Shukla Yajurveda · Chapter 10

abhiṣekārtha jala ādānādi rājasūyaśeṣa carakasautrāmaṇī/ rājasūyaḥ 1-30, carakasautrāmaṇī 31-

apo devā madhumatīr agṛbhṇann ūrjasvatī rājasvaś citānāḥ /
yābhir mitrāvaruṇāv abhyaṣiñcan yābhir indram anayann aty arātīḥ

vṛṣṇa ' ūrmir asi rāṣṭradā rāṣṭraṃ me dehi svāhā /
vṛṣṇa ' ūrmir asi rāṣṭradā rāṣṭram amuṣmai dehi /
vṛṣaseno ' si rāṣṭradā rāṣṭraṃ me dehi svāhā /
vṛṣaseno ' si rāṣṭradā rāṣṭram amuṣmai dehi

artheta stha rāṣṭradā rāṣṭraṃ me datta svāhā /
artheta stha rāṣṭradā rāṣṭram amuṣmai datta /
ojasvatī stha rāṣṭradā rāṣṭraṃ me datta svāhā /
ojasvatī stha rāṣṭradā rāṣṭram amuṣmai datta /
āpaḥ parivāhiṇī stha rāṣṭradā rāṣṭraṃ me datta svāhā /
āpaḥ parivāhiṇī stha rāṣṭradā rāṣṭram amuṣmai datta /
apāṃ patir asi rāṣṭradā rāṣṭraṃ me dehi svāhā /
apāṃ patir asi rāṣṭradā rāṣṭram amuṣmai dehi /
apāṃ garbho ' si rāṣṭradā rāṣṭraṃ me dehi svāhā /
' apāṃ garbho ' si rāṣṭradā rāṣṭram amuṣmai dehi

sūryatvacasa stha rāṣṭradā rāṣṭraṃ me datta svāhā /
sūryatvacasa stha rāṣṭradā rāṣṭram amuṣmai datta /
sūryavarcasa stha rāṣṭradā rāṣṭraṃ me datta svāhā /
sūryavarcasa stha rāṣṭradā rāṣṭram amuṣmai datta /
māndā stha rāṣṭradā rāṣṭraṃ me datta svāhā /
māndā stha rāṣṭradā rāṣṭram amuṣmai datta /
vrajakṣita stha rāṣṭradā rāṣṭraṃ me datta svāhā /
vrajakṣita stha rāṣṭradā rāṣṭram amuṣmai datta /
vāśā stha rāṣṭradā rāṣṭraṃ me datta svāhā /
vāśā stha rāṣṭradā rāṣṭram amuṣmai datta /
śaviṣṭhā stha rāṣṭradā rāṣṭraṃ me datta svāhā /
śaviṣṭhā stha rāṣṭradā rāṣṭram amuṣmai datta /
śakvarī stha rāṣṭradā rāṣṭraṃ me datta svāhā /
śakvarī stha rāṣṭradā rāṣṭram amuṣmai datta /
janabhṛta stha rāṣṭradā rāṣṭraṃ me datta svāhā /
janabhṛta stha rāṣṭradā rāṣṭram amuṣmai datta /
viśvabhṛta stha rāṣṭradā rāṣṭraṃ me datta svāhā /
viśvabhṛta stha rāṣṭradā rāṣṭram amuṣmai datta /
āpaḥ svarāja stha rāṣṭradā rāṣṭram amuṣmai datta /
madhumatīr madhumatībhiḥ pṛcyantāṃ mahi kṣatraṃ kṣatriyāya vanvānāḥ /
' anādhṛṣṭāḥ sīdata sahaujaso mahi kṣatraṃ kṣatriyāya dadhatīḥ

somasya tviṣir asi taveva me tviṣir bhūyāt /
agnaye svāhā /
somāya svāhā /
savitre svāhā /
sarasvatyai svāhā /
pūṣṇe svāhā /
bṛhaspataye svāhā /
indrāya svāhā /
ghoṣāya svāhā /
ślokāya svāhā /
aᳬṃśāya svāhā /
bhagāya svāhā /
aryamṇe svāhā

pavitre stho vaiṣṇavyau /
savitur vaḥ prasava ' ut punāmy acchidreṇa pavitreṇa sūryasya raśmibhiḥ /
anibhṛṣṭam asi vāco bandhus tapojāḥ somasya dātram asi svāhā rājasvaḥ

sadhamādo dyumninīr āpa ' etā anādhṛṣṭā ' apasyo vasānāḥ /
pastyāsu cakre varuṇaḥ sadhastham apāᳬṃ śiśur mātṛtamāsv antaḥ

kṣatrasyolvam asi /
kṣatrasya jarāyv asi /
kṣatrasya yonir asi /
kṣatrasya nābhir asi /
indrasya vātraghnam /
mitrasyāsi varuṇasyāsi /
tvayāyaṃ vṛtraṃ vadhet /
dṛvāsi /
rujāsi /
kṣumāsi /
pātainaṃ prāñcam /
pātainaṃ pratyañcam /
pātainaṃ tiryañcaṃ digbhyaḥ pāta

āvirmaryāḥ /
' āvitto ' agnir gṛhapatiḥ /
āvitta ' indro vṛddhaśravāḥ /
' āvittau mitrāvaruṇau dhṛtavratau /
āvittaḥ pūṣā viśvavedāḥ /
' āvitte dyāvāpṛthivī viśvaśambhuvau /
āvittāditir uruśarmā

aveṣṭā dandaśūkāḥ /
prācīm ā roha gāyatrī tvāvatu rathantaraꣳ sāma trivṛt stomo vasanta ' ṛtur brahma draviṇam

dakṣiṇām ā roha triṣṭup tvāvatu bṛhat sāma pañcadaśa stomo grīṣma ' ṛtuḥ kṣatraṃ draviṇam

pratīcīm ā roha jagatī tvāvatu vairūpaꣳ sāma saptadaśa stomo varṣā ' ṛtuḥ viḍ draviṇam

udīcīm ā rohānuṣṭup tvāvatu vairājaꣳ sāmaikaviꣳśa stomaḥ śarad ṛtuḥ phalaṃ draviṇam

ūrdhvām ā roha paṅktis tvāvatu śākvararaivate sāmanī triṇavatrayastriꣳśau stomau hemantaśiśirāv ṛtū varco draviṇam /
pratyastaṃ namuceḥ śiraḥ

somasya tviṣir asi taveva me tviṣir bhūyāt /
mṛtyoḥ pāhi /
ojo 'si saho 'sy amṛtam asi

hiraṇyarūpā 'uṣaso viroka 'ubhāv indrā 'udithaḥ sūryaś ca /
ā rohataṃ varuṇa mitra gartaṃ tataś cakṣāthām aditiṃ ditiṃ ca /
mitro 'si varuṇo 'si

somasya tvā dyumnenābhiṣiñcāmy agner bhrājasā sūryasya varcasendrasyendriyeṇa /
kṣatrāṇāṃ kṣatrapatir edhy ati didyūn pāhi

imaṃ devā 'asapatnaꣳ suvadhvaṃ mahate kṣatrāya mahate jyaiṣṭhyāya mahate jānarājyāyendrasyendriyāya /
imam amuṣya putram amuṣyai putram asyai viśa 'eṣa vo mī rājā somo smākaṃ brāhmaṇānā rājā

pra parvatasya vṛṣabhasya pṛṣṭhān nāvaś caranti svasica 'iyānāḥ /
tā ' āvavṛtrann adharāg udaktā ' ahiṃ budhnyam anu rīyamāṇāḥ /
viṣṇor vikramaṇam asi /
viṣṇor vikrāntam asi /
viṣṇoḥ krāntam asi

prajāpate na tvad etāny anyo viśvā rūpāṇi pari tā babhūva /
yatkāmās te juhumas tan no ' astu /
ayam amuṣya pitā'sāv asya pitā /
vayaꣳ syāma patayo rayīṇā svāhā /
rudra yat te krivi paraṃ nāma tasmin hutam asy ameṣṭam asi svāhā

indrasya vajro 'si /
mitrāvaruṇayos tvā praśāstroḥ praśiṣā yunajmi /
avyathāyai tvā svadhāyai tvā'riṣṭo arjunaḥ /
marutāṃ prasavena jaya /
āpāma manasā /
sam indriyeṇa

mā ta ' indra te vayaṃ turāṣāḍ ayuktāso ' abrahmatā vidasāma /
tiṣṭhā ratham adhi yaṃ vajrahastā raśmīn deva yuvase svaśvān

agnaye gṛhapataye svāhā /
somāya vanaspataye svāhā /
marutām ojase svāhā /
indrasyendriyāya svāhā /
pṛthivi mātar mā mā hiꣳsīr mo ' ahaṃ tvām

haꣳsaḥ śuciṣad vasur antarikṣasad hotā vediṣad atithir duroṇasat /
nṛṣad varasad ṛtasad vyomasad abjā gojā ' ṛtajā ' adrijā ' ṛtaṃ bṛhat

iyad asyāyur asyāyur mayi dhehi yuṅṅ asi varco 'si varco mayi dhehi /
ūrg asy ūrjaṃ mayi dhehi /
indrasya vāṃ vīryakṛto bāhū 'abhyupāva harāmi

syonāsi suṣadāsi /
kṣatrasya yonir asi /
syonām ā sīda suṣadām ā sīda kṣatrasya yonim ā sīda

ni ṣasāda ghṛtavrato varuṇaḥ pastyāsv ā /
sāmrājyāya sukratuḥ

abhibhūr asy etās te pañca diśaḥ kalpantām /
brahmaꣳs tvaṃ brahmāsi savitāsi satyaprasavaḥ /
varuṇo 'si satyaujāḥ /
' indro 'si viśaujāḥ /
rudro' si suśevaḥ /
bahukāra śreyaskara bhūyaskara /
indrasya vajro 'si tena me radhya

agniḥ pṛthur dharmaṇas patir juṣāṇo agniḥ pṛthur dharmaṇas patir ājyasya vetu svāhā /
svāhākṛtāḥ sūryasya raśmibhir yatadhvaꣳ sajātānāṃ madhyameṣṭhyāya

savitrā prasavitrā sarasvatyā vācā tvaṣṭrā rūpaiḥ pūṣṇā paśubhir indreṇāsme bṛhaspatinā brahmaṇā varuṇenaujasāgninā tejasā somena rājñā viṣṇunā daśamyā devatayā prasūtaḥ pra sarpāmi

aśvibhyāṃ pacyasva /
sarasvatyai pacyasva /
indrāya sutrāmṇe pacyasva /
vāyuḥ pūtaḥ pavitreṇa pratyaṅk somo atisrutaḥ /
indrasya yujyaḥ sakhā

kuvid aṅga yavamanto vayaṃ cid yathā dānty anupūrvaṃ viyūya /
ihehaiṣāṃ kṛṇuhi bhojanāni ye barhiṣo nama ' uktiṃ yajanti /
upayāmagṛhīto 'sy aśvibhyāṃ tvā sarasvatyai tvendrāya tvā sutrāmṇe

vayaꣳ surāmam aśvinā namucāv āsure sacā /
vipipānā śubhas patī indraṃ karmasv āvatam

putram iva pitarāv aśvinobhendrāvathuḥ kāvyair daꣳsanābhiḥ /
yat surāmaṃ vyapibaḥ śacībhiḥ sarasvatī tvā maghavann abhiṣṇak //