Scripture Library

Shatapatha Brahmana · Chapter 13.5.3

13.5.3.13.5.3.1

१३.५.३ vapāpracaraṇam
aindrāgnasya vapāyāṃ hutāyām tadanvitarā juhuyuriti ha smāhatuḥ saumāpau mānutantavyāvindrāgnī vai sarve devāstadevainānyathādevataṃ prīṇātīti -

13.5.3.13.5.3.2

kāyasya vapāyāṃ hutāyām tadanvitarā juhuyuriti ha smāha śailāliḥ prajāpatirvai kaḥ prajāpatimu vā anu sarve devāstadevainānyathādevataṃ prīṇātīti -

13.5.3.13.5.3.3

ekaviṃśatiṃ cāturmāsyadevatā anudrutya ekaviṃśatidhā kṛtvā pracareyuriti ha smāha bhāllaveyaḥ etāvanto vai sarve devā yāvatyaścāturmāsyadevatāstadevainānyathādevatamprīṇātīti -

13.5.3.13.5.3.4

nānaiva careyuḥ itīndrotaḥ śaunakaḥ kimuta tvareraṃstadevainānyathādevatamprīṇātītyetadaha teṣāṃ vaco'nyā tvevāta sthitiḥ -

13.5.3.13.5.3.5

atha hovāca yājñavalkyaḥ sakṛdeva prājāpatyābhiḥ pracareyuḥ sakṛddevadevatyābhistadevainānyathādevataṃ prīṇātyañjasā yajñasya saṃsthāmupaiti na hvalatīti -

13.5.3.13.5.3.6

hutāsu vapāsu prapadyādhvaryū rajatena pātreṇa prājāpatyaṃ mahimānamuttaraṃ grahaṃ gṛhṇāti tasya purorugyaḥ prāṇato nimiṣato mahitveti viparyaste yājyānuvākye'ayātayāmatāyā eṣa eva praiṣo vaṣaṭkṛte juhoti yaste rātrau samvatsare mahimā sambabhūveti nānuvaṣaṭkaroti tasyoktaṃ brāhmaṇam -

13.5.3.13.5.3.7

nānyeṣāṃ paśūnāṃ tedanyā avadyanti avadyantyaśvasya dakṣiṇato'nyeṣāmpaśūnāmavadyantyuttarato'śvasya plakṣaśākhāsvanyeṣāṃ paśūnāmavadyanti vetasaśākhāsvaśvasya -

13.5.3.13.5.3.8

tadu hovāca sātyayajñiḥ itarathaiva kuryuḥ patha eva nāpodityamiti pūrvā tveva sthitirukthyo yajñastenāntarikṣalokamṛdhnoti sarvastomo'tirātra'uttamamaharbhavati sarvaṃ vai sarvastomo'tirātraḥ sarvamaśvamedhaḥ sarvasyāptai sarvasyāvaruddhyai -

13.5.3.13.5.3.9

tasya trivṛdbahiṣpavamānam pañcadaśānyājyāni saptadaśo mādhyandinaḥ pavamāna'ekaviṃśāni pṛṣṭhāni triṇavastṛtīyaḥ pavamānastrayastriṃśamagniṣṭomasāmaikaviṃśānyukthānyekaviṃśaḥ ṣoḍaśī pañcadaśī rātristrivṛtsandhiryaddvitīyasyāhnaḥ pṛṣṭhyasya ṣaḍahasya tacchastramatirātro yajñastenāmuṃ lokamṛdhnoti -

13.5.3.13.5.3.10

ekaviṃśatiḥ savanīyāḥ paśavaḥ sarva āgneyāsteṣāṃ samānaṃ karmetyu haika'āhuścaturviṃśatiṃ tvevaitāngavyānālabhet dvādaśabhyo devatābhyo dvādaśa māsāḥ samvatsaraḥ sarvaṃ samvatsaraḥ sarvamaśvamedhaḥ sarvasyāptai sarvasyāvaruddhyai -

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0