Shatapatha Brahmana · Chapter 2.6

brāhmaṇa १ sākamedhe śaṃyvantaḥ pitṛyajñaḥ
१ śaṃyvantaḥ pitṛyajñaḥ, tatra-saphalaṃ pitṝṇāmutpattikathanam, idānīntanānuṣṭhānasyāpi saphalatvakathanam, pitṛbhyaḥ somavadbhyaḥ ṣaṭkapālaḥ puroḍāśaḥ, pitṛbhyo barhiṣadbhyo dhānāḥ, pitṛbhyo'gniṣvāttebhyo manthaśceti pitṛyajñiyayāgatrayasya sārthavādavidhānaṃ, taddevatānāmanyo'nyāsaṃkīrṇasvarūpatvakathanaṃ ca, anukrameṇa codakaprāpte havirgrahaṇādīḍāpratipattyantamaṃgakalā- pamanūdya tattadaṅgeṣu dakṣiṇāmukhatva- prācīnāvītitvasakṛttvādikaṃ vedeścatuḥsraktitvaṃ dakṣiṇāgnerāharaṇaṃ sthāpanaṃ ca, upabhṛtyājyagrahaṇe dvitvaṃ barhiḥstaraṇādiṣvapradakṣiṇaparigamanatvam, paridhinidhāne dakṣiṇāgratvaṃ, juhvādīnāmāsādanābhimarśanaprakāraḥ, pitṛyajñasyopāṃśucaraṇatvaṃ, parivṛte kartṛtvaṃ ca, sāmidhenyanuvacane trirāvṛttiviśiṣṭāyā ekasyā ṛco'nuvacanaṃ, 'sīda hotaḥ ityetāvanmātraṃ hotṛpravaraṇaṃ, pradhānayāgānāṃ yājyādā- vāśrāvaṇavaṣaṭkārayoḥ pakṣadvayakathanaṃ, pradhānayāgānāṃ sviṣṭakṛtaśca yājyā'nuvākyānāṃ praiṣādivacanaprakārastatho- pastaraṇādihomāntānuṣṭhānaprakāraśca, prāśitreḍāvadānaṃ kartavyaṃ na veti pakṣadvayavidhānaṃ tatra kasyacinmateneḍāpratyāmnāyatvena manthasyādhānam, iḍā- prāśitrayoḥ prāśanamavaghrāṇaṃ veti pakṣadvayakathanaścetyeteṣāṃ dharmaviśeṣāṇāṃ vidhānam, etatsahaiva madhye madhye uktavyatirikteṣu codakaprāpteṣvaṅgeṣu prakṛtivadanuṣṭheyatvakathanañca, pitṛ yajñaprayuktaṃ yajamānādhvaryvoranyataraka- rtakamavanejanādiprācyāṃgajātenāhavanīyagārhapatyopasthānādinamaskaraṇā- śīrjapāntodīcyāṅgajātena ca sahitaṃ saprakārakaṃ piṇḍapitṛyajñavatpiṇḍadānavidhānam, codakaprāptasya saviśeṣa- prakārasyānuyājādiśaṃyvantodīcyāṅgakalāpasya kathanṃ, tatrāpi srugvyūhanādikaṃ prakṛtivadeva kartavyamiti kathanam, haviḥśeṣasyāpsvagnau vā prakṣepa iti vikalpena tatpratipattividhānaṃ cetyādi.
brāhmaṇa २ traiyambakeṣṭiḥ
२ traiyambakeṣṭiḥ, tasyāṃ ca pūrvaṃ tryambakahaviṣāṃ śalyanirharaṇahetutvākhyāpa- ketihāsakathanadvārā tadvidhyunnayanam, teṣāṃ devatāṃ vidhāya praśasanaṃ, saṃkhyāṃ vidhāya(juhotidharmeṇa)saṃskāraprakāra. kathanaṃ ca, eṣāṃ haviṣāmuktatārthamabhighā- raṇapakṣakathanam, sakāraṇamuttaradiśi catuṣpathe homakaraṇatvavidhānam, sasādhanasya sarvebhya samavattasya haviṣaḥ samaṃtrakaṃ homavidhānam avadānakāle pariśeṣitasyātiriktasyaikasya haviṣo viniyogakathanam, catuṣpathādetyāva rudraṃ bheṣajamiti maṃtradvayasya japavidhānam, bhagaprasiddhihetusahitaṃ kumārīṇāmapradakṣiṇaṃ pradakṣiṇaṃ ca tryambakamiti dvābhyāṃ maṃtrābhyāṃ tristriragneḥ parigamanavidhānam, hutaśiṣṭānāṃ puroḍāśānāṃ pratipattividhānam, punarāgamanaṃ vidhāya varuṇapraghāsāntavadatrāpi keśaśmaśruvapanādikamudavasānāgnisamāropapunarmanthanādikaṃ ca kuryāditi parvasaṃsthākathanaṃ cetyādi.
brāhmaṇa ३ śunāsīrīyaparva
३ tatrādau-upodghātatvena sakalacāturmāsyānāmakṣayyasukṛtaphalasādhanatvam, śunāsīrīyaparvaṇaḥ śryādiphalasādhanatvaṃ ceti nirūpaṇaṃ, prayogakramakathanaṃ, tatra-uttaravedyupakiraṇa-pṛṣadājyagrahaṇāgnimanthanavarjanamanyatsarvaṃ prakṛtivadeveti prayājānuyājasamiṣṭayajuṣāṃ pañcatridvitvādyupalakṣaṇena pratipādanam, vaiśvadevikasyāgneyādipauṣṇāntasya haviṣpañcakasyātrāpi vidhānam tataḥ śunāsīryavāyavyasauryāṇāṃ ṣaṣṭhasaptamāṣṭamānāṃ haviṣāṃ sārthavādaṃ vidhānam, tatra sauryasyaikakapālasya svataṃtro dakṣiṇāvidhiḥ, śunāsīryasya yāgasya kālavidhiḥ--tatrāpi somena yakṣyamāṇasya pakṣāntarakathanaṃ cāturmāsya punaḥ prayuñjānasya pakṣāntarakathanaṃ ca, cāturmāsyāṅgabhūtavapanamīmāṃsā, agnyādityayoḥ sarvatomukha- tve'nnādatvapratipādanapuraḥsaraṃ puruṣasya svabhāvatastadvaiparītyakathanam, prakārāntareṇa punaḥ sarvatomukhatvamuktvā parivartanaṃ na vidheyamiti pakṣāntarakathanaṃ cetyādi,
brāhmaṇa ४ sarvaśeṣaḥ
४ tatra-sarveṣāṃ parvaṇāṃ 'vṛtravadhahetutvaṃ vijayahetutvaṃ ca samānamiti pratipādanam, vaiśvadevena jitasyārthasyākhyāyikayā darśanaṃ, varuṇapraghāseṣu varuṇasya prāmukhyaṃ tairvijitatvaṃ ceti nirūpaṇaṃ,vaiśvadevādiparvasu pratipāditārthasya yajamāne krameṇa sampādanaṃ, varuṇapraghāsena jetavyaphalavidhānam, indrapradhānakena sākamedhena jetavya- phalavidhānam, vaiśvadevādiparvaṇāmagnyādidevatāsāyujyarūpaphalavattvapratipādanam, mriyamāṇasya cāturmāsyayājino mārganidaśanadvārā brahmalokaprāptiparyantaṃ phalaṃ bhavatīti nirūpaṇaṃ cetyādi