Shatapatha Brahmana · Chapter 1.3.4

१.३.४ paridhiparidhānam
te vā ārdrāḥ syuḥ / etaddhyeṣāṃ jīvametena satejasa etena vīryavantastasmādārdrāḥ syuḥ - १.३.४.
sa madhyamamevāgre / paridhiṃ paridadhāti gandharvastvā viśvāvasuḥ paridadhātu viśvasyāriṣṭyai yajamānasya paridhirasyagniriḍa īḍita iti - १.३.४.
atha dakṣiṇāṃ paridadhāti / indrasya bāhurasi dakṣiṇo viśvasya ariṣṭyai yajamānasya paridhirasyagniriḍa īḍita iti - १.३.४.
athottaraṃ paridadhāti / mitrāvaruṇau tvottarataḥ paridhattāṃ dhruveṇa dharmaṇā viśvasyāriṣṭyai yajamānasyaparidhirasyagniriḍa īḍita ityagnayo hi tasmādāhāgniriḍa īḍita iti - १.३.४.
atha samidhamabhyādadhāti / sa madhyamamevāgre paridhimupaspṛśati tenaitānagre samindhe'thāgnāvabhyādadhāti teno agniṃ pratyakṣaṃ samindhe - १.३.४.
so'bhyādadhāti / vītihotraṃ tvā kave dyumantaṃ samidhīmahi agne bṛhantamadhvara ityetayā gāyatryā gāyatrīmevaitatsamindhe sā gāyatrī samiddhānyāni chandāṃsi samindhe chandāṃsi samiddhāni devebhyo yajñaṃ vahanti - १.३.४.
atha yāṃ dvitīyāṃ samidhamabhyādadhāti / vasantameva tayā samindhe sa vasantaḥ samiddho'nyānṛtūntsamindha ṛtavaḥ samiddhāḥ prajāśca prajanayantyoṣadhīśca pacanti so'bhyādadhāti samidasīti samiddhi vasantaḥ - १.३.४.
athābhyādhāya japati / sūryastvā purastātpātu kasyāścidabhiśastyā iti guptyai vā
abhitaḥ paridhayo bhavantyathaitatsūryameva purastādgoptāraṃ karoti netpurastānnāṣṭrā rakṣāṃsyabhyavacarāniti sūryo hi nāṣṭrāṇāṃ rakṣasāmapahantā - १.३.४.
atha yāmevāmūṃ tṛtīyāṃ samidhamabhyādadhāti / anuyājeṣu brāhmaṇameva tayā samindhe sa brāhmaṇaḥ samiddho devebhyo yajñaṃ vahati - १.३.४.
atha stīrṇāṃ vedimupāvartate / sa dve tṛṇe ādāya tiraścī nidadhāti saviturbāhū stha ityayaṃ vai stupaḥ prastaro'thā te bhruvāveva tiraścī nidadhāti tasmādime tiraścyau bhruvau kṣatraṃ vai prastaro viśa itaraṃ barhiḥ kṣatrasya caiva viśaśca vidhṛtyai tasmāttiraścī nidadhāti tasmādveva vidhṛtī nāma - १.३.४.
tatprastaraṃ stṛṇāti / ūrṇamradasaṃ tvā stṛṇāmi svāsasthaṃ devebhya iti sādhuṃ devebhya ityevaitadāha yadāhorṇamradasaṃ tveti svāsasthaṃ devebhya iti svāsadaṃ devebhya ityevaitadāha - १.३.४.
tamabhinidadhāti / ā tvā vasavo rudrā ādityāḥ sadantvityete vai trayā devā yadvasavo
rudrā ādityā ete tvāsīdantvityevaitadāhābhinihita eva savyena pāṇinā bhavati - १.३.४.
atha dakṣiṇena juhūṃ pratigṛhṇāti / nediha purā nāṣṭrā rakṣāṃsyāviśāniti brāhmaṇo
hi rakṣasāmapahantā tasmādabhinihita eva savyena pāṇinā bhavati - १.३.४.
atha juhūṃ pratigṛhṇāti / ghṛtācyasi juhūrnāmneti ghṛtācī hi juhūrhi nāmnā sedampriyeṇa dhāmnā priyaṃ sada āsīdeti ghṛtācyasyupabhṛnnāmnetyupabhṛtaṃ ghṛtācī hyupabhṛddhi nāmnā sedaṃ priyeṇa dhāmnā priyaṃ sada āsīdeti ghṛtācyasi dhruvā nāmneti dhruvāṃ ghṛtācī hi dhruvā hi nāmnā sedaṃ priyeṇa dhāmnā priyaṃ sada āsīdeti priyeṇa dhāmnā priyaṃ sada āsīdeti yadanyaddhaviḥ - १.३.४.
sa vā upari juhūṃ sādayati / adha itarāḥ srucaḥ kṣatraṃ vai juhūrviśa itarāḥ srucaḥ kṣatramevaitadviśa uttaraṃ karoti tasmāduparyāsīnaṃ kṣatriyamadhastādimāḥ prajā upāsate tasmādupari juhūṃ sādayatyadha itarāḥ srucaḥ - १.३.४.
so'bhimṛśati / dhruvā asadanniti dhruvā hyasadannṛtasya yonāviti yajño vā ṛtasya yoniryajñe hyasadaṃstā viṣṇo pāhi pāhi yajñaṃ pāhi yajñapatimiti tadyajamānamāha pāhi māṃ yajñanyamiti tadapyātmānaṃ yajñānnāntareti yajño vai viṣṇostadyajñāyaivaitatsarvaṃ paridadāti guptyai tasmādāha tā viṣṇo pāhīti - १.३.४.