāṃ patnībhyaḥ

kṛṣṇā bhaumā dhūmrā ' āntarikṣā bṛhanto divyāḥ śabalā vaidyutāḥ sidhmās tārakāḥ

dhūmrān vasantāyā labhate śvetān grīṣmāya kṛṣṇān varṣābhyo 'ruṇāñcharade pṛṣato hemantāya piśaṅgāñchiśirāya

tryavayo gāyatryai pañcāvayas triṣṭubhe dityavāho jagatyai trivatsā ' anuṣṭubhe turyavāha ' uṣṇihe

paṣṭhavāho virāja ' ukṣāṇo bṛhatyā ' ṛṣabhāḥ kakubhe 'naḍvāhaḥ paṅktyai dhenavo 'ticchandase

kṛṣṇagrīvā ' āgneyā babhravaḥ saumyā ' upadhvastāḥ sāvitrā vatsataryaḥ sārasvatyaḥ śyāmāḥ pauṣṇāḥ pṛśnayo mārutā bahurūpā vaiśvadevā vaśā dyāvāpṛthivīyāḥ

uktāḥ saṃcarā ' etā ' aindrāgnāḥ kṛṣṇāḥ vāruṇāḥ pṛśnayo mārutāḥ kāyās tūparāḥ

agnaye 'nīkavate prathamajān ā labhate marudbhyaḥ sāṃtapanebhyaḥ savātyān marudbhyo gṛhamedhibhyo baṣkihān marudbhyaḥ krīḍibhyaḥ saꣳsṛṣṭān marudbhyaḥ svatavadbhyo'nusṛṣṭān

uktāḥ saṃcarā ' etā ' aindrāgnāḥ prāśṛṅgā māhendrā bahurūpā vaiśvakarmaṇāḥ

dhūmrā babhrunīkāśāḥ pitṝṇāꣳ somavatāṃ babhravo babhrunīkāśāḥ pitṝṇāṃ barhiṣadāṃ kṛṣṇā babhrunīkāśāḥ pitṝṇām agniṣvāttānāṃ kṛṣṇāḥ pṛṣantas traiyambakāḥ

uktāḥ saṃcarā ' etā śunāsīrīyāḥ śvetā vāyavyāḥ śvetāḥ sauryāḥ

vasantāya kapiñjalān ā labhate grīṣmāya kalaviṅkān varṣābhyas tittirīñcharade vartikā hemantāya kakarāñchiśirāya vikakarān

samudrāya śiśumārān ālabhate parjanyāya maṇḍūkān adbhyo matsyān mitrāya kulīpayān varuṇāya nākrān

somāya haꣳsān ā labhate vāyave balākā ' indrāgnibhyāṃ kruñcān mitrāya madgūn varuṇāya cakravākān

agnaye kuṭarūn ā labhate vanaspatibhya ' ulūkān agnīṣomābhyāṃ cāṣān aśvibhyāṃ mayūrān mitrāvaruṇābhyāṃ kapotān

somāya labān ā labhate tvaṣṭre kaulīkān goṣādīr devānāṃ patnībhyaḥ kulīkā devajāmibhyo 'gnaye gṛhapataye pāruṣṇān

ahne pārāvatān ā labhate rātryai sīcāpūr ahorātrayoḥ saṃdhibhyo jatūr māsebhyo dātyauhānt saṃvatsarāya mahataḥ suparṇān

bhūmyā ' ākhūn ā labhate 'ntarikṣāya pāṅktān dive kaśān digbhyo nakulān babhrukān avāntaradiśābhyaḥ

vasubhya ' ṛśyān ā labhate rudrebhyaḥ rurūn ādityebhyo nyaṅkūn viśvebhyo devebhyaḥ pṛṣatānt sādhyebhyaḥ kuluṅgān

īśānāya parasvata ' ā labhate mitrāya gaurān varuṇāya mahiṣān bṛhaspataye gavayāꣳs tvaṣṭra ' uṣṭrān

prajāpataye puruṣān hastina ' ā labhate vāce pluṣīꣳś cakṣuṣe maśakāñchrotrāya bhṛṅgāḥ

prajāpataye ca vāyave ca gomṛgo varuṇāyāraṇyo meṣo yamāya kṛṣṇo manuṣyarājāya markaṭaḥ śārdūlāya rohid ṛṣabhāya gavayī kṣipraśyenāya vartikā nīlaṅgoḥ kṛmiḥ samudrāya śiśumāro himavate hastī

mayuḥ prājāpatya ' ulo halikṣṇo vṛṣadaꣳśas te dhātre diśāṃ kaṅko dhuṅkṣāgneyī kalaviṅko lohitāhiḥ puṣkarasādas te tvāṣṭrā vāce kruñcaḥ

somāya kuluṅga ' āraṇyo 'jo nakulaḥ śakā te pauṣṇāḥ kroṣṭā māyor indrasya gauramṛgaḥ pidvo nyaṅkuḥ kakkaṭas te 'numatyai pratiśrutkāyai cakravākaḥ

saurī balākā śārgaḥ sṛjayaḥ śayāṇḍakas te maitrāḥ sarasvatyai śāriḥ puruṣavāk śvāvid bhaumī śārdūlo vṛkaḥ pṛdākus te manyave sarasvate śukaḥ puruṣavāk

suparṇaḥ pārjanya ' ātirvāhaso darvidā te vāyave bṛhaspataye vācas pataye paiṅgarājo 'laja ' āntarikṣaḥ plavo madgur matsyas te nadīpataye dyāvāpṛthivīyaḥ kūrmaḥ

puruṣamṛgaś candramaso godhā kālakā dārvāghāṭas te vanaspatīnāṃ kṛkavākuḥ sāvitro haꣳso vātasya nākro makaraḥ kulīpayas te 'kūpārasya hriyai śalpakaḥ

eṇy ahno maṇḍūko mūṣikā tittiris te sarpāṇāṃ lopāśa ' āśvinaḥ kṛṣṇo rātryā ' ṛkṣo jatūḥ suṣilīkā ta ' itarajanānāṃ jahakā vaiṣṇavī

anyavāpo 'rdhamāsānām ṛśyo mayūraḥ suparṇas te gandharvāṇām apām udro māsāṃ kaśyapo rohit kuṇḍṛṇācī golattikā te 'psarasāṃ mṛtyave 'sitaḥ

varṣāhūr ṛtūnām ākhuḥ kaśo mānthālas te pitṝṇāṃ balāyājagaro vasūnāṃ kapiñjalaḥ kapota ' ulūkaḥ śaśas te nirṛtyai varuṇāyāraṇyo meṣaḥ

śvitra ' ādityānām uṣṭro ghṛṇīvān vārdhrīṇasas te matyā ' araṇyāya sṛmaro rurū raudraḥ kvayiḥ kuṭarur dātyauhas te vājināṃ kāmāya pikaḥ

khaḍgo vaiśvadevaḥ śvā kṛṣṇaḥ karṇo gardabhas tarakṣus te rakṣasām indrāya sūkaraḥ siꣳho mārutāḥ kṛkalāsaḥ pippakā śakunis te śaravyāyai viśveṣāṃ devānāṃ pṛṣataḥ //