Shiva Gita · Chapter 15

bhaktiste koiśī deva jāyate vā kartha ca sā /
yathā nirvāṇarūpaṃ tu labhate mokṣamuttamam
tdrūhi girijākānta prāpyate yena nirvṛtiḥ

śrībhagavānuvāca /
yo vedādhyayanaṃ yajñaṃ dānāni vividhāni ca //
madarpaṇadhiyā kuryātsa me bhaktaḥ sa me priyaḥ

naryabhasma samādāya viśuddha śrotriyālayāt /
agnirilatyādibhirmantrairabhimantraya yathāvidhi

uddhūlayati gātrāṇi tena cārcati māmapi //
tasmātparatarā bhaktirmama rāma na vidyate

sarvadā śirasā kaṇṭhe rudrākṣāndhārayettu yaḥ /
pañcākṣarījapaparaḥ sa me bhaktaḥ sa me priyaḥ

bhasmacchanneo bhasmaśāyī sarvadā vijitendriyaḥ /
yastu rudraṃ japennityaṃ cintayenmāmananyadhīḥ

sa tenaiva ca dehena śivaḥ saṃjāyate svayam //
japedyo rudrasūktāni tathā'tharvaśiraḥ param

kaivalyopaniṣatsūktaṃ śvetāśvatarameva ca /
tataḥ parataro bhakto mama loke na vidyate

anyatra dharmādanyasmādanyatrāsmātkṛtākṛtāt/
anyatra bhūtādbhavyācca yatpravakṣyāmi tacchṛṇu

vadanti yatpadaṃ vedāḥ śāstrāṇi vividhāni ca /
sarvopaniṣadāṃ sāraṃ dadhno ghṛtamivoddhṛtamū

yadicchanto brahmacarya caranti munayaḥ sadā /
tatte padaṃ saṃgraheṇa prabraviṣyāmi yatpadam

etadevākṣaraṃ brahma etadevākṣaraṃ param /
etadevākṣaraṃ jñātvā brahmaloke mahīyate

chandasāṃ yastu dhenūnāmṛṣabhatvena, coditaḥ /
idameva patiḥ seturamṛtasya ca dhāraṇāt

medasā pihite kośe brahma yatparamomiti

catasrastasya mātrāḥ syurakārokārakau tathā /
makārakṣcāvasāne'rdhamātretei parikīrtitā

pūrvatra bhūśca ṛgvedo brahmāṣṭavasavastathā //
gārhapatyaśca gāyatrī gaṅgā prātaḥsavastathā

dvitīyā tu bhuvo viṣṇū rudro'nuṣṭubyajustathā // "
yamunā dakṣiṇāgniśca madhyaṃdinasavaḥ smṛtaḥ

tṛtīyā ca suvaḥ sāmānyādityaśca maheśvaraḥ /
agnirāhavanīyakṣca jagatī ca sarasvatī

tṛtīyaṃ savanaṃ proktamatharvatvena yanmatam //
caturthī yāvasāne'rdhamātrā sā somalokagā

atharvāṅgeirasaḥ saṃvartako'gniśca mahastathā //
virāṭ sabhyāvasathyau ca śutudriryajñapucchakaḥ

prathamā raktavarṇā syādvitīya bhāsvara matā /
tṛtīyā vidyudābhāsā caturthī śukalavarṇinī

jātaṃ ca jāyamānaṃ ca tadoṃkāre pratiṣṭhitam //
viśvaṃ bhūtaṃ ca bhuvanaṃ vicitraṃ bahudhā tathā

jātaṃ ca jāyamānaṃ yattatsarvaṃ rudra ucyate //
tasminneva punaḥ prāṇaḥ sarvamoṃkāra ucyate

pravilīnaṃ tadoṃkāre paraṃ brahma sanātanam/
tasmādoṃkārajāpī yaḥ sa mukto nātra saṃśayaḥ

tretājheḥ smārtavahervā śaivāgnevā samāhitam /
bhasmābhimantrya yo māṃ tu praṇavena prapūjayet /
tasmātparataro bhakto mama loke na vidyate

śālāgnerdāvavahervā bhasmānīyābhimantritam /
yo vilimpati gātrāṇi sa śūdro'pi vimucyate

kuśapuṣpairbilvadalai: puṣpairvā girisaṃbhavai:/
yo māmarcayate nityaṃ praṇavena priyo hi saḥ

puṣpaṃ phalaṃ samūlaṃ vā patraṃ salilameva vā /
yo dadyātpraṇavairmahyaṃ tatkoṭiguṇitaṃ bhavet

ahiṃsā satyamasteyaṃ śaucamindriyanigrahaḥ /
yasyāstyadhyayanaṃ nityaṃ sa me bhaktaḥ sa me priyaḥ

pradoṣe yo mama sthānaṃ gatvā pūjayate tu mām /
sa parāṃ śriyamāmoti paścānmayi vilīyate

aṣṭamyāṃ ca caturdaśyāṃ parvaṇorubhayorapi /
bhūtibhūṣitasarvāṅgo yaḥ pūjayati māṃ niśi //
kṛṣṇapakṣe viśeṣeṇa sa me bhaktaḥ sa me priyaḥ

ekādaśyāmupoṣyaiva yaḥ pūjayuti māṃ niśi /
somavāre viśeṣeṇa sa me bhakto na naśyati

pañcāmṛtaiḥ snāpayedyaḥ pañcagavyena vā punaḥ //
puṣpodakaiḥ kuśajalaistasmānnānyaḥ priyo mama

payasā sarpiṣā cāpi madhunekṣurasena vā /
pakkāsmraphalajenāpi nārikelajalena vā

gandhodakena vā māṃ yo rudramantra samucaran /
abhiṣiñcettato nānyaḥ kaścitpriyatamo mama

ādityābhimukho bhūtvā hyūrdhvabāhurjale sthitaḥ /
māṃ dhyāyanravibimbasthamatharvāṅgirasaṃ japet

praviśenme śarīre'sau gṛhaṃ gṛhapatiryathā /
bṛhadrathantaraṃ vāmadevyaṃ devatratāni ca

tadyogayājyadehāṃśva yo gāyati mamāgrataḥ /
iha śriyaṃ parāṃ bhuktvā mama sāyujyamāpnuyāt

īśāvāsyādimantrānyo japennityaṃ mamāgrataḥ //
matsāyujyamavāpnoti mama loke mahīyate

bhaktiyogo mayā prokta evaṃ raghukuloddhaha/
sarvakāmaprado'martyaḥ kimanyacchrotumicchasi