શિવ પુરાણ · અધ્યાય 5.43

શૌનક ઉવાચ ॥
આચાર્ય્યપૂજનં બ્રૂહિ સૂત વ્યાસગુરોઽધુના ॥
ગ્રન્થસ્ય શ્રવણાન્તે હિ કિં કર્તવ્યં તદપ્યહો

સૂત ઉવાચ ॥
પૂજયેદ્વિધિવદ્ભક્ત્યાચાર્ય્યં શ્રુત્વા કથાં પરામ્ ॥
ગ્રન્થાન્તે વિધિવદ્દદ્યાદાચાર્ય્યાય પ્રસન્નધીઃ

તતો વક્તારમાનમ્ય સંપૂજ્ય ચ યથાવિધિ ॥
ભૂષણૈર્હસ્તકર્ણાનાં વસ્ત્રૈસ્સૌમ્યાદિભિસ્સુધીઃ

શિવપૂજાસમાપ્તૌ તુ દદ્યાદ્ધેનું સવત્સિકામ્ ॥
કૃત્વાસનં સુવર્ણસ્ય પલમાનસ્ય સામ્બરમ્

તત્રાસ્થાપ્ય શુભં ગ્રંથં લિખિતં લલિતાક્ષરૈઃ ॥
આચાર્યાય સુધીર્દદ્યાન્મુક્તઃ સ્યાદ્ભવબન્ધનૈઃ

ગ્રામો ગજો હયશ્ચાપિ યથાશક્ત્યપરાણિ ચ ॥
મુને સર્વાણિ દેયાનિ વાચકાય મહાત્મને

વિધાનસહિતં સમ્યક્છતં હિ સફલં સ્મૃતમ્ ॥
પુરાણં શૌનકમુને સત્યમેવોદિતં મયા

તસ્માદ્વિધાનદુક્તં તુ શૃણુયાદ્ભક્તિતો મુને ॥
પુરાણં નિગમાર્થાઢ્યં પુણ્યદં હૃદયં શ્રુતેઃ

ઇતિ શ્રીશિવમહાપુરાણે પઞ્ચમ્યામુમાસંહિતાતાયાં વ્યાસપૂજનપ્રકારો નામ ત્રિચત્વારિંશોઽધ્યાયઃ