Shatapatha Brahmana · Chapter 13.7

brāhmaṇa १
१ sarvamedhaḥ-tatra prathama sarvakāmanayāsnuṣṭheyasya sarvamedhasya kratorutpatterākhyāyikayā sopapattikamabhidhānaṃ, sa eṣa sarvamedhākhyo yajñakaturdaśarātro bhavatīti pratipādyaitasya daśasaṃkhyāyā virāḍātmanā praśaṃsanam, asya sarvamedhasya sarvayajñānāṃ madhye paramatvapratipādanaṃ, sarvamedhe prathamadivaso'gniṣṭunnāmaikāho'gniṣṭomasaṃstho bhavati-tatra āgneyā grahāḥ-āgneyyaḥ purorucaśca bhavanti-ityādi sopapattikaṃ sārthavādamabhidhānaṃ, dvitīyadivasa indrastudukthyo bhavati-tatra aindrā grahāḥ-aindryaḥ purorucaśca bhavanti-ityādi sakāraṇaṃ sārthavādamabhidhānaṃ, tṛtīya divasaḥ sūryastudukthyo bhavati-tatra sauryā grahāḥ sauryaḥ purorucaśca bhavanti-ityādi sakāraṇaṃ sārthavādamabhidhānaṃ, caturthadivaso vaiśvadevastudukthyo bhavati-tatra vaiśvadevā grahāḥ-vaiśvadevyaḥ purorucaśca bhavanti ityādi sakāraṇaṃ sārthavādamabhidhānaṃ, pañcamadivasa āśvamedhiko madhyamaḥ pañcamo divaso bhavati medhyamataśvamālabhate iti saprayojanaṃ pratipādanaṃ, ṣaṣṭho divasaḥ pauruṣamedhiko madhyamo divaso bhavati tatra medhyānpuruṣānālabhate iti saprayojanamabhidhānaṃ, saptamadivaso'ptoryāmātmako bhavatīti saprayojanaṃ tadgatetikartavyatāviśeṣasahitaṃ sārthavādaṃ nirūpaṇam, aṣṭamadivasastriṇavastomako bhavatīti sārthavādamabhidhānaṃ, navamadivasastrayastriṃśastomako bhavatīti sārthavādamabhidhānaṃ, daśamadivaso viśvajitsarvapṛṣṭho'tirātro bhavatīti sakāraṇaṃ sārthavādamabhidhānaṃ, vijayamadhyātprācyādikrameṇa caturdikṣu yadutpannaṃ dravyaṃ tattenaiva krameṇa hotṛbrahmādhvaryūdgātṛbhyaḥ pradeyaṃ sabhūmipuruṣaṃ brāhmaṇasvavarjaṃ yathā bhavettatheti dakṣiṇādānavidhānaṃ, bhauvanasya viśvakarmaṇo rājño dṛṣṭāntena sarvamedhena yaṣṭuḥ sarvamedhaṃ vedituścātiṣṭhārūpaṃ phalaṃ bhavatīti pratipādanam , etaṃ viśvakarmāṇaṃ rājānaṃ kaśyapo yājayāñcakāra tasminsarvamedhe yadā ca viśvakarmā asmai kaśyapāya bhūmiṃ dātuṃ pravṛttastadā " na māṃ kaścana martyaḥ kadā'pi dātumarhati, he ! viśvakarmastvaṃ mando'si, yadi balānmāṃ dāsyati tarhi salile magnā bhaviṣyāmi tataśca te pratijñā vṛthā syāt" ityādyārthakaṃ ślokaṃ bhūmirjagāviti nirūpaṇaṃ cetyādi.