Shiva Purana · Chapter 5.43

śaunaka uvāca //
ācāryyapūjanaṃ brūhi sūta vyāsaguro'dhunā //
granthasya śravaṇānte hi kiṃ kartavyaṃ tadapyaho

sūta uvāca //
pūjayedvidhivadbhaktyācāryyaṃ śrutvā kathāṃ parām //
granthānte vidhivaddadyādācāryyāya prasannadhīḥ

tato vaktāramānamya saṃpūjya ca yathāvidhi //
bhūṣaṇairhastakarṇānāṃ vastraissaumyādibhissudhīḥ

śivapūjāsamāptau tu dadyāddhenuṃ savatsikām //
kṛtvāsanaṃ suvarṇasya palamānasya sāmbaram

tatrāsthāpya śubhaṃ graṃthaṃ likhitaṃ lalitākṣaraiḥ //
ācāryāya sudhīrdadyānmuktaḥ syādbhavabandhanaiḥ

grāmo gajo hayaścāpi yathāśaktyaparāṇi ca //
mune sarvāṇi deyāni vācakāya mahātmane

vidhānasahitaṃ samyakchataṃ hi saphalaṃ smṛtam //
purāṇaṃ śaunakamune satyamevoditaṃ mayā

tasmādvidhānaduktaṃ tu śṛṇuyādbhaktito mune //
purāṇaṃ nigamārthāḍhyaṃ puṇyadaṃ hṛdayaṃ śruteḥ

iti śrīśivamahāpurāṇe pañcamyāmumāsaṃhitātāyāṃ vyāsapūjanaprakāro nāma tricatvāriṃśo'dhyāyaḥ