Shatapatha Brahmana · Verses 1.6-3

१.६.२āvāpa-pradeśaḥ
yajñena vai devāḥ / imāṃ jitiṃ jigyuryaiṣāmiyaṃ jitiste hocuḥ kathaṃ na idammanuṣyairanabhyārohyaṃ syāditi te yajñasya rasaṃ dhītvā yathā madhu madhukṛto nirdhayeyurviduhya yajñaṃ yūpena yopayitvā tiro'bhavannatha yadenenāyopayaṃstasmādyūpo nāma/ tadvā ṛṣīṇāmanuśrutamāsa

yajñena ha vai devāḥ / imāṃ jitiṃ jigyuryaiṣāmiyaṃ jitiste hocuḥ kathaṃ na idammanuṣyairanabhyārohyaṃ syāditi te yajñasya rasaṃ dhītvā yathā madhu madhukṛto nirdhayeyurviduhya yajñaṃ yūpena yopayitvā tiro'bhavanniti tamanveṣṭuṃ dadhrire

tercantaḥ śrāmyantaśceruḥ / śrameṇa ha sma vai taddevā jayanti yadeṣāṃjayyamāsa'rṣayaśca tebhyo devā vaiva prarocayāṃ cakruḥ svayaṃ vaiva dadhrire preta tadeṣyāmo yato devāḥ svargaṃ lokaṃ samāśnuvateti te kiṃ prarocate kiṃ prarocata iti ceruretpuroḍāśameva kūrmaṃ bhūtvā sarpantaṃ te ha sarva eva menire'yaṃ vai yajña iti

te hocuḥ / aśvibhyāṃ tiṣṭha sarasvatyai tiṣṭhendrāya tiṣṭheti sa sasarpaivāgnaye tiṣṭheti tatastasthāvagnaye vā asthāditi tamagnāveva parigṛhya sarvahutamajuhavurāhutirhi devānāṃ tata ebhyo yajñaḥ prārocata tamasṛjanta tamatanvata so'yaṃ paro'varaṃ yajño'nūcyate pitaiva putrāya brahmacāriṇe

sa vā ebhyastatpuro'dāśayat / ya ebhyo yajñaṃ prārocayattasmātpurodāśaḥ purodāśo ha vai nāmaitadyatpuroḍāśa iti sa eṣa ubhayatrācyuta āgneyo'ṣṭākapālaḥ puroḍāśo bhavati-

sa na paurṇamāsaṃ haviḥ / nāmāvāsyamagnīṣomīya eva paurṇamāsaṃ haviḥ sāṃnāyyamāmāvāsyaṃ yajña evaiṣa ubhayatrāvakḷpto nedyajñādayānīti nveva purastātpaurṇamāsasya kriyata evamvāmāvāsyasyaitannu tadyasmādatra kriyate-

yadyu enamupadhāvet / iṣṭyā mā yājayetyetayaiva yājayedyatkāmā vā etamṛṣayo'juhavuḥ sa ebhyaḥ kāmaḥ samardhyata yatkāmo ha vā etena yajñena yajate so'smai kāmaḥ samṛdhyate yasyai vai kasyai ca devatāyai havirgṛhyate'gnau vai tasyai juhvatyagnā u ceddhoṣyantsyātkimanyasyai devatāyā ādiśettasmādagnaya eva -

agnirvai sarvā devatāḥ / agnau hi sarvābhyo devatābhyo juhvati tadyathā sarvā devatā upadhāvedevaṃ tattasmādagnaya eva

agnirvai devānāmaddhātamām / yaṃ vā addhātamāṃ manyeta tamupadhāvettasmādagnaya eva -

agnirvai devānāṃ mṛduhṛdayatamaḥ / yaṃ vai mṛduhṛdayatamaṃ manyeta tamupadhāvettasmādagnaya eva -

agnirvai devānāṃ nediṣṭham / yaṃ vai nediṣṭhamupasartavyānāṃ manyeta tamupadhāvettasmādagnaya eva -

sa yadīṣṭiṃ kurvīta / saptadaśa sāmidhenīranubrūyādupāṃśu devatāṃ yajati taddhīṣṭirūpaṃ mūrdhanvatyau yājyānuvākye syātāṃ vārtraghnāvājyabhāgau virājau saṃyājye -