શતપથબ્રાહ્મણમ્ · અધ્યાય 6.8

બ્રાહ્મણમ્

૧ વનીવાહનમ્-તત્ર પૂર્વમુખ્યાગ્નેર્ગાર્હપત્યં પ્રતિઅનસા પ્રાપણં । વિધાતુમુપોદ્ઘાતકથનં, સાભિપ્રાયમન્વવ્યતિરેકાભ્યાં વનીવાહનકર્મવિધાનં, વનીવાહનસ્ય પ્રકારાન્તરેણ પ્રાપ્તિમાશઙ્ક્ય તત્સમાધાનકથનં, દૈવં માનુષં ચેત્યુભય વિધમપિ વનીવાહનં કર્તવ્યમિતિ સકારણં પ્રદર્શનમ્ , ઉક્તાર્થજ્ઞાનપૂર્વકમનુતિષ્ઠતઃ ફલાભિધાનમ્ , ઉખ્યાગ્નેગાર્હપત્યચયનદેશં પ્રતિ પ્રણયનપ્રયોગનિરૂપણં તત્ર સાભિપ્રાયં સમંત્રકં સાર્થવાદં સમિદાધાનવિધાનમ્ , ઉખ્યાગ્નેરનસ ઉપરિ સ્થાપયિતું સાસન્દીકમુદ્યમનવિધાનં, તત્ર મંત્રં વિનિયુજ્ય તસ્ય વ્યાખ્યાનમ્, ઉદ્ભૃતસ્યાગ્નેરનસિ સ્થાપને વિશેષાભિધાનં તત્ર સ્તાવકાર્થવાદાતિદેશકથનં ચ, અનસ્યનુડુહોર્યોજનં તત્ક્રમં ચ પ્રતિપાદ્ય તત્ર મંત્રં વિનિયુજ્ય ચ તસ્ય વ્યાખ્યાનં, ગમનસમયેઽનસોઽક્ષધ્વનૌ સાર્થવાદં જપરૂપપ્રાયશ્ચિત્તનિરૂપણમ્ , ઉખ્યાગ્નેર્વાસેઽવહરણપૂર્વકં સંસ્કૃતે દેશે સ્થાપનં વિધાય તત્ર પૂર્વવત્સાભિપ્રાયં સમંત્રકં સમિદાધાનં વિધાય તન્મંત્રસ્ય વ્યાખ્યાનં, વિનિયુક્તાનાં મંત્રાણાં સંપત્તેઃ પ્રદર્શનં ચેત્યાદિ.
બ્રાહ્મણમ્

૨ ભસ્મન એવાભ્યવહરણસ્યાખ્યાયિકયા મીમાંસાકરણં, તત્રાપ્સુ ભસ્મપ્રક્ષેપં તન્મંત્રં ચ વિધાય મંત્રવ્યાખ્યાનં, ભસ્માભ્યવહરણે અપરં મન્ત્રદ્વયં વિનિયુજ્ય તયોર્વ્યાખ્યાનં પ્રશંસનં ચ, મન્ત્રગતત્રિત્વપ્રશંસનં, મન્ત્રત્રયેણ સકૃદ્ભસ્મપ્રક્ષેપપ્રસક્તિં . નિષિધ્ય સપ્રકારકં ત્રિરભ્યવહરણવિધાનં, અદ્ભ્યઃ પુનરીષદ્ભસ્માદાતવ્યમિતિ વિધાય પ્રશંસ્ય ચ મંત્રચતુષ્ટયં વિનિયુજ્ય તદ્વ્યાખ્યાનમ્ , ઉત્તરમંત્રદ્વયસ્ય પૃથગ્વિનિયોગશઙ્કાયા નિરાકરણં, ભસ્મનોઽભ્યવહરણપુનરપાદાનમંત્રગતાયાઃ સંખ્યાયાઃ સમુચ્ચિત્ય પ્રશંસનં, પ્રત્યેત્યાત્તં ભસ્મોખાયામોપ્યોપતિષ્ઠેતેતિ સપ્રયોજનં સપ્રસઙ્ગં સાર્થવાદં નિરૂપણં, તત્ર મંત્રદ્વયં વિનિયુજ્ય સ્તાવકાર્થવાદાતિદેશસહિતં તયોર્મન્ત્રયોર્વ્યાખ્યાનમ્ , એતન્મંત્રગતાં દ્વિત્વસંખ્યાં પ્રાગુક્તભસ્માભ્યવહરણતદપાદાનમન્ત્રગતસંખ્યયા સમુચ્ચિત્ય તસ્યાઃ સમુચ્ચિતાયાઃ સંખ્યાયાઃ પ્રશંસનમ્, ઉપસ્થાનાનંતરં દ્વિવિધપ્રાયશ્ચિત્તસ્ય તન્નિમિત્તસ્ય ચ પ્રદર્શનં, પ્રાગુક્તમન્ત્રગતનવસંખ્યયા સહ પ્રાયશ્ચિત્તમન્ત્રસંખ્યાં સમુચ્ચિત્ય તસ્યાઃ પ્રશંસનં ચેત્યાદિ.