Shatapatha Brahmana · Chapter 12.3.3

१२.३.३ prāyaścittasatram/
devā ha vai sahasrasaṃvatsarāya didīkṣire/ teṣāṃ paṃca śatāni saṃvatsarāṇāṃ paryavetānyāsuḥ/ athedaṃ sarvameva śaśrāma/ ye stomā yāni pṛṣṭhāni yāni cchaṃdāṃsi

tato devā etadyajñasyāyātayāmāpaśyan/ tenāyātayāmnā yā vede vyaṣṭirāsīt – tāṃ vyāśnuvata/ ayātayāmā vā asya vedāḥ/ ayātayāmnyā hāsya trayyā vidyayā ārtvijyaṃ kṛtaṃ bhavati/ ya evametadveda

tadetadyajñasyāyātayāma/ ośrāvayāstu śrauṣaḍyaja yeyajāmahe vauṣaḍiti/ tāsāṃ vā etāsāṃ paṃcānāṃ vyāhṛtīnāṃ saptadaśākṣarāṇi/ ośrāvayeti caturakṣaram/ astu śrauṣaḍiti caturakṣaram/ yajeti dvayakṣaram/ yeyajāmaha iti paṃcākṣaram

dvyakṣaro vaṣaṭkāraḥ/ sa eṣa saptadaśaḥ prajāpatiḥ adhidevataṃ cādhyātmaṃ ca pratiṣṭhitaḥ/ sa yo haivametaṃ saptadaśaṃ prajāpatimadhidevataṃ cādhyātmaṃ ca pratiṣṭhitaṃ veda/ pratitiṣṭhati prajayā paśubhirasmin loke/ amṛtatvenāmuṣmin

te ha devā ūcuḥ/ upa taṃ yajñakratuṃ jānīta/ yaḥ sahasrasaṃvatsarasya pratimā/ ko hi tasmai manuṣyo yaḥ sahasrasaṃvatsareṇa samāpnuyāditi

te viśvajitameva sarvapṛṣṭhaṃ pṛṣṭhyasya ṣaḍahasyāṃjaḥsavamapaśyan/ te hi stomā bhavanti/ tāni pṛṣṭhāni/ tāni cchandāṃsi

pṛṣṭhyameva ṣaḍahaṃ dvādaśāhasyāṃjaḥsavamapaśyan/ te hi stomā bhavanti/ tāni pṛṣṭhāni/ tāni cchandāṃsi

dvādaśāhameva saṃvatsarasyāṃjaḥsavamapaśyan/ te hi stomā bhavanti. tāni pṛṣṭhāni/ tāni cchaṃdāṃsi

saṃvatsarameva tāpaścitasyāṃjaḥsavamapaśyan/ te hi stomā bhavanti/ tāni pṛṣṭhāni/ tāni cchaṃdāṃsi

tāpaścitameva sahasrasaṃvatsarasyāṃjaḥsavamapaśyan/ te hi stomā bhavanti/ tāni pṛṣṭhāni/ tāni cchaṃdāṃsi

sa vai saṃvatsaraṃ dīkṣābhireti/ saṃvatsaramupasadbhiḥ/ saṃvatsaraṃ sutyābhiḥ

sa yatsaṃvatsaraṃ dīkṣābhireti/ pūrvārddhameva tena sahasrasaṃvatsarasyāvarunddhe/ atha yatsaṃvatsaramupasadbhiḥ madhyameva tena sahasrasaṃvatsarasyāvarundhe/ atha yatsaṃvatsaraṃ sutyābhiḥ/ uttarārddhameva tena sahasrasaṃvatsarasyāvarundhe

sa vai dvādaśa māsāndīkṣābhireti dvādaśopasadbhiḥ/ dvādaśa sutyābhiḥ/ tatṣaṭtriṃśat/ ṣaṭtriṃśadakṣarā vai bṛhatī/ bṛhatyā vai devāḥ svarge loke 'yataṃta/ bṛhatyā svargaṃ lokamāpnuvan/ tatho evaiṣa etadbṛhatyaiva svarge loke yatate/ bṛhatyā svargaṃ lokamāpnoti/ atha yo bṛhatyāṃ kāmaḥ/ tamevaitenaivaṃvidavarundhe

tadvā etattrayaṃ saha kriyate/ agnirarkyaṃ mahadukthyam/ sa yatsaṃvatsaraṃ dīkṣābhireti, saṃvatsaramupasadbhiḥ/ tenāsyāgnyarkāvāptau bhavataḥ/ atha yatsaṃvatsaraṃ sutyābhireti, teno evāsaya mahadukthyamāptaṃ bhavanti/ sa vā eṣa eva sahasrasaṃvatsarasya pratimā, yattāpaścitaḥ/ eṣa prajānāṃ prajātyai/ yattāpaścitaḥ