Shiva Purana · Chapter 4.18

ṛṣaya ūcuḥ //
tvayā sūta mahābhāga śrāvitā hyadbhutā kathā //
mahākālākhyaliṃgasya nijabhaktasurakṣikaḥ

jyotirliṃgaṃ caturthaṃ ca kṛpayā vada vittama//
ॐkāraṃ parameśasya sarvapātakahāriṇaḥ

sūta uvāca//
ॐkāre parameśākhyaṃ liṃgamāsīdyathā dvijāḥ//
tathā vakṣyāmi vaḥ prītyā śrūyatāṃ paramarṣayaḥ//
kasmiṃścitsamaye cāña nārado bhagavānmuniḥ//
gokarṇākhyaṃ śivaṃ gatvā siṣeve parabhaktimān

tatassa āgato vindhyaṃ nageśaṃ munisattamaḥ//
tatraiva pūjitastena bahumānapurassaram

mayi sarvaṃ vidyate ca na nyūnaṃ hi kadācana//
iti bhāvaṃ samāsthāya saṃsthito nāradāgrataḥ

tanmānaṃ tattadā śrutvā nārado mānahā tataḥ//
niśśvasya saṃsthitastatra śrutvāvindhyo'bravīdidam

vindhya uvāca //
kiṃ nyūnaṃ ca tvayā dṛṣṭaṃ mayi niśśvāsakāraṇam //
tacchrutvā nārado vākyamabravītsa mahāmuniḥ

// nārada uvāca //
vidyate tvayi sarvaṃ hi meruruccataraḥ punaḥ //
deveṣvapi vibhāgo'sya na tavāsti kadācana

// sūta uvāca //
ityuktvā nāradastasmājjagāma ca yathāgatam //
vindhyaśca paritapto vai dhigvai me jīvitādikam

viśveśvaraṃ tathā śaṃbhumārādhya ca tapāmyaham //
iti niścitya manasā śaṃkara śaraṇaṃ gataḥ

jagāma tatra suprītyā hyoṃkāro yatra vai svayam //
cakāra ca punastatra śivamūrtiśca pārthivīm

ārādhya ca tadā śaṃbhuṃ ṣaṇmāsaṃ sa nirantaram//
na cacāla tapasthānācchivadhyānaparāyaṇaḥ

evaṃ viṃdhyatapo dṛṣṭvā prasannaḥ pārvatīpatiḥ //
svarūpaṃ darśayāmāsa durllabhaṃ yogināmapi

prasannassa tadovāca brūhi tvaṃ manasepsitam //
tapasā te prasannosmi bhaktānāmīpsitapradaḥ

vindhya uvāca //
yadi prasanno deveśa buddhiṃ dehi yathepsitām //
svakāryasādhinīṃ śaṃbho tvaṃ sadā bhaktavatsalaḥ

sūta uvāca //
tacchrutvā bhagavāñchaṃbhuściceta hṛdaye ciram//
paropatāpadaṃ vindhyo varamicchati mūḍhadhīḥ

kiṃ karomi yadetasmai varadānaṃ bhavecchubham //
maddattaṃ paraduḥkhāya varadānaṃ yathā nahi

// sūta uvāca //
tathāpi dattavāñ śaṃbhustasmai tadvaramuttamam //
vidhyaparvatarāja tvaṃ yathecchasi tathā kuru

evaṃ ca samaye devā ṛpayaścāmalāśayāḥ //
saṃpūjya śaṃkaraṃ tatra sthātavyamiti cābuvan

tacchutvā devavacanaṃ prasannaḥ parameśvaraḥ//
tathaiva kṛtavānprītyā lokānāṃ sukhahetave

ॐ kāraṃ caiva yalliṃgamekaṃ tacca dvidhā gatam //
praṇave caiva ॐkāranāmāsītsa sadāśivaḥ

pārthive caiva yajjātaṃ tadāsītparameśvaraḥ //
bhaktābhīṣṭapradau cobhau bhuktimuktipradau dvijāḥ

tatpūjāṃ ca tadā cakrurdevāśca ṛṣayastathā //
prāpurvarānanekāṃśca saṃtoṣya vṛṣabhadhvajam

svasvasthānaṃ yayurdevā vindhyopi mudito'dhikam //
kāryyaṃ sādhitavānsvīyaṃ paritāpaṃ jahau dvijāḥ

ya evaṃ pūjayecchaṃbhuṃ mātṛgarbhaṃ vasenna hi //
yadabhīṣṭaphalaṃ tacca prāpnuyānnātra saṃśaya

sūta uvāca //
etatte sarvamākhyātamoṃkāraprabhave phalam //
ataḥ paraṃ pravakṣyāmi kedāraṃ liṃgamuttamam

iti śrīśivamahāpurāṇe caturthyāṃ koṭirudrasaṃhitāyāmoṃkāreśvarajyotirliṃgamāhātmyavarṇanaṃ nāmāṣṭādaśo'dhyāyaḥ