Shatapatha Brahmana · Chapter 12.6

brāhmaṇa १ jyautiṣṭomikāni prāyaścittāni
१-jyautiṣṭomikāni prāyaścittāni -- tatra prathamam adhidaivatayā somasādhanakayajñasya prajāpatyātmakatvābhidhānaṃ, tasya yajñasya vakṣyamāṇāḥ parameṣṭhyādayo devatā āhutayaśca prāyaścittīyāni śarīrāṇītyabhidhānaṃ, yadi somayajñasya kiñcidaṅgaṃ vinaśyettadā tasya punaḥ sandhānārthaṃ tasminnaṅge yāṃ devatāṃ parameṣṭhyādikāmabhimanyeta tasyai devatāyā ājyāhutiṃ juhuyāditi sāmānyatayā'bhidhānaṃ, tacāṅgaṃ yadi dīkṣāyāmupasatsu vā prāyaṇīyādūrdhvaṃ sutyāyāḥ prākca vinaṣṭaṃ bhavettadā''havanīye juhuyādyadi tu sutyāyāṃ vinaṣṭaṃ bhavettadā''gnīdheā juhuyādityabhidhānam, etasminsomayāge'bhidhyānāditattannimitteṣu parameṣṭhyādisalilāntānāṃ vyāhṛtisaṃjñakānāṃ prāyaścittārthānāṃ catustriṃśatāmājyadravyakāṇāṃ kālāhutīnāṃ madhye tāṃ tāmāhutiṃ yathākālaṃ juhuyāditi viśeṣatayā sārthavādamabhidhānaṃ, tā etāḥ prāyaścittarūpāḥ kālāhutīrbrahmaiva juhuyāttadabhāve yaḥ kaścanānya ṛtvik syātsa juhuyāditi sakāraṇamabhidhānam, etāsāṃ parameṣṭhyādivyāhṛtīnāmutpattiḥ etāśca vyāhṛtīḥ pūrvaṃ vasiṣṭhā eva viduratastadveditā vāsiṣṭha eva brahmā kartavyo'thavā yaḥ kaścanaitā vyāhṛtīradhīte jānāti vā sa brahmā kartavyaḥ - tathaitāḥ saumikyaḥ prāyaścittayaścodakātsaṃvatsarasatrādiṣvatidiṣṭā bhavanti - ityādyarthajātasya setihāsaṃ sārthavādaṃ sopapattikamabhidhānaṃ ceti.