શતપથબ્રાહ્મણમ્ · અધ્યાય 4.5.9

૪.૫.૯ વ્યૂઢદ્વાદશાહઃ
તદ્યત્રૈતદ્દ્વાદશાહેન વ્યૂઢચ્છન્દસા યજતે । તદ્ગ્રહાન્વ્યૂહતિ વ્યૂહત ઉદ્ગાતા ચ હોતા ચ છન્દાંસિ સ એષ પ્રજ્ઞાત એવ પૂર્વસ્ત્ર્યહો ભવતિ સમૂઢચ્છન્દાસ્તદૈન્દ્રવાયવાગ્રાન્ગૃહ્ણાતિ -

અથ ચતુર્થેઽહન્વ્યૂહતિ । ગ્રહાન્વ્યૂહન્તિ છન્દાંસિ તદાગ્રયણાગ્રાન્ ગૃહ્ણાતિ પ્રાજાપત્યં વા એતચ્ચતુર્થમહર્ભવત્યાત્મા વા આગ્રયણ આત્મા વૈ પ્રજાપતિસ્તસ્માદાગ્રયણાગ્રાન્ગૃહ્ણાતિ -

તં ગૃહીત્વા ન સાદયતિ । પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યત્સાદયેત્તં ધારયન્ત એવોપાસતેઽથ ગ્રહાન્ ગૃહ્ણાત્યથ યદા ગ્રહાન્ગૃહ્ણાત્યથ યત્રૈવૈતસ્ય કાલસ્તદેનં હિંકૃત્ય સાદયત્યથૈતત્પ્રજ્ઞાતમેવ પઞ્ચમમહર્ભવતિ તદૈન્દ્રવાયવાગ્રાન્ ગૃહ્ણાતિ -

અથ ષષ્ઠેઽહન્વ્યૂહતિ । ગ્રહાન્વ્યૂહન્તિ છન્દાંસિ તચ્છુક્રાગ્રાન્ ગૃહ્ણાત્યૈન્દ્રં વા એતત્ષષ્ઠમહર્ભવત્યેષ વૈ શુક્રો ય એષ તપત્યેષ ઉ એવેન્દ્રસ્તસ્માચ્છુક્રાગ્રાન્ગૃહ્ણાતિ -

તં ગૃહીત્વા ન સાદયતિ । પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યત્સાદયેત્તં ધારયન્ત એવોપાસતેઽથ ગ્રહાન્ ગૃહ્ણાત્યથ યદા ગ્રહાન્ગૃહ્ણાત્યથ યત્રૈવૈતસ્ય કાલસ્તદેનં સાદયતિ -

અથ સપ્તમેઽહન્વ્યૂહતિ । ગ્રહાન્વ્યૂહન્તિ છન્દાંસિ તચ્છુક્રાગ્રાન્ ગૃહ્ણાતિ બાર્હતં વા એતત્સપ્તમમહર્ભવત્યેષ વૈ શુક્રો ય એષ તપત્યેષ ઉ એવ બૃહંસ્તસ્માચ્છુક્રાગ્રાન્ ગૃહ્ણાતિ -

તં ગૃહીત્વા ન સાદયતિ । પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યત્સાદયેત્તં ધારયન્ત એવોપાસતેઽથ ગ્રહાન્ ગૃહ્ણાત્યથ યદા ગ્રહાન્ગૃહ્ણાત્યથ યત્રૈવૈતસ્ય કાલસ્તદેનંસાદયત્યથૈતત્પ્રજ્ઞાતમેવાષ્ટમમહર્ભવતિ તદૈન્દ્રવાયવાગ્રાન્ ગૃહ્ણાતિ -

અથ નવમેઽહન્વ્યૂહતિ । ગ્રહાન્વ્યૂહન્તિ છન્દાંસિ તદાગ્રયણાગ્રાન્ ગૃહ્ણાતિ જાગતં વા એતન્નવમમહર્ભવત્યાત્મા વા આગ્રયણઃ સર્વં વા ઇદમાત્મા જગત્તસ્માદાગ્રયણાગ્રાન્ ગૃહ્ણાતિ -

તં ગૃહીત્વા ન સાદયતિ । પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યત્સાદયેત્તં ધારયન્ત એવોપાસતેઽથ ગ્રહાન્ ગૃહ્ણાત્યથ યદા ગ્રહાન્ગૃહ્ણાત્યથ યત્રૈવૈતસ્ય કાલસ્તદેનં હિંકૃત્ય સાદયતિ -

તદાહુઃ । ન વ્યૂહેદ્ગ્રહાન્પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યદ્વ્યૂહેત્તસ્માન્ન વ્યૂહેત્ -

તદુ વ્યૂહેદેવ । અઙ્ગાનિ વૈ ગ્રહાઃ કામં વા ઇમાન્યઙ્ગાનિ વ્યત્યાસં શેતે તસ્માદુ વ્યૂહેદેવ -

તદુ નૈવ વ્યૂહેત્ । પ્રાણા વૈ ગ્રહા નેત્પ્રાણાન્મોહયાનીતિ મોહયેદ્ધ પ્રાણાન્યદ્વ્યૂહેત્તસ્માન્ન વ્યૂહેત્ -

કિં નુ તત્રાધ્વર્યોઃ । યદુદ્ગાતા ચ હોતા ચ છન્દાંસિ વ્યૂહત એતદ્વા અધ્વર્યુર્વ્યૂહતિ ગ્રહાન્ યદૈન્દ્રવાયવાગ્રાન્પ્રાતઃસવને ગૃહ્ણાતિ શુક્રાગ્રાન્માધ્યન્દિને સવન આગ્રયણાગ્રાંસ્તૃતીયસવને -