Shatapatha Brahmana · Chapter 10.5.3

१०.५.३ mānasāgnyupāsanaṃ brāhmaṇam
neva vā idamagre'sadāsīnneva sadāsīt/ āsīdiva vā idamagre nevāsīttaddha tanmana evāsa - १०.५.३.
tasmādetadṛṣiṇābhyanūktam / nāsadāsīnno sadāsīttadānīmiti neva hi sanmano nevāsat - १०.५.३.
tadidaṃ manaḥ sṛṣṭamāvirabubhūṣat / niruktataraṃ mūrtataraṃ tadātmānamanvaicchattattapo'tapyata tatprāmūrcchattatṣaṭtriṃśataṃ sahasrāṇyapaśyadātmano'gnīnarkānmanomayānmanaścitaste manasaivādhīyanta manasā'cīyanta manasaiṣu grahā agṛhyanta manasā stuvata manasā śaṃsanyatkiṃ ca yajñe karma kriyate yatkiṃ ca yajñiyaṃ karma manasaiva teṣu tanmanomayeṣu manaścitsu manomayamakriyata tadyatkiṃ cemāni bhūtāni manasā saṃkalpayanti teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai manaso vibhūtiretāvatī visṛṣṭiretāvanmanaḥ ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
tanmano vācamasṛjata seyaṃ vāksṛṣṭāvirabubhūṣanniruktatarā mūrtatarā sātmānamanvaicchatsā tapo'tapyata sā prāmūrcchatsā ṣaṭtriṃśataṃ sahasrāṇyapaśyadātmano'gnīnarkānvāṅmayānvākcitaste vācaivādhīyanta vācaiṣu grahā agṛhyanta vācā'stuvata vācā'śaṃsanyatkiṃ ca yajñe karma kriyate yatkiṃ ca yajñiyaṃ karma vācaiva teṣu tadvāṅmayeṣu vākcitsu vāṅmayamakriyata tadyatkiṃcemāni bhūtāni vācā vadanti teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai vāco vibhūtiretāvatī visṛṣṭiretāvatī vāk ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
sā vākprāṇamasṛjata/ so'yaṃ prāṇaḥ sṛṣṭa āvirabubhūṣanniruktataro mūrtataraḥ sa ātmānamanvaicchatsa tapo'tapyata sa prāmūrcchatsa ṣaṭtriṃśataṃ sahasrāṇyapaśyadātmano'gnīnarkānprāṇamayānprāṇacitaste prāṇenaivādhīyanta prāṇenācīyanta prāṇenaiṣu grahā agṛhyanta prāṇenāstuvata prāṇenāśaṃsanyatkiṃ ca yajñe karma kriyate yatkiṃ ca yajñiyaṃ karma prāṇenaiva teṣu tatprāṇamayeṣu prāṇacitsu prāṇamayamakriyata tadyatkiṃ cemāni bhūtāni prāṇena prāṇanti teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai prāṇasya vibhūtiretāvatī visṛṣṭiretāvānprāṇaḥ ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
sa prāṇaścakṣurasṛjata/ tadidaṃ cakṣuḥ sṛṣṭamāvirabubhūṣanniruktataraṃ mūrtataraṃ tadātmānamanvaicchattattapo'tapyata tatprāmūrcchattatṣaṭtriṃśataṃ sahasrāṇyapaśyadātmano'gnīnarkāṃścakṣurmayāṃścakṣuścitaste cakṣuṣaivādhīyanta cakṣuṣā'cīyanta cakṣuṣaiṣu grahā agrṛhyanta cakṣuṣā'stuvata cakṣuṣā'śaṃsanyatkiṃ ca yajñe karma kriyate yatkiṃ ca yajñiyaṃ karma cakṣuṣaiva teṣu taccakṣurmayeṣu cakṣuścitsu cakṣurmayamakriyata tadyatkiṃ cemāni bhūtāni cakṣuṣā paśyanti teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai cakṣuṣo vibhūtiretāvatī visṛṣṭiretāvaccakṣuḥ ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
taccakṣuḥ śrotramasṛjata tadidaṃ śrotraṃ sṛṣṭamāvirabubhūṣanniruktataraṃ mūrtataraṃ tadātmānamanvaicchattattapo'tapyata tatprāmūrcchattatṣaṭtriṃśataṃ sahasrāṇyapaśyadātmano'gnīnarkāñchrotramayāñchrotracitaste śrotreṇaivādhīyanta śrotreṇācīyanta śrotreṇaiṣu grahā agṛhyanta śrotreṇāstuvata śrotreṇāśaṃsanyatkiṃ ca yajñe karma kriyate yatkiṃ ca yajñiyaṃ karma śrotreṇaiva teṣu tacchrotramayeṣu śrotracitsu śrotramayamakriyata tadyatkiṃ cemāni bhūtāni śrotreṇa śṛṇvanti teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai śrotrasya vibhūtiretāvatī visṛṣṭiretāvacchrotraṃ ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
tacchrotraṃ karmāsṛjata/ tatprāṇānabhisamamūrcchadimaṃ saṃdeghamannasaṃdehamakṛtsnaṃ vai karma'rte prāṇebhyo'kṛtsnā u vai prāṇā'ṛte karmaṇaḥ - १०.५.३.
tadidaṃ karma sṛṣṭamāvirabubhūṣat/ niruktataraṃ mūrtataraṃ tadātmānamanvaicchattattapo'tapyata tatprāmūrcchattatṣaṭtriṃśataṃ sahasrāṇyapaśyadātmano'gnīnarkānkarmamayānkarmacitaste karmaṇaivādhīyanta karmaṇā'cīyanta karmaṇaiṣu grahā agṛhyanta karmaṇā'stuvata karmaṇā śaṃsanyatkiṃ ca yajñe karma kriyate yatkiṃ ca yajñiyaṃ karma karmaṇaiva teṣu tatkarmamayeṣu karmacitsu karmamayamakriyata tadyatkiṃ cemāni bhūtāni karma kurvate teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vai karmaṇo vibhūtiretāvatī visṛṣṭiretāvatkarma ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
tatkarmāgnimasṛjata āvistarāṃ vā agniḥ karmaṇaḥ karmaṇā hyenaṃ janayanti karmaṇendhate - १०.५.३.
so'yamagniḥ sṛṣṭa āvirabubhūṣat niruktataro mūrtataraḥ sa ātmānamanvaicchatsa tapo'tapyata sa prāmūrcchatsa ṣaṭtriṃśataṃ sahasrāṇyapaśyadātmano'gnīnarkānagnimayānagnicitaste'gninaivādhīyantāgninācīyan-
tāgninaiṣu grahā agṛhyantāgninā stuvatāgninā śaṃsanyatkiṃ ca yajñe karma kriyate yatkiṃ ca yajñiyaṃ karmāgninaiva teṣu tadagnimayeṣvagnicitsvagnimayamakriyata tadyatkiṃ cemāni bhūtānyagnimindhate teṣāmeva sā kṛtistānevādadhati tāṃścinvanti teṣu grahāngṛhṇanti teṣu stuvate teṣu śaṃsantyetāvatī vā agnervibhūtiretāvatī visṛṣṭiretāvānagniḥ ṣaṭtriṃśatsahasrāṇyagnayo'rkāsteṣāmekaika eva tāvānyāvānasau pūrvaḥ - १०.५.३.
te haite vidyācita eva/ tānhaitānevaṃvide sarvadā sarvāṇi bhūtāni cinvantyapi svapate
vidyayā haivaita evaṃvidaścitā bhavanti - १०.५.३.