શતપથબ્રાહ્મણમ્ · અધ્યાય 12.6

બ્રાહ્મણ ૧ જ્યૌતિષ્ટોમિકાનિ પ્રાયશ્ચિત્તાનિ
૧-જ્યૌતિષ્ટોમિકાનિ પ્રાયશ્ચિત્તાનિ -- તત્ર પ્રથમમ્ અધિદૈવતયા સોમસાધનકયજ્ઞસ્ય પ્રજાપત્યાત્મકત્વાભિધાનં, તસ્ય યજ્ઞસ્ય વક્ષ્યમાણાઃ પરમેષ્ઠ્યાદયો દેવતા આહુતયશ્ચ પ્રાયશ્ચિત્તીયાનિ શરીરાણીત્યભિધાનં, યદિ સોમયજ્ઞસ્ય કિઞ્ચિદઙ્ગં વિનશ્યેત્તદા તસ્ય પુનઃ સન્ધાનાર્થં તસ્મિન્નઙ્ગે યાં દેવતાં પરમેષ્ઠ્યાદિકામભિમન્યેત તસ્યૈ દેવતાયા આજ્યાહુતિં જુહુયાદિતિ સામાન્યતયાઽભિધાનં, તચાઙ્ગં યદિ દીક્ષાયામુપસત્સુ વા પ્રાયણીયાદૂર્ધ્વં સુત્યાયાઃ પ્રાક્ચ વિનષ્ટં ભવેત્તદાઽઽહવનીયે જુહુયાદ્યદિ તુ સુત્યાયાં વિનષ્ટં ભવેત્તદાઽઽગ્નીધેઆ જુહુયાદિત્યભિધાનમ્, એતસ્મિન્સોમયાગેઽભિધ્યાનાદિતત્તન્નિમિત્તેષુ પરમેષ્ઠ્યાદિસલિલાન્તાનાં વ્યાહૃતિસંજ્ઞકાનાં પ્રાયશ્ચિત્તાર્થાનાં ચતુસ્ત્રિંશતામાજ્યદ્રવ્યકાણાં કાલાહુતીનાં મધ્યે તાં તામાહુતિં યથાકાલં જુહુયાદિતિ વિશેષતયા સાર્થવાદમભિધાનં, તા એતાઃ પ્રાયશ્ચિત્તરૂપાઃ કાલાહુતીર્બ્રહ્મૈવ જુહુયાત્તદભાવે યઃ કશ્ચનાન્ય ઋત્વિક્ સ્યાત્સ જુહુયાદિતિ સકારણમભિધાનમ્, એતાસાં પરમેષ્ઠ્યાદિવ્યાહૃતીનામુત્પત્તિઃ એતાશ્ચ વ્યાહૃતીઃ પૂર્વં વસિષ્ઠા એવ વિદુરતસ્તદ્વેદિતા વાસિષ્ઠ એવ બ્રહ્મા કર્તવ્યોઽથવા યઃ કશ્ચનૈતા વ્યાહૃતીરધીતે જાનાતિ વા સ બ્રહ્મા કર્તવ્યઃ - તથૈતાઃ સૌમિક્યઃ પ્રાયશ્ચિત્તયશ્ચોદકાત્સંવત્સરસત્રાદિષ્વતિદિષ્ટા ભવન્તિ - ઇત્યાદ્યર્થજાતસ્ય સેતિહાસં સાર્થવાદં સોપપત્તિકમભિધાનં ચેતિ.