Scripture Library

Shiva Purana · Chapter 7.18

7.18.7.2,18.1

upamanyuruvāca
tataḥ snānādikaṃ sarvaṃ samāpyācāryacoditaḥ

7.18.7.2,18.1

gacchedbaddhāṃjalirdhyāyañchivamaṇḍalapārśvataḥ

7.18.7.2,18.2

atha pūjāṃ vinā sarvaṃ kṛtvā pūrvadine yathā

7.18.7.2,18.2

netrabaṃdhanaparyaṃtaṃ darśayenmaṇḍalaṃ guruḥ

7.18.7.2,18.3

baddhanetreṇa śiṣyeṇa puṣpāvakiraṇe kṛte

7.18.7.2,18.3

yatrāpataṃti puṣṇāṇi tasya nāmā 'sya saṃdiśet

7.18.7.2,18.4

taṃ copanīya nirmālyamaṇḍale 'sminyathā purā

7.18.7.2,18.4

pūjayeddevamīśānaṃ juhuyācca śivānale

7.18.7.2,18.5

śiṣyeṇa yadi duḥsvapno dṛṣṭastaddoṣaśāṃtaye

7.18.7.2,18.5

śatamardhaṃ tadardhaṃ vā juhuyānmūlavidyayā

7.18.7.2,18.6

tataḥ sūtraṃ śikhābaddhaṃ laṃbayitvā yathā purā

7.18.7.2,18.6

ādhārapūjāprabhṛti yannivṛttikalāśrayam

7.18.7.2,18.7

vāgīśvarīpūjanāṃtaṃ kuryāddhomapurassaram

7.18.7.2,18.7

atha praṇamya vāgīśaṃ nivṛttervyāpikāṃ satīm

7.18.7.2,18.8

maṇḍale devamabhyarcya hutvā caivāhutitrayam

7.18.7.2,18.8

prāpayecca śiśoḥ prāptiṃ yugapatsarvayoniṣu

7.18.7.2,18.9

sūtradehe 'tha śiṣyasya tāḍanaprokṣaṇādikam

7.18.7.2,18.9

kṛtvātmānaṃ samādāya dvādaśāṃte nivedya ca

7.18.7.2,18.10

tato 'pyādāya mūlena mudrayā śāstradṛṣṭayā

7.18.7.2,18.10

yojayenmanasācāryo yugapatsarvayoniṣu

7.18.7.2,18.11

devānāṃ jātayaścāṣṭau tiraścāṃ pañca jātayaḥ

7.18.7.2,18.11

jātyaikayā ca mānuṣyā yonayaśca caturdaśa

7.18.7.2,18.12

tāsu sarvāsu yugapatpraveśāya śiśordhiyā

7.18.7.2,18.12

vāgīśānyāṃ yathānyāyaṃ śiṣyātmānaṃ niveśayet

7.18.7.2,18.13

garbhaniṣpattaye devaṃ saṃpūjya praṇipatya ca

7.18.7.2,18.13

hutvā caiva yathānyāyaṃ niṣpannaṃ tadanusmaret

7.18.7.2,18.14

niṣpannasyaivamutpattimanuvṛttiṃ ca karmaṇā

7.18.7.2,18.14

ārjavaṃ bhoganiṣpattiḥ kuryātprītiṃ parāṃ tathā

7.18.7.2,18.15

niṣkṛtyarthaṃ ca jātyāyurbhogasaṃskārasiddhaye

7.18.7.2,18.15

hutvāhutitrayaṃ devaṃ prārthayeddeśikottamaḥ

7.18.7.2,18.16

bhoktṛtvaviṣayāsaṃgamalaṃ tatkāyaśodhanam

7.18.7.2,18.16

kṛtvaivameva śiṣyasya chiṃdyātpāśatrayaṃ tataḥ

7.18.7.2,18.17

nikṛtyā pari baddhasya pāśasyātyaṃtabhedataḥ

7.18.7.2,18.17

kṛtvā śiṣyasya caitanyaṃ svacchaṃ manyeta kevalam

7.18.7.2,18.18

hutvā pūrṇāhutiṃ vahnau brahmāṇaṃ pūjayettataḥ

7.18.7.2,18.18

hutvāhutitrayaṃ tasmai śivājñāmanusaṃdiśet

7.18.7.2,18.19

pitāmaha tvayā nāsya yātuḥ śaivaṃ paraṃ padam

7.18.7.2,18.19

pratibandho vidhātavyaḥ śaivājñaiṣā garīyasī

7.18.7.2,18.20

ityādiśya tamabhyarcya visṛja ca vidhānataḥ

7.18.7.2,18.20

samabhyarcya mahādevaṃ juhuyādāhutitrayam

7.18.7.2,18.21

nivṛttyā śuddhamuddhṛtya śiṣyātmānaṃ yathā purā

7.18.7.2,18.21

niveśyātmani sūtre ca vāgīśaṃ pūjayettataḥ

7.18.7.2,18.22

hutvāhutitrayaṃ tasmai praṇamya ca visṛjya tām

7.18.7.2,18.22

kuryānnivṛttaḥ saṃdhānaṃ pratiṣṭhāṃ kalayā saha

7.18.7.2,18.23

saṃdhāne yugapatpūjāṃ kṛtvā hutvāhutitrayam

7.18.7.2,18.23

śiṣyātmanaḥ pratiṣṭhāyāṃ praveśaṃ tvatha bhāvayet

7.18.7.2,18.24

tataḥ pratiṣṭhāmāvāhya kṛtvāśeṣaṃ puroditam

7.18.7.2,18.24

tadvyāptiṃ vyāpikāṃ tasya vāgīśānīṃ ca bhāvayet

7.18.7.2,18.25

pūrṇedumaṃḍalaprakhyāṃ kṛtvā śeṣaṃ ca pūrvavat

7.18.7.2,18.25

viṣṇave saṃviśedājñāṃ śivasya paramātmanaḥ

7.18.7.2,18.26

viṣṇorvisarjanādyaṃ ca kṛtvā śeṣaṃ ca vidyayā

7.18.7.2,18.26

pratiṣṭhāmanusaṃdhāya tasyāṃ cāpi yathā purā

7.18.7.2,18.27

kṛtvānucintya tadvyāptiṃ vāgīśāṃ ca yathākramam

7.18.7.2,18.27

dīptāgnau pūrṇahomāntaṃ kṛtvā śeṣaṃ ca pūrvavat

7.18.7.2,18.28

nīlarudramupasthāpya tasmai pūjādikaṃ tathā

7.18.7.2,18.28

kṛtvā karma śivājñāṃ ca dadyātpūrvoktavartmanā

7.18.7.2,18.29

tapastamapi codvāsya kṛtvā tasyātha śāṃtaye

7.18.7.2,18.29

vidyākalāṃ samādhāya tadvyāptiṃ cāvalokayet

7.18.7.2,18.30

svātmano vyāpikāṃ tadvadvāgīśīṃ ca yathā purā

7.18.7.2,18.30

bālārkasadṛśākārāṃ bhāsayaṃtīṃ diśo daśa

7.18.7.2,18.31

tataḥ śeṣaṃ yathāpūrvaṃ kṛtvā devaṃ maheśvaram

7.18.7.2,18.31

āvāhyārādhya hutvāsmai śivājñāṃ manasā diśet

7.18.7.2,18.32

maheśvaraṃ tathotsṛjya kṛtvānyāṃ ca kalāmimām

7.18.7.2,18.32

śāṃtyatītāṃ kalāṃ nītvā tadvyāptimavalokayet

7.18.7.2,18.33

svātmano vyāpikāṃ tadvadvāgīśāṃ ca viciṃtayet

7.18.7.2,18.33

nabhomaṃḍalasaṃkāśāṃ pūrṇāṃtaṃ cāpi pūrvavat

7.18.7.2,18.34

kṛtvā śeṣavidhānena samabhyarcya sadāśivam

7.18.7.2,18.34

tasmai samādiśedājñāṃ śaṃbhoramitakarmaṇaḥ

7.18.7.2,18.35

tatrāpi ca yathāpūrvaṃ śivaṃ śirasi pūrvavat

7.18.7.2,18.35

samabhyarcya ca vāgīśaṃ praṇamya ca visarjayet

7.18.7.2,18.36

tataśśivena samprokṣya śiṣyaṃ śirasi pūrvavat

7.18.7.2,18.36

vilayaṃ śāṃtyatītāyāḥ śaktitattve 'tha ciṃtayet

7.18.7.2,18.37

ṣaḍadhvanaḥ pare pāre sarvādhvavyāpinī parām

7.18.7.2,18.37

koṭisūryapratīkāśaṃ śaivīṃ śaktiñca cintayet

7.18.7.2,18.38

tadagre śiṣyamānīya śuddhasphaṭikanirmalam

7.18.7.2,18.38

prakṣālya kartarīṃ paścācchivaśāstroktamārgataḥ

7.18.7.2,18.39

kuryāttasya śikhācchedaṃ saha sūtreṇa deśikaḥ

7.18.7.2,18.39

tatastāṃ gomaye nyasya śivāgnau juhuyācchikhām

7.18.7.2,18.40

vauṣaḍaṃtena mūlena punaḥ prakṣālya kartarīm

7.18.7.2,18.40

haste śiṣyasya caitanyaṃ taddehe vinivartayet

7.18.7.2,18.41

tataḥ snātaṃ samācāṃtaṃ kṛtasvastyayanaṃ śiśum

7.18.7.2,18.41

praveśya maṃḍalābhyāsaṃ praṇipatya ca daṃḍavat

7.18.7.2,18.42

pūjāṃ kṛtvā yathānyāyaṃ kriyāvaikalyaśuddhaye

7.18.7.2,18.42

vācakenaiva maṃtreṇa juhuyādāhutitrayam

7.18.7.2,18.43

upāṃśūccārayogena juhuyādāhutitrayam

7.18.7.2,18.43

punassaṃpūjya deveśaṃ mantravaikalyaśuddhaye

7.18.7.2,18.44

mānasoccārayogena juhuyādāhutitrayam

7.18.7.2,18.44

tatra śaṃbhuṃ samārādhya maṃḍalasthaṃ sahāṃbayā

7.18.7.2,18.44

hutvāhutitrayaṃ paścātprārthayetprāṃjalirguruḥ

7.18.7.2,18.45

bhagavaṃstvatprasādena śuddhirasya ṣaḍadhvanaḥ

7.18.7.2,18.45

kṛtā tasmātparaṃ dhāma gamayainaṃ tavāvyayam

7.18.7.2,18.46

iti vijñāpya devāya nāḍīsaṃdhānapūrvakam

7.18.7.2,18.46

pūrṇāṃtaṃ pūrvavatkṛtvā tato bhūtāni śodhayet

7.18.7.2,18.47

sthirāsthire tataḥ śuddhyai śītoṣṇe ca tataḥ pade

7.18.7.2,18.47

dhyāyedvyāptyaikatākāre bhūtaśodhanakarmaṇi

7.18.7.2,18.48

bhūtānāṃ graṃthivicchedaṃ kṛtvā tyaktvā sahādhipaiḥ

7.18.7.2,18.48

bhūtāni sthitayogena yo japetparame śive

7.18.7.2,18.49

viśodhyāsya tanuṃ dagdhvā plāvayitvā sudhākaṇaiḥ

7.18.7.2,18.49

sthāpyātmānaṃ tataḥ kuryādviśuddhādhvamayaṃ vapuḥ

7.18.7.2,18.50

tatrādau śāntyatītāṃ tu vyāpikāṃ svādhvanaḥ kalām

7.18.7.2,18.50

śuddhāmeva śiśormūrdhni nyasecchāntimukhe tathā

7.18.7.2,18.51

vidyāṃ galādinābhyaṃtaṃ pratiṣṭhāṃ tadadhaḥ kramāt

7.18.7.2,18.51

jānvaṃtaṃ tadadho nyasyennivṛttiṃ cānuciṃtayet

7.18.7.2,18.52

svabījaissūtramaṃtraṃ ca nyasyāṃ gaistaṃ śivātmakam

7.18.7.2,18.52

buddhvā taṃ hṛdayāṃbhoje devamāvāhya pūjayet

7.18.7.2,18.53

āśāsya nityasāṃnidhyaṃ śivasvātmyaṃ śiśau guruḥ

7.18.7.2,18.53

śivatejomayasyāsya śiśorāpādayedguṇān

7.18.7.2,18.54

aṇimādīnprasīdeti pradadyādāhutitrayam

7.18.7.2,18.54

tathaiva tu guṇāneva punarasyopapādayet

7.18.7.2,18.55

sarvajñātāṃ tathā tṛptiṃ bodhaṃ cādyantavarjitam

7.18.7.2,18.55

aluptaśaktiṃ svātantryamanaṃtāṃ śaktimeva ca

7.18.7.2,18.56

tato devamanujñāpya sadyādikalaśaistu tam

7.18.7.2,18.56

abhiṣiṃceta deveśaṃ dhyāyanhṛdi yathākramam

7.18.7.2,18.57

athopaveśya taṃ śiṣyaṃ śivamabhyarcya pūrvavat

7.18.7.2,18.57

labdhānujñaḥ śivācchaivīṃ vidyāmasmai samādiśet

7.18.7.2,18.58

oṃkārapūrvikāṃ tatra saṃpuṭāntu namo 'ṃtagām

7.18.7.2,18.58

śivaśaktiyutāñcaiva śaktividyāṃ ca tādṛśīm

7.18.7.2,18.59

ṛṣiṃ chandaśca devaṃ ca śivatāṃ śivayostathā

7.18.7.2,18.59

pūjāṃ sāvaraṇāṃ śambhorāsanāni ca sandiśet

7.18.7.2,18.60

punaḥ saṃpūjya deveśaṃ yanmayā samanuṣṭhitam

7.18.7.2,18.60

sukṛtaṃ kuru tatsarvamiti vijñāpayecchivam

7.18.7.2,18.61

sahaśiṣyo gururdevaṃ daṇḍavatkṣitimaṃḍale

7.18.7.2,18.61

praṇamyodvāsayettasmānmaṃḍalātpāvakādapi

7.18.7.2,18.62

tataḥ sadasikāḥ sarve pūjyāḥ pūjārhakāḥ kramāt

7.18.7.2,18.63

sevyā vittānusāreṇa sadasyāśca sahartvijaḥ

7.18.7.2,18.63

vittaśāṭhyaṃ na kurvīta yadīcchecchivamātmanaḥ

iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe ṣaḍadhvaśuddhyādikathanaṃ nāmāṣṭādaśo 'dhyāyaḥ

Original text: śivapurāṇam · Sanskrit Wikisource contributors · Sanskrit Wikisource · CC BY-SA 4.0