Shatapatha Brahmana · Chapter 12.1.2

१२.१.२
śraddhāyā vai devā dīkṣāṃ niramimata/ adityai prāyaṇīyam/ somāt krayam/ viṣṇorātithyam/ ādityātpravargyam/ svadhāyā upasadaḥ/ agnīṣomābhyāmupavasatham/ asmāllokāt prāyaṇīyamatirātram

saṃvatsarāt caturviṃśamahaḥ/ brahmaṇo'bhiplavam/ kṣattrāt pṛṣṭhyam/ agnerabhijitam/ adbhyaḥ svarasāmnaḥ/ ādityādviṣuvaṃtam/ uktāḥ svarasāmānaḥ/ iṃdrādviśvajitam/ uktau pṛṣṭhyābhiplavau/ mitrāvaruṇābhyāṃ goāyuṣī/ viśvebhyo devebhyo daśarātram/ digbhyo dāśarātrikaṃ pṛṣṭhyaṃ ṣaḍaham/ ebhyo lokebhyaśchandomān

saṃvatsarāddaśamamahaḥ/ prajāpatermahāvratam/ svargāllokādudayanīyamatirātram/ tadetatsaṃvatsarasya janma/ sa yo haivametatsaṃvatsarasya janma veda/ ā hāsmācchreyān jāyate/ sātmā bhavati/ saṃvatsaro bhavati/ saṃvatsaro bhūtvā devānapyeti