Scripture Library

Shatapatha Brahmana · Chapter 12.3.1

12.3.1.12.3.1.1

१२.३.१.
yadbālāke trivṛdeti sarvamanyonyamabhisaṃpadyamānam/ kathaṃ svidyajñaḥ puruṣaḥ prajāpatiranyo'nyaṃ nātiricyanta ete

12.3.1.12.3.1.2

yadūrdhvāḥ stomā anuyanti yajñamabhyāvartaṃ sāmabhiḥ kalpamānāḥ/ kathaṃ svitte puruṣamāviśanti kathaṃ prāṇaiḥ sayujo bhavanti/

12.3.1.12.3.1.3

prāyaṇīyo'tirātraścaturviṃśamahaścatvāro'bhiplavāḥ pṛṣṭhya ityete/ kathaṃ svitte puruṣamāviśanti kathaṃ prāṇaiḥ sayujo bhavanti

12.3.1.12.3.1.4

abhijitā svarasāmāno'bhiklṛptā ubhayato viṣuvantamupayanti/ kathaṃsvitte puruṣamāviśanti kathaṃ prāṇaiḥ sayujo bhavanti

12.3.1.12.3.1.5

trivṛtprāyāḥ saptadaśābhiklṛptāstrayastriṃśāṃtāścaturuttareṇa/ kathaṃ svitte puruṣamāviśanti kathaṃ prāṇaiḥ sayujo bhavanti iti

12.3.1.12.3.1.6

śirastrivṛt paṃcadaśo'sya grīvā ura āhuḥ saptadaśābhiklṛptam/ ekaviṃśamudaraṃ kalpayanti pārśve parśūstriṇavenābhikalṛpte

12.3.1.12.3.1.7

abhiplavā ubhayato'sya bāhū pṛṣṭhyaṃ pṛṣṭhya iti dhīrā vadanti/ anūkamasya caturuttareṇa saṃvatsare brāhmaṇāḥ kalpayanti

12.3.1.12.3.1.8

karṇāvasyābhijidviśvajiccākṣyā bāhuḥ svarasāmā'bhikalṛpte/ nasyaṃ prāṇaṃ viṣuvantamāhurgoāyuṣī prāṇāvetāvavāṃcau

12.3.1.12.3.1.9

aṅgānyasya daśarātramāhurmukhaṃ mahāvrataṃ saṃvatsare brāhmaṇāḥ kalpayanti/ sarvastomaṃ sarvasāmānametaṃ saṃvatsaramadhyātmaṃ praviṣṭam/ samaṃ dhīra ātmanā kalpayitvā bradhnasyāste viṣṭape'jātaśokaḥ

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0