Language

ENहिગુ
Scripture Library

Shiva Purana · Chapter 7.32

7.32.7.2,32.1

upamanyuruvāca
etatte kathitaṃ kṛṣṇa karmehāmutra siddhidam

7.32.7.2,32.1

kriyātapojapadhyānasamuccayamayaṃ param

7.32.7.2,32.2

atha vakṣyāmi śaivānāmihaiva phaladaṃ nṛṇām

7.32.7.2,32.2

pūjāhomajapadhyānatapodānamayaṃ mahat

7.32.7.2,32.3

tatra saṃsādhayetpūrvaṃ mantraṃ mantrārthavittamaḥ

7.32.7.2,32.3

dṛṣṭasiddhikaraṃ karma nānyathā phaladaṃ yataḥ

7.32.7.2,32.4

siddhamantro 'pyadṛṣṭena prabalena tu kenacit

7.32.7.2,32.4

pratibandhaphalaṃ karma na kuryātsahasā budhaḥ

7.32.7.2,32.5

tasya tu pratibandhasya kartuṃ śakyeha niṣkṛtiḥ

7.32.7.2,32.5

parīkṣya śakunādyaistadādau niṣkṛtimācaret

7.32.7.2,32.6

yo 'nyathā kurute mohātkarmaihikaphalaṃ naraḥ

7.32.7.2,32.6

na tena phalabhāksa syātprāpnuyāccopahāsyatām

7.32.7.2,32.7

abisrabdho na kurvīta karma dṛṣṭaphalaṃ kvacit

7.32.7.2,32.7

sa khalvaśraddhadhānaḥ syānnāśraddhaḥ phalamṛcchati

7.32.7.2,32.8

nāparādhosti devasya karmaṇyapi tu niṣphale

7.32.7.2,32.8

yathoktakāriṇāṃ puṃsāmihaiva phaladarśanāt

7.32.7.2,32.9

sādhakaḥ siddhamaṃtraśca nirastapratibaṃdhakaḥ

7.32.7.2,32.9

viśvastaḥ śraddhadhānaśca kurvannāpnoti tatphalam

7.32.7.2,32.10

athavā tatphalāvāptyai brahmacaryarato bhavet

7.32.7.2,32.10

rātrau haviṣyamaśnīyātpāyasaṃ vā phalāni vā

7.32.7.2,32.11

hiṃsādi yanniṣiddhaṃ syānna kuryānmanasāpi tat

7.32.7.2,32.11

sadā bhasmānuliptāṃ gassuveṣaśca śucirbhavet

7.32.7.2,32.12

itthamācāravānbhūtvā svānukūle śubhe 'hani

7.32.7.2,32.12

pūrvoktalakṣaṇe deśe puṣpadāmādyalaṃkṛte

7.32.7.2,32.13

ālipya śakṛtā १ bhūmiṃ hastamānāvarāṃ yathā

7.32.7.2,32.13

vilikhetkamale bhadre dīpyamānaṃ svatejasā

7.32.7.2,32.14

taptajāṃbūnadamayamaṣṭapatraṃ sakesaram

7.32.7.2,32.14

madhye karṇikayā yuktaṃ sarvaratnairalaṃkṛtam

7.32.7.2,32.15

svākārasadṛśenaiva nālena ca samanvitam

7.32.7.2,32.15

tādṛśe svarṇanirmāṇe kaṃde samyagvidhānataḥ

7.32.7.2,32.16

tatrāṇimādikaṃ sarvaṃ saṃkalpya manasā punaḥ

7.32.7.2,32.16

ratnajaṃ vātha sauvarṇaṃ sphaṭikaṃ vā salakṣaṇam

7.32.7.2,32.16

liṅgaṃ savedikaṃ caiva sthāpayitvā vidhānataḥ

7.32.7.2,32.17

tatrāvāhya yajeddevaṃ sāṃbaṃ sagaṇamavyayam

7.32.7.2,32.17

tatra māheśvarī kalpyā mūrtirmūrtimataḥ prabhoḥ

7.32.7.2,32.18

caturbhujā caturvaktrā sarvābharaṇabhūṣitā

7.32.7.2,32.18

śārdūlacarmavasanā kiṃcidvihasitānanā

7.32.7.2,32.19

varadābhayahastā ca mṛgaṭaṃkadharā tathā

7.32.7.2,32.19

atha vāṣṭabhujā ciṃtyā ciṃtakasya yathāruci

7.32.7.2,32.20

tadā triśūlaparaśukhaḍgavajrāṇi dakṣiṇe

7.32.7.2,32.20

vāme pāśāṃkuśau tadvatkheṭaṃ nāgaṃ ca bibhratī

7.32.7.2,32.21

bālārkasadṛśaprakhyā prativaktraṃ trilocanā

7.32.7.2,32.21

tasyāḥ pūrvamukhaṃ saumyaṃ svākārasadṛśaprabham

7.32.7.2,32.22

dakṣiṇaṃ nīlajīmūtasadṛśaṃ ghoradarśanam

7.32.7.2,32.22

uttaraṃ vidrumaprakhyaṃ nīlālakavibhūṣitam

7.32.7.2,32.23

paścimaṃ pūrṇacaṃdrābhaṃ saumyamiṃdukalādharam

7.32.7.2,32.23

tadaṃkamaṃḍalārūḍhā śaktirmāheśvarī parā

7.32.7.2,32.24

mahālakṣmīriti khyātā śyāmā sarvamanoharā

7.32.7.2,32.24

mūrtiṃ kṛtvaivamākārāṃ sakalīkṛtya ca kramāt

7.32.7.2,32.25

mūrtimaṃtamathāvāhya yajetparamakāraṇam

7.32.7.2,32.25

snānārthe kalpayettatra pañcagavyaṃ tu kāpilam

7.32.7.2,32.26

pañcāmṛtaṃ ca pūrṇāni bījāni ca viśeṣataḥ

7.32.7.2,32.26

purastānmaṇḍalaṃ kṛtvā ratnacūrṇādyalaṃkṛtam

7.32.7.2,32.27

karṇikāyāṃ pravinyasyedīśānakalaśaṃ punaḥ

7.32.7.2,32.27

sadyādikalaśānpaścātparitastasya kalpayet

7.32.7.2,32.28

tato vidyeśakalaśānaṣṭau pūrvādivatkramāt

7.32.7.2,32.28

tīrthāmbupūritānkṛtvā sūtreṇāveṣṭya pūrvavat

7.32.7.2,32.29

puṇyadravyāṇi nikṣipya samantraṃ savidhānakam

7.32.7.2,32.29

dukūlādyena vastreṇa samācchādya samaṃtataḥ

7.32.7.2,32.30

sarvatra maṃtraṃ vinyasya tattanmaṃtrapurassaram

7.32.7.2,32.30

snānakāle tu saṃprāpte sarvamaṅgalanisvanaiḥ

7.32.7.2,32.31

pañcagavyādibhiścaiva snāpayetparameśvaram

7.32.7.2,32.31

tataḥ kuśodakādyāni svarṇaratnodakānyapi

7.32.7.2,32.32

gaṃdhapuṣpādisiddhāni mantrasiddhāni ca kramāt

7.32.7.2,32.32

uddhṛtyoddhṛtya mantreṇa taistaissnāpya maheśvaram

7.32.7.2,32.33

gaṃdhaṃ puṣpādidīpāṃśca pūjākarma samācaret

7.32.7.2,32.33

palāvaraḥ syādālepa ekādaśapalottaraḥ

7.32.7.2,32.34

suvarṇaratnapuṣpāṇi śubhāni surabhīṇi ca

7.32.7.2,32.34

nīlotpalādyutpalāni bilvapatrāṇyanekaśaḥ

7.32.7.2,32.35

kamalāni ca raktāni śvetānyapi ca śaṃbhave

7.32.7.2,32.35

kṛṣṇāgurūdbhavo dhūpaḥ sakarpūrājyaguggulaḥ

7.32.7.2,32.36

kapilāghṛtasaṃsiddhā dīpāḥ karpūravartijāḥ

7.32.7.2,32.36

pañcabrahmaṣaḍaṃgāni pūjyānyāvaraṇāni ca

7.32.7.2,32.37

naivedyaḥ payasā siddhaḥ sa guḍājyo mahācaruḥ

7.32.7.2,32.37

pāṭalotpalapadmādyaiḥ pānīyaṃ ca sugandhitam

7.32.7.2,32.38

pañcasaugaṃdhikopetaṃ tāṃbūlaṃ ca susaṃskṛtam

7.32.7.2,32.38

suvarṇaratnasiddhāni bhūṣaṇāni viśeṣataḥ

7.32.7.2,32.39

vāsāṃsi ca vicitrāṇi sūkṣmāṇi ca navāni ca

7.32.7.2,32.39

darśanīyāni deyāni gānavādyādibhissaha

7.32.7.2,32.40

japaśca mūlamaṃtrasya lakṣaḥ paramasaṃkhyayā

7.32.7.2,32.40

ekāvarā tryuttarā ca pūjā phalavaśādiha

7.32.7.2,32.41

daśasaṃkhyāvaro homaḥ pratidravyaṃ śatottaraḥ

7.32.7.2,32.41

ghorarūpaśśivaściṃtyo māraṇoccāṭanādiṣu

7.32.7.2,32.42

śivaliṃge śivāgnau ca hyanyāsu pratimāsu ca

7.32.7.2,32.42

ciṃtyassaumyatanuśśaṃbhuḥ kārye śāṃtikapauṣṭike

7.32.7.2,32.43

āyasau sruksruvau kāryau māraṇādiṣu karmasu

7.32.7.2,32.43

tadanyatra tu sauvarṇau śāṃtikādyeṣu kṛtsnaśaḥ

7.32.7.2,32.44

dūrvayā ghṛtagokṣīramiśrayā madhunā tathā

7.32.7.2,32.44

caruṇā saghṛtenaiva kevalaṃ payasāpi vā

7.32.7.2,32.45

juhuyānmṛtyuvijaye tilai rogopaśāṃtaye

7.32.7.2,32.45

ghṛtena payasā caiva kamalairvātha kevalaiḥ

7.32.7.2,32.46

samṛddhikāmo juhuyānmahādāridryaśāṃtaye

7.32.7.2,32.46

jātīpuṣpeṇa vaśyārthī juhuyātsaghṛtena tu

7.32.7.2,32.47

ghṛtena karavīraiśca kuryādākarṣaṇaṃ dvijaḥ

7.32.7.2,32.47

tailenoccāṭanaṃ kuryātstaṃbhanaṃ madhunā punaḥ

7.32.7.2,32.48

staṃbhanaṃ sarṣapeṇāpi laśunena tu pātanam

7.32.7.2,32.48

tāḍanaṃ rudhireṇa syātkharasyoṣṭrasya cobhayoḥ

7.32.7.2,32.49

māraṇoccāṭane kuryādrohibījaistilānvitaiḥ

7.32.7.2,32.49

vidveṣaṇaṃ ca tailena kuryāllāṃgalakasya tu

7.32.7.2,32.50

baṃdhanaṃ rohibījena senāstaṃbhanameva ca

7.32.7.2,32.50

raktasarṣapasaṃmiśrairhomadravyairaśeṣataḥ

7.32.7.2,32.51

hastayaṃtrodbhavaistailairjuhuyādābhicārike

7.32.7.2,32.51

kaṭukītuṣasaṃyuktaiḥ kārpāsāsthibhireva ca

7.32.7.2,32.52

sarṣapaistailasaṃmiśrairjuhuyādābhicārike

7.32.7.2,32.52

jvaropaśāṃtidaṃ kṣīraṃ saubhāgyaphaladaṃ tathā

7.32.7.2,32.53

sarvasiddhikaro homaḥ kṣaudrājyadadhibhiryutaiḥ

7.32.7.2,32.53

kṣīreṇa taṃdulaiścaiva caruṇā kevalena vā

7.32.7.2,32.54

śāṃtikaṃ pauṣṭikaṃ vāpi saptabhiḥ samidādibhiḥ

7.32.7.2,32.54

dravyairviśeṣato home vaśyamākarṣaṇaṃ tathā

7.32.7.2,32.55

vaśyamākarṣaṇaṃ caiva śrīpadaṃ ca viśeṣataḥ

7.32.7.2,32.55

bilvapatraistu havanaṃ śatrorvijayadaṃ tathā

7.32.7.2,32.56

samidhaḥ śāṃtikāryeṣu pālāśakhadirādikāḥ

7.32.7.2,32.56

karavīrārkajāḥ kraurye kaṇṭakinyaśca vigrahe

7.32.7.2,32.57

praśāṃtaḥ śāṃtikaṃ kuryātpauṣṭikaṃ ca viśeṣataḥ

7.32.7.2,32.57

nirghṛṇaḥ kruddhacittastu prakuryādābhicārikam

7.32.7.2,32.58

atīvaduravasthāyāṃ pratīkārāṃtaraṃ na cet

7.32.7.2,32.58

ātatāyinamuddiśya prakuryādābhicārikam

7.32.7.2,32.59

svarāṣṭrapatimuddiśya na kuryādābhicārikam

7.32.7.2,32.59

yadyāstikassudharmiṣṭho mānyo vā yo 'pi kopi vā

7.32.7.2,32.60

tamuddiśyāpi no kuryādātatāyinamapyuta

7.32.7.2,32.60

manasā karmaṇā vācā yo 'pi kopi śivāśritaḥ

7.32.7.2,32.61

svarāṣṭrapatimuddiśya śivā śritamathāpi vā

7.32.7.2,32.61

kṛtvābhicārikaṃ karma sadyo vinipatennaraḥ

7.32.7.2,32.62

svarāṣṭrapālakaṃ tasmācchivabhaktaṃ ca kañcana

7.32.7.2,32.62

na hiṃsyādabhicārādyairyadīcchetsukhamātmanaḥ

7.32.7.2,32.63

anyaṃ kamapi coddiśya kṛtvā vai māraṇādikam

7.32.7.2,32.63

paścāttāpena saṃyuktaḥ prāyaścittaṃ samācaret

7.32.7.2,32.64

bāṇaliṃge 'pi vā kuryānnirdhano dhanavānapi

7.32.7.2,32.64

svayaṃbhūte 'tha vā liṃge ārṣake vaidike 'pi vā

7.32.7.2,32.65

abhāve hemaratnānāmaśaktau ca tadarjane

7.32.7.2,32.65

manasaivācaredetaddravyairvā pratirūpakaiḥ

7.32.7.2,32.66

kvacidaṃśe tu yaḥ śaktastvaśaktaḥ kvacidaṃśake

7.32.7.2,32.66

so 'pi śaktyanusāreṇa kurvaṃścetphalamṛcchati

7.32.7.2,32.67

karmaṇyanuṣṭhite 'pyasminphalaṃ yatra na dṛśyate

7.32.7.2,32.67

dvistrirvāvartayettatra sarvathā dṛśyate phalam

7.32.7.2,32.68

pūjopayuktaṃ yaddravyaṃ hemaratnādyanuttamam

7.32.7.2,32.68

tatsarvaṃ gurave dadyāddakṣiṇāṃ ca tataḥ pṛthak

7.32.7.2,32.69

sa cennecchati tatsarvaṃ śivāya vinivedayet

7.32.7.2,32.69

athavā śivabhaktebhyo nānyebhyastu pradīyate

7.32.7.2,32.70

yaḥ svayaṃ sādhayecchaktyā gurvādinirapekṣayā

7.32.7.2,32.70

so 'pyevamācaredatra na gṛhṇīyātsvayaṃ punaḥ

7.32.7.2,32.71

svayaṃ gṛhṇāti yo lobhātpūjāṃgadravyamuttamam

7.32.7.2,32.71

kāṃkṣitaṃ na labhenmūḍho nātra kāryā vicāraṇā

7.32.7.2,32.72

arcitaṃ yattu talliṃgaṃ gṛhṇīyādvā navā svayam

7.32.7.2,32.72

gṛhṇīyādyadi tannityaṃ svayaṃ vānyo 'pi vārcayet

7.32.7.2,32.73

yathoktameva karmaitadācaredyo 'napāyataḥ

7.32.7.2,32.73

phalaṃ vyabhicarennaivamityataḥ kiṃ prarocakam

7.32.7.2,32.74

tathāpyuddeśato vakṣye karmaṇaḥ siddhimuttamam

7.32.7.2,32.74

api śatrubhirākrāṃto vyādhibhirvāpyanekaśaḥ

7.32.7.2,32.75

mṛtyorāsyagataścāpi mucyate nirapāyataḥ

7.32.7.2,32.75

pūjāyate 'tikṛpaṇo rikto vaiśravaṇāyate

7.32.7.2,32.76

kāmāyate virūpo 'pi vṛddho 'pi taruṇāyate

7.32.7.2,32.76

śatrurmitrāyate sadyo virodhī kiṃkarāyate

7.32.7.2,32.77

viṣāyate yadamṛtaṃ viṣamapyamṛtāyate

7.32.7.2,32.77

sthalāyate samudro 'pi sthalamapyarṇavāyate

7.32.7.2,32.78

mahīdharāyate śvabhraṃ sa ca śvabhrāyate giriḥ

7.32.7.2,32.78

padmākarāyate vahniḥ saro vaiśvānarāyate

7.32.7.2,32.79

vanāyate yadudyānaṃ tadudyānāyate vanam

7.32.7.2,32.79

siṃhāyate mṛgaḥ kṣudraḥ siṃhaḥ krīḍāmṛgāyate

7.32.7.2,32.80

striyo 'bhisārikāyante lakṣmīḥ sucaritāyate

7.32.7.2,32.80

svairapreṣyāyate vāṇī kīrtistu gaṇikāyate

7.32.7.2,32.81

svairācārāyate medhā vajrasūcīyate manaḥ

7.32.7.2,32.81

mahāvātāyate śaktirbalaṃ mattagajāyate

7.32.7.2,32.82

stambhāyate samudyogaiḥ śatrupakṣe sthitā kriyā

7.32.7.2,32.82

śatrupakṣāyate 'rīṇāṃ sarva eva suhṛjjanaḥ

7.32.7.2,32.83

śatravaḥ kuṇapāyante jīvantopi sabāṃdhavāḥ

7.32.7.2,32.83

āpanno 'pi gatāriṣṭaḥ svayaṃ khalvamṛtāyate

7.32.7.2,32.84

rasāya nāyate nityamapathyamapi sevitam

7.32.7.2,32.84

aniśaṃ kriyamāṇāpi ratistvabhinavāyate

7.32.7.2,32.85

anāgatādikaṃ sarvaṃ karasthāmalakāyate

7.32.7.2,32.85

yādṛcchikaphalāyante siddhayo 'pyaṇimādayaḥ

7.32.7.2,32.86

bahunātra kimuktena sarvakāmārthasiddhiṣu

7.32.7.2,32.86

asminkarmaṇi nirvṛtte tvanavāpyaṃ na vidyate

iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe aihikasiddhikarmavarṇanaṃ nāma dvātriṃśo 'dhyāyaḥ

Original text: śivapurāṇam · Sanskrit Wikisource contributors · Sanskrit Wikisource · CC BY-SA 4.0

Esc