Scripture Library

Shatapatha Brahmana · Chapter 1.2.2

1.2.2.1.2.2.1

pavitravati samvapati / pātryāṃ pavitre avadhāya devasya tvā savituḥ prasave'śvinorbāhubhyāṃ pūṣṇo hastābhyāṃ samvapāmīti so'sāvevaitasya yajuṣo bandhuḥ -

1.2.2.1.2.2.2

athāntarvedyupaviśati / athaika upasarjanībhiraiti tā ānayati tāḥ pavitrābhyāṃ pratigṛhṇāti samāpa oṣadhībhiriti saṃ hyetadāpa oṣadhībhiretābhiḥ piṣṭābhiḥ saṅgacchante samoṣadhayo raseneti saṃ hyetadoṣadhayo rasenaitāḥ piṣṭā adbhiḥ saṃgacchanta āpo hyetāsāṃ rasaḥ saṃ revatīrjagatībhiḥ pṛcyantāmiti revatya āpo jagatya oṣadhayastā u hyetadubhayyaḥ sampṛcyante saṃ madhumatīrmadhumatībhiḥ pṛcyantāmiti saṃ rasavatyo rasavatībhiḥ pṛcyantāmityevaitadāha -

1.2.2.1.2.2.3

atha saṃyauti / janayatyai tvā saṃyaumīti yathā vā adhivṛkto'gneradhi jāyetaivaṃ vai tatsaṃyauti-

1.2.2.1.2.2.4

atha dvedhā karoti / yadi dve haviṣī bhavataḥ paurṇamāsyāṃ vai dve haviṣī bhavataḥ sa yatra punarna saṃhariṣyantsyāttadabhimṛśatīdamagneridamagnīṣomayoriti nānā vā etadagre havirgṛhṇanti tatsahāvaghnanti tatsaha piṃṣanti tatpunarnānā karoti tasmādevamabhimṛśatyadhivṛṇaktyevaiṣa puroḍāśamadhiśrayatyasāvājyam -

1.2.2.1.2.2.5

tadvā etat / ubhayaṃ saha kriyate tadyadetadubhayaṃ saha kriyate'rdho ha vā eṣa ātmano yajñasya yadājyamardho yadiha havirbhavati sa yaścāsāvardho ya u cāyamardhastā ubhāvagniṃ gamayāveti tasmādvā etadubhayaṃ saha kriyata evamu haiṣa ātmā yajñasya saṃdhīyate -

1.2.2.1.2.2.6

so'sāvājyamadhiśrayati / iṣe tveti vṛṣṭyai tadāha yadāheṣe tveti tatpunarudvāsayatyūrje tveti yo vṛṣṭādūrgraso jāyate tasmai tadāha -

1.2.2.1.2.2.7

atha puroḍāśamadhivṛṇakti / gharmo'sīti yajñamevaitatkaroti yathā gharmampravṛṃjyādevaṃ pravṛṇakti viśvāyuriti tadāyurdadhāti -

1.2.2.1.2.2.8

taṃ prathayati / uruprathā uru prathasveti prathayatyevainametaduru te yajñapatiḥ prathatāmiti yajamāno vai yajñapatistadyajamānāyaivaitadāśiṣamāśāste -

1.2.2.1.2.2.9

taṃ na satrā pṛthu kuryāt / mānuṣaṃ ha kuryādyatpṛthuṃ kuryādvyṛddhaṃ vai tadyajñasya yanmānuṣaṃ nedvyṛddhaṃ yajño karavāṇīti tasmānna satrā pṛthuṃ kuryāt -

1.2.2.1.2.2.10

aśvaśaphamātraṃ kuryādityu haika āhuḥ / kastadveda yāvānaśvaśapho yāvantameva svayaṃ manasā na satrā pṛthuṃ manyetaivaṃ kuryāt -

1.2.2.1.2.2.11

tamadbhirabhimṛśati / sakṛdvā trirvā tadyadevāsyātrāvaghnanto vā piṃṣanto vā kṣiṇvanti vā vi vā vṛhanti śāntirāpastadadbhiḥ śāntyā śamayati tadadbhiḥ saṃdadhāti tasmādadbhirabhimṛśati -

1.2.2.1.2.2.12

so'bhimṛśati / agniṣṭe tvacaṃ mā hiṃsīdityagninā vā enametadabhitapsyanbhavatyeṣa te tvacaṃ mā hiṃsīdityevaitadāha-

1.2.2.1.2.2.13

taṃ paryagniṃ karoti / acchidramevainametadagninā parigṛhṇāti nedenaṃ nāṣṭrā rakṣāṃsi pramṛśānityagnirhi rakṣasāmapahantā tasmātparyagniṃ karoti -

1.2.2.1.2.2.14

taṃ śrapayati / devastvā savitā śrapayatviti na vā etasya manuṣyaḥ śrapayitā devo hyeṣa tadenaṃ deva eva savitā śrapayati varṣiṣṭhe'dhi nāka iti devatro etadāha yadāha varṣiṣṭhe'dhi nāka iti tamabhimṛśati śrṛtaṃ vedānīti tasmādvā abhimṛśati -

1.2.2.1.2.2.15

so'bhimṛśati / mā bhermā saṃvikthā iti mā tvaṃ bhaiṣīrmā saṃvikthā yattvāhamamānuṣaṃ santaṃ mānuṣo'bhimṛśāmītyevaitadāha -

1.2.2.1.2.2.16

yadā śṛto'thābhivāsayati / nedenamupariṣṭānnāṣṭrā rakṣāṃsyavapaśyāniti nedveva nagna iva muṣita iva śayātā ityu caiva tasmādvā abhivāsayati -

1.2.2.1.2.2.17

so'bhivāsayati / atameruryajño'tameruryajamānasya prajā bhūyāditi nedetadanuyajño vā yajamāno vā tāmyādyadidamabhivāsayāmīti tasmādevamabhivāsayati -

1.2.2.1.2.2.18

atha pātrīnirṇejanam / aṅgulipraṇejanamāptyebhyo ninayati tadyadāptyebhyo ninayati -

Original text: śatapathabrāhmaṇam · Sanskrit Wikisource contributors · Sanskrit Wikisource · CC BY-SA 4.0