Shatapatha Brahmana · Chapter 6.8

brāhmaṇam

१ vanīvāhanam-tatra pūrvamukhyāgnergārhapatyaṃ pratianasā prāpaṇaṃ / vidhātumupodghātakathanaṃ, sābhiprāyamanvavyatirekābhyāṃ vanīvāhanakarmavidhānaṃ, vanīvāhanasya prakārāntareṇa prāptimāśaṅkya tatsamādhānakathanaṃ, daivaṃ mānuṣaṃ cetyubhaya vidhamapi vanīvāhanaṃ kartavyamiti sakāraṇaṃ pradarśanam , uktārthajñānapūrvakamanutiṣṭhataḥ phalābhidhānam , ukhyāgnegārhapatyacayanadeśaṃ prati praṇayanaprayoganirūpaṇaṃ tatra sābhiprāyaṃ samaṃtrakaṃ sārthavādaṃ samidādhānavidhānam , ukhyāgneranasa upari sthāpayituṃ sāsandīkamudyamanavidhānaṃ, tatra maṃtraṃ viniyujya tasya vyākhyānam, udbhṛtasyāgneranasi sthāpane viśeṣābhidhānaṃ tatra stāvakārthavādātideśakathanaṃ ca, anasyanuḍuhoryojanaṃ tatkramaṃ ca pratipādya tatra maṃtraṃ viniyujya ca tasya vyākhyānaṃ, gamanasamaye'naso'kṣadhvanau sārthavādaṃ japarūpaprāyaścittanirūpaṇam , ukhyāgnervāse'vaharaṇapūrvakaṃ saṃskṛte deśe sthāpanaṃ vidhāya tatra pūrvavatsābhiprāyaṃ samaṃtrakaṃ samidādhānaṃ vidhāya tanmaṃtrasya vyākhyānaṃ, viniyuktānāṃ maṃtrāṇāṃ saṃpatteḥ pradarśanaṃ cetyādi.
brāhmaṇam

२ bhasmana evābhyavaharaṇasyākhyāyikayā mīmāṃsākaraṇaṃ, tatrāpsu bhasmaprakṣepaṃ tanmaṃtraṃ ca vidhāya maṃtravyākhyānaṃ, bhasmābhyavaharaṇe aparaṃ mantradvayaṃ viniyujya tayorvyākhyānaṃ praśaṃsanaṃ ca, mantragatatritvapraśaṃsanaṃ, mantratrayeṇa sakṛdbhasmaprakṣepaprasaktiṃ . niṣidhya saprakārakaṃ trirabhyavaharaṇavidhānaṃ, adbhyaḥ punarīṣadbhasmādātavyamiti vidhāya praśaṃsya ca maṃtracatuṣṭayaṃ viniyujya tadvyākhyānam , uttaramaṃtradvayasya pṛthagviniyogaśaṅkāyā nirākaraṇaṃ, bhasmano'bhyavaharaṇapunarapādānamaṃtragatāyāḥ saṃkhyāyāḥ samuccitya praśaṃsanaṃ, pratyetyāttaṃ bhasmokhāyāmopyopatiṣṭheteti saprayojanaṃ saprasaṅgaṃ sārthavādaṃ nirūpaṇaṃ, tatra maṃtradvayaṃ viniyujya stāvakārthavādātideśasahitaṃ tayormantrayorvyākhyānam , etanmaṃtragatāṃ dvitvasaṃkhyāṃ prāguktabhasmābhyavaharaṇatadapādānamantragatasaṃkhyayā samuccitya tasyāḥ samuccitāyāḥ saṃkhyāyāḥ praśaṃsanam, upasthānānaṃtaraṃ dvividhaprāyaścittasya tannimittasya ca pradarśanaṃ, prāguktamantragatanavasaṃkhyayā saha prāyaścittamantrasaṃkhyāṃ samuccitya tasyāḥ praśaṃsanaṃ cetyādi.