Scripture Library

Shatapatha Brahmana · Chapter 11.1.1

11.1.1.11.1.1.1

saṃvatsaro vai yajñaḥ prajāpatiḥ/ tasyaitaddvāraṃ yadamāvāsyā candramā evadvārapidhānaḥ -

11.1.1.11.1.1.2

sa yo'māvāsyāyāmagnī ādhatte yathā vivṛtāyāṃ dvāri dvārā puraṃ prapadyeta sa tata eva svargaṃ lokamiyādevaṃ tadyo'māvāsyāyāmādhatte -

11.1.1.11.1.1.3

atha yo nakṣatra ādhatte/ yathā pihitāyāṃ dvāryadvārā puraṃ prapitsetsa jihmaḥ puraḥ syādevaṃ tadyo nakṣatra ādhatte tasmānna nakṣatra ādadhīta -

11.1.1.11.1.1.4

yadaharevaiṣaḥ/ na purastānna paścāddṛśyeta tadaharupavasettarhi hyeṣa imaṃ lokamāgacchati tasminniha vasati -

11.1.1.11.1.1.5

sarve devā vasanti/ sarvāṇi bhūtāni sarvā devatāḥ sarva ṛtavaḥ sarve stomāḥ sarvāṇi pṛṣṭhāni sarvāṇi chandāṃsi -

11.1.1.11.1.1.6

sarveṣu ha vā asya deveṣu/ sarveṣu bhūteṣu sarvāsu devatāsu sarveṣvṛtuṣu sarveṣu stomeṣu sarveṣu pṛṣṭheṣu sarveṣu chandaḥsvagnī āhitau bhavato yo'māvāsyāyāmādhatte tasmādamāvāsyāyāmevāgnī ādadhīta -

11.1.1.11.1.1.7

yo'sau vaiśākhasyāmāvāsyā/ tasyāmādadhīta sā rohiṇyā sampadyata ātmā vai prajā paśavo rohiṇyātmanyevaitatprajāyāṃ paśuṣu pratitiṣṭhatyamāvāsyā vāagnyādheyarūpaṃ tasmādamāvāsyāyāmevāgnī ādadhīta paurṇamāsyāmanvārabhetāmāvāsyāyāṃ dīkṣeta -

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0