Shatapatha Brahmana · Chapter 6.4

brāhmaṇam

१ vihitaṃ khananavidhiṃ praśaṃsya tatra mantradvayaṃ viniyujya tadvyākhyānaṃ, khananamantragatadvitvasaṃkhyāyā yajamānāgnyātmanā praśaṃsanaṃ, khananasādhanabhūtāyā abhrervāgrūpatvābhidhānaṃ, sārthavādamuttarapradeśe prāggrīvamuttaraloma kṛṣṇājinaṃ tūṣṇīmāstīrya tasminkṛṣṇājine samantrakaṃ puṣkaraparṇamāstīrya tasminpuṣkaraparṇe mṛtpiṇḍasya sambharaṇaṃ pradarśya puṣkaraparṇāstaraṇamantrārthaṃ ca pradarśya tasyāntimapādena puṣkaraparṇasya vimārjanavidhānam, etayoḥ kṛṣṇājinapuṣkaraparṇayordvābhyāṃ mantrābhyāṃ yugapadabhimarśanavidhānaṃ tanmaṃtravyākhyānaṃ ca, abhimarśanamantragatadvitvasaṃkhyāyā yajamānāgnirūpeṇa praśaṃsanaṃ cetyādi.
brāhmaṇam

२ mantramantrārthasahitaṃ mṛtpiṇḍasyābhimarśanavidhānaṃ, sābhriṇā dakṣiṇahastena kevale nottarahastena cāsya mṛtpiṇḍasya " tvāmagne puṣkarā०" ityādibhiḥ ṣaṇmantraiḥ parigrahaṇavidhānaṃ, parigrahaṇamantrāṇāṃ vyākhyānaṃ tatprasaṅgena mantragatagāyatrītriṣṭubbṛhatīchandasāṃ praśaṃsanaṃ ca, parigrahaṇe viniyuktānāṃ mantrāṇāṃ saṃkhyāyāḥ sambhūya saṃvatsarāgnyātmanā praśaṃsanaṃ, mṛtpiṇḍasya dakṣiṇapradeśādudaṅmukhamāharaṇasya sārthavādavidhānaṃ cetyādi.
brāhmaṇam

३ śvabhre'pāmupaninayasya mantramantrārthasahitaṃ sārthavādaṃ vidhānaṃ, mantramantrārthayutaṃ śvabhrasya vāyunā sārthavādaṃ sandhānakaraṇavidhānaṃ, vaṣaṭkaraṇenāhutiḥ kāryeti kṛtvā praśaṃsanam, anāmikayā'ṅgulyā prāgādidigbhiḥ pradakṣiṇaṃ śvabhrasya sārthavādaṃ sandhānakaraṇavidhānam , āstīrṇayoḥ kṛṣṇājina puṣkaraparṇayoḥ samantrakamantayorudgrahaṇavidhānaṃ kṛṣṇājinapuṣkaraparṇayorantayorudgṛhītatvāttrivṛtā tkreṇa pariveṣṭanarūpasya bandhanasya mantratattāparyasahitaṃ vidhānaṃ, mṛtpiṇḍamādāyotthānasya mantratadvyākhyānasahitaṃ vidhānam , ūrdhvabāhoradhvaryormṛtpiṇḍasya prāṅmukhaṃ samantrakaṃ pragrahaṇavidhānaṃ, stāvakabrāhmaṇātideśasahitaṃ sāvadhiṃ mṛtpiṇḍasyādhonayanavidhānaṃ cetyādi.
brāhmaṇam

४ mṛtpiṇḍasāhityena paśvabhimantraṇavidhānaṃ, tatrāśvarāsabhājānāmabhimantraṇe krameṇa mantratrayaṃ viniyujya tadarthavivaraṇaṃ, paśvabhimantraṇamantragatasaṃkhyāyāḥ praśaṃsanaṃ ca, anupasparśanapūrvakamaśvādipaśūnāmupari mṛtpiṇḍasya dhāraṇavidhānaṃ, tatrāśvarāsabhājānāmuparipiṇḍadhāraṇe krameṇa mantratrayaṃ viniyujya tadarthavivaraṇaṃ, prasaṅgānmadhye samantrakaṃ mṛdāharaṇavidhānaṃ ca, abhimantraṇamantrāṇāṃ dhāraṇamantrāṇāṃ ca saṃkhyāyāḥ sambhūya praśaṃsanaṃ, sakāraṇakramaviśiṣṭaṃ paśūnāmāvartanasya vidhānaṃ, samantrakamanaddhāpuruṣasyekṣaṇavidhānaṃ, sārthavādamajasyopari mṛtpiṇḍaṃ dhārayata evādhvaryorāgamanavidhānam , ajasakāśānmṛtpiṇḍasyopāvaharaṇaṃ vidhāya tatra mantradvayaṃ viniyujya tadarthavivaraṇaṃ mantragatasaṃkhyāyāḥ praśaṃsanaṃ ca, stāvakabrāhmaṇātideśasahitaṃ mṛtpiṇḍaṃ dakṣiṇata udañcamupāvahṛtyoddhṛtāvokṣite sikatopakīrṇe pariśrite deśe nidadhyāditi vidhānaṃ pariśritasya prayojanābhidhānaṃ ca, mṛtpiṇḍasya vimocanaṃ vidhāya tatra mantraṃ ca viniyujya tadarthavivaraṇam , ajalomānyādāya prāgudaṅmukhānpaśūnutsṛjediti dikpraśaṃsanasahitaṃ vidhānaṃ cetyādi.