Scripture Library

Shatapatha Brahmana · Chapter 11.5.5

11.5.5.11.5.5.1

११.५.५ śatātirātrasaṃjñakaṃ satram
devānvā ūrdhvāntsvargaṃ lokaṃ yataḥ/ asurāstamasā'ntaradadhuste hocurna vā asyānyena sattrādapaghāto'sti hanta sattramāsāmahā iti -

11.5.5.11.5.5.2

te śatāgniṣṭomaṃ sattramupeyuḥ/ te yāvadāsīnaḥ parāpaśyettāvatastamo'pāghnataivameva śatokthyena yāvattiṣṭhanparāpaśyettāvatastamo'pāghnata -

11.5.5.11.5.5.3

te hocuḥ/ apa vāva tamo hanmahe na tveva sarvamiva hanta prajāpatiṃ pitaraṃ pratyayāmeti te prajāpatiṃ pitaraṃ pratītyocurasurā vai no bhagava ūrdhvāntsvargaṃlokaṃ yatastamasāntaradadhuḥ -

11.5.5.11.5.5.4

te śatāgniṣṭomaṃ sattramupaima/ te yāvadāsīnaḥ parāpaśyettāvatastamo'pāhanmahyevameva śatokthyena yāvattiṣṭhanparāpaśyettāvatastamo'pāhanmahi pra no bhagavañchādhi yathāsurāṃstamo'pahatya sarvaṃ pāpmānamapahatya svargaṃ lokaṃ prajñāsyāma iti -

11.5.5.11.5.5.5

sa hovāca asarvakratubhyāṃ vai yajñābhyāmaganta yadagniṣṭomena cokthyena ca śatātirātraṃ sattramupeta tenāsurāṃstamo'pahatya sarvaṃ pāpmānamapahatya svargaṃ lokaṃ prajñāsyatheti -

11.5.5.11.5.5.6

te śatātirātraṃ sattramupeyuḥ tenāsurāṃstamo'pahatya sarvaṃ pāpmānamapahatyasvargaṃ lokaṃ prajajñusteṣāmarvākpañcāśeṣvevāhaḥsvaharabhi rātrisāmāni parīyū rātrimabhyahaḥsāmāni -

11.5.5.11.5.5.7

te hocuḥ/ amuhāma vai na prajānīmo hanta prajāpatimeva pitaraṃ pratyayāmeti te prajāpatimeva pitaraṃ pratītyocurahanno rātrisāmāni rātryāmahno bhavanti naḥ/ vipaścidyajñānmugdhānvidvāndhīro'nuśādhi na iti -

11.5.5.11.5.5.8

tānhaitadupajagau/ mahāhimiva vai hradādbalīyānanvavetya/ anutta svādāsthānāttataḥ sattraṃ na tāyata iti -

11.5.5.11.5.5.9

āśvinaṃ vai vaḥ śasyamānam prātaranuvākamāsthānādanutta yamāsthānādanuddhvaṃ dhīrāḥ santo adhīravat/ praśāstrā tamupeta śanairapratiśaṃsateti -

11.5.5.11.5.5.10

te hocuḥ/ kathaṃ nu bhagavaḥ śastaṃ kathamapratiśastamiti sa hovāca yatra hotā''śvinaṃ śaṃsannāgneyasya kratorgāyatrasya chandasaḥ pāraṃ gacchāttatpratiprasthātā vasatīvarīḥ parihṛtya maitrāvaruṇasya havirdhānayoḥ prātaranuvākamupākurutāduccairhotā śaṃsati śanairitaro jañjapyamāna ivānvāha tanna vācā vācaṃ pratyeti na cchandasā chandaḥ -

11.5.5.11.5.5.11

parihite prātaranuvāke/ yathāyatanamevopāṃśvantaryāmau hutvā droṇakalaśe pavitraṃ prapīḍyaṃ nidadhāti tiro'hnyaiścaritvā pratyañcaḥ pratiparetya tirohnyāneva bhakṣayādhvā athānupūrvaṃ yajñapucchaṃ saṃsthāpya ya ūrdhvā antaryāmādgrahāstāngṛhītvā vipruṣāṃ homaṃ hutvā saṃtaniṃ ca bahiṣpavamānena stutvā'hareva pratipadyādhvā iti -

11.5.5.11.5.5.12

tadete'bhi ślokāḥ/ caturbhiḥ saindhavairyuktairdhīrā vyajahustamaḥ/ vidvāṃso ye śatakratu devāḥ sattramatanvateti -

11.5.5.11.5.5.13

catvāro hyatra yuktā bhavanti/ dvau hotārau dvāvadhvaryū pavernu śakveva hanūni kalpayannahnorantau vyatiṣajanta dhīrāḥ/ na dānavā yajñiyaṃ tantumeṣāṃ vijānīmo vitataṃ mohayanti naḥ// pūrvasyāhnaḥ pariśiṃṣanti karma taduttareṇābhivitanvate'hnā// durvijñānaṃ kāvyaṃ devatānāṃ somāḥ somairvyatiṣaktāḥ plavante// samānāntsadamukṣanti hayānkāṣṭhabhṛto yathā/ pūrṇānparisrutaḥ kumbhānjanamejayasādana ityasurarakṣasānyapeyuḥ -

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0