Shukla Yajurveda · Chapter 16

śatarudriya vīḍiyo
śravya sañcikā

adhyāya 16 rudra sūktam
agnicayane rudraḥ

namas te rudra manyava ' uto ta ' iṣave namaḥ /
bāhubhyām uta te namaḥ

yā te rudra śivā tanūr aghorāpāpakāśinī /
tayā nas tanvā śaṃtamayā giriśantābhi cākaśīhi

yām iṣuṃ giriśanta haste bibharṣy astave /
śivāṃ giritra tāṃ kuru mā hiꣳsīḥ puruṣaṃ jagat

śivena vacasā tvā giriśācchā vadāmasi /
yathā naḥ sarvam ij jagad ayakṣmaꣳ sumanā ' asat

adhy avocad adhivaktā prathamo daivyo bhiṣak /
ahīꣳś ca sarvān jambhayant sarvāś ca yātudhānyo 'dharācīḥ parā suva

asau yas tāmro ' aruṇa ' uta babhruḥ sumaṅgalaḥ /
ye cainaꣳ rudrā ' abhito dikṣu śritāḥ sahasraśo vaiṣāꣳ heḍa ' īmahe

asau yo 'vasarpati nīlagrīvo vilohitaḥ /
utainaṃ gopā ' adṛśrann adṛśrann udahāryaḥ sa dṛṣṭo mṛḍayāti naḥ

namo 'stu nīlagrīvāya sahasrākṣāya mīḍhuṣe /
atho ye ' asya satvāno 'haṃ tebhyo 'karaṃ namaḥ

pra muñca dhanvanas tvam ubhayor ārtnyor jyām /
yāś ca te hasta ' iṣavaḥ ' parā tā bhagavo vapa

vijyaṃ dhanuḥ kapardino viśalyo vāṇavāꣳ२' uta /
aneśann asya yā'iṣava 'ābhur asya niṣaṅgadhiḥ

yā te hetir mīḍhuṣṭama haste babhūva te dhanuḥ /
tayāsmān viśvatas tvam ayakṣmayā pari bhuja

pari te dhanvano hetir asmān vṛṇaktu viśvataḥ /
atho ya 'iṣudhis tavāre ' asmin ni dhehi tam

avatatya dhanuṣ ṭvaꣳ sahasrākṣa śateṣudhe /
niśīrya śalyānāṃ mukhā śivo naḥ sumanā bhava

namas ta ' āyudhāyānātatāya dhṛṣṇave /
ubhābhyām uta te namo bāhubhyāṃ tava dhanvane

mā no mahāntam uta mā no ' arbhakaṃ mā na ' ukṣantam uta mā na ' ukṣitam /
mā no vadhīḥ pitaraṃ mota mātaraṃ mā naḥ priyās tanvo rudra rīriṣaḥ

mā nas toke tanaye mā na ' āyuṣi mā no goṣu mā no ' aśveṣu rīriṣaḥ /
mā no vīrān rudra bhāmino vadhīr haviṣmantaḥ sadam it tvā havāmahe

namo hiraṇyabāhave senānye diśāṃ ca pataye namo namo vṛkṣebhyo harikeśebhyaḥ paśūnāṃ pataye namo namaḥ śaṣpiñjarāya tviṣīmate pathīnāṃ pataye namo namo harikeśāyopavītine puṣṭānāṃ pataye namaḥ

namo babhluśāya vyādhine 'nnānāṃ pataye namo namo bhavasya hetyai jagatāṃ pataye namo namo rudrāyātatāyine kṣetrāṇāṃ pataye namo namaḥ sūtāyāhantyai vanānāṃ pataye namaḥ

namo rohitāya sthapataye vṛkṣāṇāṃ pataye namo namo bhuvantaye vārivaskṛtāyauṣadhīnāṃ pataye namo namo mantriṇe vāṇijāya kakṣāṇāṃ pataye namo nama ' uccairghoṣāyākrandayate pattīnāṃ pataye namaḥ

namaḥ kṛtsnāyatayā dhāvate satvanāṃ pataye namo namaḥ sahamānāya nivyādhina' āvyādhinīnāṃ pataye namo namo niṣaṅgiṇe kakubhāya stenānāṃ pataye namo namo nicerave paricarāyāraṇyānāṃ pataye namaḥ

namo vañcate parivañcate stāyūnāṃ pataye namo namo niṣaṅgiṇa ' iṣudhimate taskarāṇāṃ pataye namo namaḥ sṛkāyibhyo jighāꣳsadbhyo muṣṇatāṃ pataye namo namo 'simadbhyo naktaṃ caradbhyo vikṛntānāṃ pataye namaḥ

nama ' uṣṇīṣiṇe giricarāya kuluñcānāṃ pataye namo nama ' iṣumadbhyo dhanvāyibhyaś ca vo namo nama ' ātanvānebhyaḥ pratidadhānebhyaś ca vo namo nama ' āyacchadbhyo syadbhyaś ca vo namaḥ

namo visṛjadbhyo vidhyadbhyaś ca vo namo namaḥ svapadbhyo jāgradbhyaś ca vo namo namaḥ śayānebhya ' āsīnebhyaś ca vo namo namas tiṣṭhadbhyo dhāvadbhyaś ca vo namaḥ

namaḥ sabhābhyaḥ sabhāpatibhyaś ca vo namo namo 'śvebhyo 'śvapatibhyaś ca vo namo nama ' āvyādhinībhyo vividhyantībhyaś ca vo namo nama ' ugaṇābhyas tṛꣳhatībhyaś ca vo namaḥ

namo gaṇebhyo gaṇapatibhyaś ca vo namo namo vrātebhyo vrātapatibhyaś ca vo namo namo gṛtsebhyo gṛtsapatibhyaś ca vo namo namo virūpebhyo viśvarūpebhyaś ca vo namaḥ

namaḥ senābhyaḥ senānibhyaś ca vo namo namo rathibhyo ' arathebhyaś ca vo namo namaḥ kṣattṛbhyaḥ saṃgrahītṛbhyaś ca vo namo namo mahadbhyo ' arbhakebhyaś ca vo namaḥ

namas takṣabhyo rathakārebhyaś ca vo namo namaḥ kulālebhyaḥ karmārebhyaś ca vo namo namo niṣādebhyaḥ puñjiṣṭhebhyaś ca vo namo namaḥ śvanibhyo mṛgayubhyaś ca vo namaḥ

namaḥ śvabhyaḥ śvapatibhyaś ca vo namo namo bhavāya ca rudrāya ca namaḥ śarvāya ca paśupataye ca namo nīlagrīvāya ca śitikaṇṭhāya ca

namaḥ kapardine ca vyuptakeśāya ca namaḥ sahasrākṣāya ca śatadhanvane ca namo giriśayāya ca śipiviṣṭāya ca namo mīḍhuṣṭamāya ceṣumate ca

namo hrasvāya ca vāmanāya ca namo bṛhate ca varṣīyase ca namo vṛddhāya ca savṛdhe ca namo 'gryāya ca prathamāya ca

nama ' āśave cājirāya ca namaḥ śīghryāya ca śībhyāya ca nama ' ūrmyāya cāvasvanyāya ca namo nādeyāya ca dvīpyāya ca

namo jyeṣṭhāya ca kaniṣṭhāya ca namaḥ pūrvajāya cāparajāya ca namo madhyamāya cāpagalbhāya ca namo jaghanyāya ca budhnyāya ca

namaḥ sobhyāya ca pratisaryāya ca namo yāmyāya ca kṣemyāya ca namaḥ ślokyāya cāvasānyāya ca nama ' urvaryāya ca khalyāya ca

namo vanyāya ca kakṣyāya ca namaḥ śravāya ca pratiśravāya ca nama ' āśuṣeṇāya cāśurathāya ca namaḥ śūrāya cāvabhedine ca

namo bilmine ca kavacine ca namo varmiṇe ca varūthine ca namaḥ śrutāya ca śrutasenāya ca namo dundubhyāya cāhananyāya ca

namo dhṛṣṇave ca pramṛśāya ca namo niṣaṅgiṇe ceṣudhimate ca namas tīkṣṇeṣave cāyudhine ca namaḥ svāyudhāya ca sudhanvane ca

namaḥ srutyāya ca pathyāya ca namaḥ kāṭyāya ca nīpyāya ca namaḥ kulyāya ca sarasyāya ca namo nādeyāya ca vaiśantāya ca

namaḥ kūpyāya cāvaṭyāya ca namo vīdhryāya cātapyāya ca namo medhyāya ca ca vidyutyāya namo varṣyāya cāvarṣyāya ca

namo vātyāya ca reṣmyāya ca namo vāstavyāya ca vāstupāya ca namaḥ somāya ca rudrāya ca namas tāmrāya cāruṇāya ca

namaḥ śaṃgave ca paśupataye ca nama ' ugrāya ca bhīmāya ca namo'grevadhāya ca dūrevadhāya ca namo hantre ca hanīyase ca namo vṛkṣebhyo harikeśebhyo namas tārāya

namaḥ śambhavāya ca mayobhavāya ca namaḥ śaṃkarāya ca mayaskarāya ca namaḥ śivāya ca śivatarāya ca

namaḥ pāryāya cāvāryāya ca namaḥ prataraṇāya cottaraṇāya ca namas tīrthyāya ca kūlyāya ca namaḥ śaṣpyāya ca phenyāya ca

namaḥ sikatyāya ca pravāhyāya ca namaḥ kiꣳśilāya ca kṣayaṇāya ca namaḥ kapardine ca pulastaye ca nama ' iriṇyāya ca prapathyāya ca

namo vrajyāya ca goṣṭhyāya ca namas talpyāya ca gehyāya ca namo hṛdayyāya ca niveṣyāya ca namaḥ kāṭyāya ca gahvareṣṭhāya ca

namaḥ śuṣkyāya ca harityāya ca namaḥ pāꣳsavyāya ca rajasyāya ca namo lopyāya colapyāya ca nama ' ūrvyāya ca sūrvyāya ca

namaḥ parṇāya ca parṇaśadāya ca nama ' udguramāṇāya cābhighnate ca nama ' ākhidate ca prakhidate ca nama ' iṣukṛdbhyo dhanuṣkṛdbhyas ca vo namo namo vaḥ kirikebhyo devānāꣳ hṛdayebhyo namo vicinvatkebhyo namo vikṣiṇatkebhyo nama ' ānirhatebhyaḥ

drāpe ' andhasas pate daridra nīlalohita /
āsāṃ prajānām eṣāṃ paśūnāṃ mā bher mā roṅ mo ca naḥ kiṃ canāmamat

imā rudrāya tavase kapardine kṣayadvīrāya pra bharāmahe matīḥ /
yathā śam asad dvipade catuṣpade viśvaṃ puṣṭaṃ grāme ' asminn anāturam

yā te rudra śivā tanūḥ śivā viśvāhā bheṣajī /
śivā rutasya bheṣajī tayā no mṛḍa jīvase

pari no rudrasya hetir vṛṇaktu pari tveṣasya durmatir aghāyoḥ /
ava sthirā maghavadbhyas tanuṣva mīḍhvas tokāya tanayāya mṛḍa

mīḍhuṣṭama śivatama śivo naḥ sumanā bhava /
parame vṛkṣa ' āyudhaṃ nidhāya kṛttiṃ vasāna ' ā cara pinākaṃ bibhrad ā gahi

vikiridra vilohita namas te ' astu bhagavaḥ /
yās te sahasraꣳ hetayo 'nyam asman ni vapantu tāḥ

sahasrāṇi sahasraśo bāhvos tava hetayaḥ /
tāsām īśāno bhagavaḥ parācīnā mukhā kṛdhi

asaṃkhyātā sahasrāṇi ye rudrā ' adhi bhūmyām /
teṣāꣳ sahasrayojane'va dhanvāni tanmasi

asmin mahaty arṇave 'ntarikṣe bhavā ' adhi /
teṣāꣳ sahasrayojane'va dhanvāni tanmasi

nīlagrīvāḥ śitikaṇṭhā divaꣳ rudrā ' upaśritāḥ /
teṣāꣳ sahasrayojane'va dhanvāni tanmasi

nīlagrīvāḥ śitikaṇṭhāḥ śarvā ' adhaḥ kṣamācarāḥ /
teṣāꣳ sahasrayojane 'va dhanvāni tanmasi

ye vṛkṣeṣu śaṣpiñjarā nīlagrīvā vilohitāḥ /
teṣāꣳ sahasrayojane 'va dhanvāni tanmasi

ye bhūtānām adhipatayo viśikhāsaḥ kapardinaḥ /
teṣāꣳ sahasrayojane 'va dhanvāni tanmasi

ye pathāṃ pathirakṣasa ' ailabṛdā ' āyuryudhaḥ /
teṣāꣳ sahasrayojane 'va dhanvāni tanmasi

ye tīrthāni pracaranti sṛkāhastā niṣaṅgiṇaḥ /
teṣāꣳ sahasrayojane 'va dhanvāni tanmasi

ye 'nneṣu vividhyanti pātreṣu pibato janān /
teṣāꣳ sahasrayojane 'va dhanvāni tanmasi

ye etāvantaś ca bhūyāꣳsaś ca diśo rudrā vitasthire /
teṣāꣳ sahasrayojane 'va dhanvāni tanmasi

namo 'stu rudrebhyo ye divi yeṣāṃ varṣam iṣavaḥ /
tebhyo daśa prācīr daśa dakṣiṇā daśa pratīcīr daśodīcīr daśordhvāḥ /
tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ

namo 'stu rudrebhyo ye 'ntarikṣe yeṣāṃ vāta ' iṣavaḥ /
tebhyo daśa prācīr daśa dakṣiṇā daśa pratīcīr daśodīcīr daśordhvāḥ /
tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ

namo 'stu rudrebhyo ye pṛthivyāṃ yeṣām annam iṣavaḥ /
tebhyo daśa prācīr daśa dakṣiṇā daśa pratīcīr daśodīcīr daśordhvāḥ /
tebhyo namo ' astu te no 'vantu te no mṛḍayantu te yaṃ dviṣmo yaś ca no dveṣṭi tam eṣāṃ jambhe dadhmaḥ //