Shatapatha Brahmana · Chapter 6.6

brāhmaṇam

१ prākṛtīmāgnāvaiṣṇavīṣṭiṃ vaikṛtīṃ vaiśvānaradvādaśakapāleṣṭiṃ cādito vidhātumupodghātaḥ, atikarmaśabdasya nirvacanam , agnicityāyā atikarmatvaṃ pradarśayituṃ keṣāñcidatikarmaṇāṃ parigaṇanam , āgnāvaiṣṇava ekādaśakapālo'dhvarasya vaiśvānaro dvādaśakapāla ādityaścaruścāgneriti vyavasthāpūrvakaṃ haviṣāṃ vidhānam , umayavidhahaviṣāṃ karaṇābhidhānam , agnicayanasyādhvarāgnyubhayavidhakarmatvābhidhānam, tatrāpyadhvarasya pūrvamathāgneriti paurvāparyābhidhānañca, āgnāvaiṣṇavaprayogaṃ
sūcayitumāgniṣṭomikabrāhmaṇasyātideśakathanam , agnerdīkṣaṇīyaṃ haviranūdya tatpa śaṃsanaṃ, prakārāntareṇa puroḍāśadevatāyāḥ praśaṃsanam , vaikṛte ubhe haviṣī samuccitya praśaṃsanam , ubhayorhaviṣoḥ pūrvāparībhāvasya kathanam , pūrvasminhaviṣi dravya / devatayorekatvamuttarasminhaviṣi tadbahutvaṃ cāsti tayoradhidevatādhyātmatayā praśaṃ / sanam , carorāśrayabhūtaṃ dravyamabhidhāyaiṣāṃ trayāṇāṃ haviṣāmupāṃśudharmakatvapratipādanam , audgrabhaṇāni havīṃṣi vidhāya teṣāṃ nirvacanadvāreṇa praśaṃsanam , audgrabhaṇahomānāṃ bhūyastvaṃ vidhāyāgnikaiḥ saumikabādhaprasaktatvābhidhānam , ādhvarikāṇāṃ pūrvabhāvitvamāgnikānāṃ paścādbhāvitvaṃ ca vidhāya tadarthavādātideśakathanam , ādhva / rikāṇāṃ pañcasaṃkhyāyāḥ praśaṃsanam , āgnikānāmaudgrabhaṇānāṃ saptasaṃkhyārūpasya havirbhūyastvasya sārthavādaṃ vidhānaṃ, saptaugrabhaṇahavirmantrānanūdya teṣāṃ vyākhyānaṃ, keṣāṃcinmatena taptāyāmukhāyāmaudgrabhaṇahomapakṣaṃ sābhiprāyaṃ sopapattikamanūdya te nirākṛtya ca dīkṣaṇīyākhyayajñe saṃsthite satyaudgrabhaṇeṣu dīkṣāsambandhiṣu huteṣu satsu cokhāpravṛñjanaṃ kartavyamiti svapakṣasya sopapattikaṃ pratipādanaṃ, sārthavādamukhāyāṃ muñjatṛṇāvastaraṇavidhānam , muñjakulāyādapyantaraṃ śaṇakulāyāvastaraṇavidhānaṃ ceti /
brāhmaṇam

२ ukhāpravṛñjane udakprāṅmukhatvasthitatvādidharmaviśeṣaṃ vidhāya mantrau viniyujya ca tayorvyākhyānaṃ, mantragataṃ dvitvaṃ chandoviśeṣatvaṃ ca praśaṃsya pravṛñjanasya chandobhimānidevatādvāreṇa chandogatasarvadevatātmakatvadvāreṇa mantradvayagatapādasaṃkhyādvāreṇa ca praśaṃsanaṃ, santapanānaṃtaraṃ jāyamānāyā ukhādīpte retorūpeṇa santāpakasyāgneḥ puruṣarūpeṇokhāyā yoṣidrūpeṇa santāpasya sambhogarūpeṇa ca praśaṃsanam, ukhāyāṃ cirārohaṇaviṣaye keṣāñcitpakṣamupanyasya taṃ sakāraṇaṃ dūṣayitvā svapakṣasya sthāpanam , agnāvārūḍhe kārmukyāḥ prādeśamātryā dhṛte nyutāyāḥ prathamāyā samidhaḥ sārthavādaṃ samantrakamādhānavidhānaṃ tanmaṃtravyākhyānaṃ ca, garbharūpāyāḥ samidhaḥ sarvāntarātmatvaṃ praśaṃsya tatrokhādīnāmātmatvādikalpanāyāmupapatteḥ saprayojanaṃ pradarśanaṃ cetyādi /
brāhmaṇam

३ dvitīyātṛtīyācaturthīpañcamīnāṃ vaikaṅkatyodumbaryaparaśuvṛkṇādhaḥśayānāṃ samidhāṃ sārthavādamādhānaṃ vidhāya tatra pratyādhānaṃ mantrāṃśca viniyujya teṣāṃ vyākhyānam , uttarāsāmaṣṭānāṃ pālāśīnāṃ samidhāṃ sārthavādamādhānaṃ vidhāya tatra pratyādhānaṃ mantrāṃśca viniyujya tatra ṣaṣṭhasaptamayormantrayorvibhajya vyākhyānamaṣṭamanavamadaśamānāṃ mantrāṇāṃ pratīkamātropādānenaikādaśasya mantrasya sākalyena pradarśanaṃ ca, ekādaśasya mantrasyākhyāyikayā praśaṃsanaṃ, sopapattikaṃ tāsāmuktaikādaśānāṃ samidhāṃ kṣatriyapurohitavyatiriktatvābhidhānaṃ, kṣatriyapurohitayostu dvādaśasamidho bhavantīti nirūpaṇaṃ, dvādaśyāḥ samidha ādhāne purohitapakṣe kṣatriyapakṣe ca kramānmantrau viniyujya tayostātparyābhidhānaṃ, pakṣāntareṇopottamottame ubhe api samidhau sarveṣāmādhātavye iti sārthavādaṃ nirūpaṇam, evamarthasiddhāṃ trayodaśasaṃkhyāmanūdya tasyāḥ praśaṃsanam , etāsāṃ samidhāṃ prādeśamātratvaṃ vidhāya praśaṃsanaṃ, vihitasya samidādhānasya svāhākārāntatāṃ vidhāya tasyāḥ praśaṃsanaṃ cetyādi /
brāhmaṇam

४ anvākhyānabrāhmaṇam--samidādhānānantaraṃ sāyamastamite āditye prātarudite āditya ca mantratattātparyopetaṃ bhasmodvapanavidhānaṃ, naktaṃdivaṃ kriyamāṇayoḥ samidādhānabhasmodvapanayoḥ samucitya praśaṃsanaṃ, vratapradānakāle vratapayasi samidhaṃ nyajyādhātavyamiti vidhānam, atra keṣāñcinmatena nyañjanābhāvapakṣaṃ sopapattikamudāhṛtya taṃ nirākṛtya ca svakīyanyañjanapakṣasya sayuktikaṃ nigamanaṃ, vrataparigrahasya samidādhānānantaryapraśaṃsanaṃ tatra mantraṃ viniyujya tasya vibhajya vyākhyānam , ukhābhedanādiprāyaścittikathane pratijñākaraṇam , ukhābhedane saprakārakaṃ prāyaścittanirūpaṇaṃ, ukhyāgnyanugamane saprakārakaṃ prāyaścittanirūpaṇaṃ, vihitaṃ prāyaścittaṃ sarvakāmasantānarūpatvena praśaṃsya ubhayavidhaprāyaścittaṃ kartavyamityabhidhāya tadgataprakāraviśeṣadarśanaṃ ca, tatrāgnikaprāyaścitte prakāraviśeṣaṃ mantraviśeṣaṃ ca darśayitvā tanmantrārthapradarśanaṃ, prasaṃgādukhyāgnyāśrayabhūtagārhapatyasyāpyanugame prāyaścittābhidhānaṃ, sutyāhe āhavanīyānugame prāyaścittābhidhānaṃ, vihitasya saumikāgnikaprāyaścittadvayasya vyavasthākaraṇam, āgnīdhrīyāgneranugamane prāyaścittābhidhānaṃ, sutyāhe gārhapatyasyānugame prāguktaprāyaścittasyātideśakathanaṃ cetyādi/