શતપથબ્રાહ્મણમ્ · અધ્યાય 12.1.2

૧૨.૧.૨
શ્રદ્ધાયા વૈ દેવા દીક્ષાં નિરમિમત। અદિત્યૈ પ્રાયણીયમ્। સોમાત્ ક્રયમ્। વિષ્ણોરાતિથ્યમ્। આદિત્યાત્પ્રવર્ગ્યમ્। સ્વધાયા ઉપસદઃ। અગ્નીષોમાભ્યામુપવસથમ્। અસ્માલ્લોકાત્ પ્રાયણીયમતિરાત્રમ્

સંવત્સરાત્ ચતુર્વિંશમહઃ। બ્રહ્મણોઽભિપ્લવમ્। ક્ષત્ત્રાત્ પૃષ્ઠ્યમ્। અગ્નેરભિજિતમ્। અદ્ભ્યઃ સ્વરસામ્નઃ। આદિત્યાદ્વિષુવંતમ્। ઉક્તાઃ સ્વરસામાનઃ। ઇંદ્રાદ્વિશ્વજિતમ્। ઉક્તૌ પૃષ્ઠ્યાભિપ્લવૌ। મિત્રાવરુણાભ્યાં ગોઆયુષી। વિશ્વેભ્યો દેવેભ્યો દશરાત્રમ્। દિગ્ભ્યો દાશરાત્રિકં પૃષ્ઠ્યં ષડહમ્। એભ્યો લોકેભ્યશ્છન્દોમાન્

સંવત્સરાદ્દશમમહઃ। પ્રજાપતેર્મહાવ્રતમ્। સ્વર્ગાલ્લોકાદુદયનીયમતિરાત્રમ્। તદેતત્સંવત્સરસ્ય જન્મ। સ યો હૈવમેતત્સંવત્સરસ્ય જન્મ વેદ। આ હાસ્માચ્છ્રેયાન્ જાયતે। સાત્મા ભવતિ। સંવત્સરો ભવતિ। સંવત્સરો ભૂત્વા દેવાનપ્યેતિ