શતપથબ્રાહ્મણમ્ · અધ્યાય 13.2.10

યદસિપથાન્કલ્પયન્તિ સેતુમેવ તં સંક્રમણં યજમાનઃ કુરુતે સ્વર્ગસ્ય લોકસ્ય સમષ્ટ્યૈ -

સૂચીભિઃ કલ્પયન્તિ વિશો વૈ સૂચ્યો રાષ્ટ્રમશ્વમેધો વિશં ચૈવાસ્મિન્રાષ્ટ્રં ચ સમીચી દધતિ હિરણ્યમય્યો ભવન્તિ તસ્યોક્તં બ્રાહ્મણમ્ -

ત્રય્યઃ સૂચ્યો ભવન્તિ લોહમય્યો રજતા હરિણ્યો દિશો વૈ લોહમય્યોઽવાન્તરદિશો રજતા ઊર્ધ્વા હરિણ્યસ્તાભિરેવૈનં કલ્પયન્તિ તિરશ્ચીભિશ્ચોર્ધ્વાભિશ્ચ બહુરૂપા ભવન્તિ તસ્માદ્બહુરૂપા દિશો નાનારૂપા ભવન્તિ તસ્માન્નાનારૂપા દિશઃ -