Scripture Library
Shatapatha Brahmana · Chapter 13.2.10
13.2.10.13.2.10.1
yadasipathānkalpayanti setumeva taṃ saṃkramaṇaṃ yajamānaḥ kurute svargasya lokasya samaṣṭyai -
13.2.10.13.2.10.2
sūcībhiḥ kalpayanti viśo vai sūcyo rāṣṭramaśvamedho viśaṃ caivāsminrāṣṭraṃ ca samīcī dadhati hiraṇyamayyo bhavanti tasyoktaṃ brāhmaṇam -
13.2.10.13.2.10.3
trayyaḥ sūcyo bhavanti lohamayyo rajatā hariṇyo diśo vai lohamayyo'vāntaradiśo rajatā ūrdhvā hariṇyastābhirevainaṃ kalpayanti tiraścībhiścordhvābhiśca bahurūpā bhavanti tasmādbahurūpā diśo nānārūpā bhavanti tasmānnānārūpā diśaḥ -
Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0