Shatapatha Brahmana, Chapter 4.5.9

4.5.9.4.5.9.1

४.५.९ vyūḍhadvādaśāhaḥ
tadyatraitaddvādaśāhena vyūḍhacchandasā yajate / tadgrahānvyūhati vyūhata udgātā ca hotā ca chandāṃsi sa eṣa prajñāta eva pūrvastryaho bhavati samūḍhacchandāstadaindravāyavāgrāngṛhṇāti -

4.5.9.4.5.9.2

atha caturthe'hanvyūhati / grahānvyūhanti chandāṃsi tadāgrayaṇāgrān gṛhṇāti prājāpatyaṃ vā etaccaturthamaharbhavatyātmā vā āgrayaṇa ātmā vai prajāpatistasmādāgrayaṇāgrāngṛhṇāti -

4.5.9.4.5.9.3

taṃ gṛhītvā na sādayati / prāṇā vai grahā netprāṇānmohayānīti mohayeddha prāṇānyatsādayettaṃ dhārayanta evopāsate'tha grahān gṛhṇātyatha yadā grahāngṛhṇātyatha yatraivaitasya kālastadenaṃ hiṃkṛtya sādayatyathaitatprajñātameva pañcamamaharbhavati tadaindravāyavāgrān gṛhṇāti -

4.5.9.4.5.9.4

atha ṣaṣṭhe'hanvyūhati / grahānvyūhanti chandāṃsi tacchukrāgrān gṛhṇātyaindraṃ vā etatṣaṣṭhamaharbhavatyeṣa vai śukro ya eṣa tapatyeṣa u evendrastasmācchukrāgrāngṛhṇāti -

4.5.9.4.5.9.5

taṃ gṛhītvā na sādayati / prāṇā vai grahā netprāṇānmohayānīti mohayeddha prāṇānyatsādayettaṃ dhārayanta evopāsate'tha grahān gṛhṇātyatha yadā grahāngṛhṇātyatha yatraivaitasya kālastadenaṃ sādayati -

4.5.9.4.5.9.6

atha saptame'hanvyūhati / grahānvyūhanti chandāṃsi tacchukrāgrān gṛhṇāti bārhataṃ vā etatsaptamamaharbhavatyeṣa vai śukro ya eṣa tapatyeṣa u eva bṛhaṃstasmācchukrāgrān gṛhṇāti -

4.5.9.4.5.9.7

taṃ gṛhītvā na sādayati / prāṇā vai grahā netprāṇānmohayānīti mohayeddha prāṇānyatsādayettaṃ dhārayanta evopāsate'tha grahān gṛhṇātyatha yadā grahāngṛhṇātyatha yatraivaitasya kālastadenaṃsādayatyathaitatprajñātamevāṣṭamamaharbhavati tadaindravāyavāgrān gṛhṇāti -

4.5.9.4.5.9.8

atha navame'hanvyūhati / grahānvyūhanti chandāṃsi tadāgrayaṇāgrān gṛhṇāti jāgataṃ vā etannavamamaharbhavatyātmā vā āgrayaṇaḥ sarvaṃ vā idamātmā jagattasmādāgrayaṇāgrān gṛhṇāti -

4.5.9.4.5.9.9

taṃ gṛhītvā na sādayati / prāṇā vai grahā netprāṇānmohayānīti mohayeddha prāṇānyatsādayettaṃ dhārayanta evopāsate'tha grahān gṛhṇātyatha yadā grahāngṛhṇātyatha yatraivaitasya kālastadenaṃ hiṃkṛtya sādayati -

4.5.9.4.5.9.10

tadāhuḥ / na vyūhedgrahānprāṇā vai grahā netprāṇānmohayānīti mohayeddha prāṇānyadvyūhettasmānna vyūhet -

4.5.9.4.5.9.11

tadu vyūhedeva / aṅgāni vai grahāḥ kāmaṃ vā imānyaṅgāni vyatyāsaṃ śete tasmādu vyūhedeva -

4.5.9.4.5.9.12

tadu naiva vyūhet / prāṇā vai grahā netprāṇānmohayānīti mohayeddha prāṇānyadvyūhettasmānna vyūhet -

4.5.9.4.5.9.13

kiṃ nu tatrādhvaryoḥ / yadudgātā ca hotā ca chandāṃsi vyūhata etadvā adhvaryurvyūhati grahān yadaindravāyavāgrānprātaḥsavane gṛhṇāti śukrāgrānmādhyandine savana āgrayaṇāgrāṃstṛtīyasavane -