Shadvimsha Brahmana · Chapter p2

atha tṛtīyo'dhyāyaḥ
yaddhotā jahāti vāggha tadyajamānaṃ jahāti sa yattatkaroti svām̐ vācam̐ yajamāne dadhāti sa viṣvaṅ vācāmuṣmim̐lloke sambhavati

yadadhvaryurjahāti cakṣurha tadyajamānaṃ jahāti sa yattat karoti svaṃ cakṣuryyajamāne dadhāti sa viṣvaṅcakṣuṣāmuṣmim̐lloke sambhavati

yadabrahmā jahāti mano ha tadyajamānaṃ jahāti sa yattat karoti svaṃ mano yajamāne dadhāti sa viṣvaṅ manasāmuṣmim̐lloke sambhavati

yadudgātā jahāti śrotram̐ ha tadyajamānaṃ jahāti sa yattatkaroti svam̐ śrotram̐ yajamāne dadhāti sa viṣvaṅ śrotreṇāmuṣmim̐lloke sambhavati

yatsadasyo jahātyātmā ha tadyajamānaṃ jahāti sa yattatkaroti svamātmānam̐ yajamāne dadhāti sa viṣvaṅṅātmanāmuṣmim̐lloke sambhavati

yaddhotrāśam̐sino jahatyaṅgāni ha tadyajamānaṃ jahati te yattatkurvanti svānyaṅgāni yajamāne dadhati te viśvañco'ṅgairamuṣmim̐lloke sambhavanti

yaccamasādhvaryyavo jahati lomāni ha tadyajamānaṃ jahati te yattatkurvanti svāni lomāni yajamāne dadhati te viṣvañco lomabhiramuṣmim̐lloke sambhavanti

tasmādevam̐ vidyajñe hīnaṃ na kuryyāt

atha vā ata ṛtvijāmeva vijñānam

paśavo hādhvaryyumanu kīrtirhotāram̐ yogakṣemo brahmāṇamātmā ca prajā codgātāram

iti prathamaḥ khaṇḍaḥ//३/१//
sa yadi paśuto vyādhīyetādhvaryurma idamakariti vidyādatha yadyenaṃ pāpikā kīrttiranūdiyāddhotā ma idamakariti vidyādatha yadyasya yogakṣemo vyatheta brahmā ma idamakariti vidyādatha yadyātmanā vā prajayā vā vyādhīyetodgātā ma idamakariti vidyāta

prāṇadevatyo vai brahmā vāgdevatyā itara ṛtvijassa yadi manyeta brahmā sa idamakariti haritam̐ hiraṇyaṃ darbhānāḍyā prabadhya srucyavadhāya caturgṛhītamājyaṃ gṛhītvā juhuyānnamaḥ prāṇāya vācaspataye svāheti yadyu vā itare namo vāce prāṇapatnyai svāheti yadītaro yadivetare sarvveṣvevānuparyyāyaṃ juhuyānnamaḥ prāṇāya vācaspataye svāhā namo vāce prāṇapatnyai svāheti

atha taddhiraṇyaṃ brahmaṇe dadyāt

atha yadāha yajña vāva yajñasya prāyaścittiriti punaryyajña eva sa ete u ha tvevāhutī yajñavibhraṣṭasya prāyaścittiriti

iti dvitīyaḥ khaṇḍaḥ//३/२//
te vā ṛtvijaḥ sa yajamāno daivā vā anya ṛtvijo mānuṣā anye yaṃ daivā yājayanti devalokameva sa tairavarundhe na manuṣyalokamatha yaṃ mānuṣā yājayanti manuṣyalokameva sa tairavarundhe na devalokamatha yamubhaye yājayanti devalokaṃ caiva sa tairavarundhe manuṣyalokaṃ ca

sa etāndaivānṛtvijo vṛṇītāggnirmme hotādityo me'dhvaryuścandramā me brahmā parjjanyo ma udgātākāśo me sadasya āpo me hotrāśam̐sino raśmayo me camasādhvaryyavaḥ

sa etāndaivānṛtvijo vṛtvāthaitān mānuṣān vṛṇīta ya enamabhirādhayeyuḥ

atha kṣatriyaṃ devayajanam̐ yācet

sa cettasmai dadyāddevayajanavān bhūyā ityenaṃ brūyāt

na cettasmai dadyādyadahaṃ devayajanam̐ veda tasmim̐stvāvṛścānītyenaṃ brūyāt

aggnirvāṃ va taddevayajanaṃ bhūmirvvāva taddevayajanamāpo vāva taddevayajanam̐ śraddhā vāva taddevayajanameteṣu ha vā enaṃ devayajaneṣvāvṛścatyatho hārttimevāpauruṣeyīnneti

atha tata etyarttvijo devayajanam̐ yācet

aggnirmeyī hotā sa me devayajanaṃ dadātu hotarddevayajanamme dehītyuccairādityo me'dhvaryyussa me devayajanaṃ dadātvadhvaryyo devayajanamme dehītyuccaiścandramā me brahmā sa me devayajanaṃ dadātu brahman devayajanamme dehītyuccaiḥ parjjanyo ma udgātā sa me devayajanaṃ dadātūdgātarddevayajanamme dehītyuccairākāśo me sadasyassa me devayajanaṃ dadātu sadasya devayajanamme dehītyuccairāpo me hotrāśam̐sinaste me devayajanaṃ dadatu hotrāśam̐sino devayajanamme dattetyuccaiḥ raśmayo me camasādhvaryyavaste me devayajanaṃ dadatu camasādhvaryyavo devayajanamme dattetyuccaiḥ

tā vā etā devatā ṛtvijāmeva vāgbhirddevayajanaṃ dadati sa datte yajate

yadunnataṃ bhūmyā anūṣaram̐ yatra bahulā oṣadhayaścātvālasāriṇyo yatrāpaḥ syuḥ

tasya na purastāddevayajanamātramatiśiṣyādyāvāñchamyāprāsaḥ

avarapuruṣā hāsmācchreyām̐so bhavanti yasyaivamatirecayanti

kāmaṃ dakṣiṇata āgāmukā hainaṃ dakṣiṇā bhavanti

kāmaṃ paścādavarapuruṣā hāsmācchreyām̐so bhavanti

kāmamuttarata uttarā hainaṃ devayajyopanāmukā bhavatyuttarottaraṇī hāsya śrīrbhavati

yasya purastāt trīṇi jyotīm̐ṣi dṛśyerannaggnirāpaādityastaddevayajanaṃ tattriśukriyam

purastāccitraṃ devayajanam

paścāccitram̐ śmaśānakaraṇam

prāgudakpravaṇaṃ devayajanam

paścāddakṣiṇāpravaṇam̐ śmaśānakaraṇam

yathā vai dakṣiṇaḥ pāṇirevaṃ devayajanam

yathā savyastathā śmaśānakaraṇam

yathā śmaśānakaraṇaṃ tathābhicaraṇīyānāṃ devayajanama

apyu haika āhuryasminneva kasmiṃściddeśe śraddadhāno yajata ṛdhnotyeveti

iti tṛtīyaḥ khaṇḍaḥ //३/३//
yāvān yajñe raso bhavati tenāta eva prācīnaṃ pracarantyathaitadyātayāma pariśiṣyatarjjīṣantannāha tasmai yadavṛthaivāpāsyeyurno tasmai yadaggnāvanu prahareyustenāpa evābhyavayanti

āpo vai sarvvasya śāntiḥ pratiṣṭhā

pāpmānam̐ haiṣa hanti yo yajate tamimaṃ pāpmānam̐ hatamapo harāṇīti

tenāntareṇa pratipadyante cātvālaṃ cotkarañca

etadvai devānāṃ tīrtham

tadetadṛṣirāhātmānaṃ tīrthaṃ ka iha pravocadyena devāḥ pathā prapibante sutasyeti

etadvai devānāṃ tīrthamatīrtham̐ hyeva yajñasyāto'nyat

tasmādetenaiva prasṛte prapadyetaitena viṣkrāmet

tān pracyutān devayajanādaprāptānapa etasminnavakāśe rakṣām̐syajighām̐santsa etadaggnī rakṣohā sāmāpaśyattānyetenāpāhata tānyamurhyapahatāni santīti devā akurvvanityevaitadrakṣām̐syapasedhati

tasyāhāvo'hāva iti stobhāntstobhatyahāvostvahāvo'stvityevaitadrakṣām̐syapasedhati

aggniṣṭapati pratidahatītyāha rakṣām̐syeva tatpratidahati

pādāya pādāya stobhā anuvarttante rakṣasāmapahatyai

viśvam̐ samatriṇaṃ daha viśvam̐ samatriṇaṃ dahetyatriṇo vai rakṣām̐si pāpmāno'triṇo'triṇa evaitadrakṣām̐si pāpmānamapasedhati

tasya trirnidhanamāhuḥ

yam̐ vai suhataṃ ghnanti na sa punarudriṅkte yathāha punaḥ punarādāya suhatam̐ hanyāttādṛgetat

tadvā aticchandassu bhavati

vāraṇamiva vā etacchando yadaticchando vāraṇānīva rakṣām̐syaraṇyāyatanāni tadyathā svamaraṇyamabhayenātikrāmettādṛgetat

tadvai saptapadāsu bhavati

sapta vai chandām̐si caturuttarāṇi tadyathā sarvaiśchandobhirabhayenātikrāmettādṛgetat

tasya trirvsacana ekavim̐śatiḥ padāni triḥ sāmāha taccaturvim̐śatiḥ

caturvvim̐śatirardhamāsāḥ sam̐vatsarassam̐vatsaraḥ sāma

tasya ha vā etasya sam̐vatsarasya sāmno'horātrāṇi hiṅkāro'rdhamāsāḥ prastāvo māsā ādirṛtava udgīthaḥ paurṇamāsyaḥ pratihāro'ṣṭakā upadravo'māvāsyā nidhanam

tasya ha vā etasya sam̐vatsarasya sāmno vasanto hiṅkāro grīṣmaḥ prastāvo varṣā udgīthaḥ śaratpratihāro hemanto nidhanama

tasmāddhemantaṃ prajā nidhanakṛtā ivāsate nidhanarūpamevaitarhi

tadāhuḥ kāṃ diśamavabhṛthamabhyaveyuriti

prāñco'bhyaveyurddevānām̐ vā eṣā digyatprācī yā devānāṃ diktāṃ no'nu yajñaḥ santiṣṭhātā iti

dakṣiṇābhyaveyuḥ pāpmānam̐ haiṣa hanti yo yajate tamimaṃ pāpmānam̐ hataṃ dakṣiṇāharāṇīti pitṝṇām̐ vā eṣā digyaddakṣiṇā yā pitṝṇāṃ diktāṃ no'nu yajñaḥ santiṣṭhātā iti

pratyañco'bhyaveyurmanuṣyāṇām̐ vā eṣā digyatpratīcī yā manuṣyāṇāṃ diktāṃ no'nu yajñaḥ santiṣṭhātā iti

udañco'bhyaveyurnnakṣatrāṇām̐ vā eṣā digyadudīcī yā nakṣatrāṇāṃ diktāṃ no'nu yajñaḥ santiṣṭhātā iti

ato vāva yatamathaiva katamathā cāpaḥ syustadabhyaveyuḥ

yadvai vidvānkarmma karotyasmādidamiti vasīyāneva tena bhavati

tadāhuḥ sravantīṣvabhyaveyū३ sthāvarāsū३ iti

sravantīṣvabhyaveyuḥ pāpmānam̐ haiṣa hanti yo yajate tamimaṃ pāpmānam̐ hatamapaḥ pravahatāmiti

sthāvarā yāḥ śīpalyāstāsvabhyaveyurito mā yajño vikṣubdhaḥ pratyupatiṣṭhātā iti

ato vāva yatarathaiva katarathā cāpāḥ syustadabhyaveyuḥ

yadvai vidvānkarmma karotyasmādidamiti vasīyāneva tena bhavati

iti caturthaḥ khaṇḍaḥ //३/४//
ekasyai hiṅkaroti sa prathamayā tisṛbhyo hiṅkaroti sa madhyamayā pañcabhyo hiṅkaroti sa uttamayā ekasyai hiṅkaroti sa prathamayā tisṛbhyo hiṅkaroti sa parācībhiḥ pañcabhyo hiṅkaroti sa ekayā sa ekayā sa tisṛbhiriṣustrivṛto viṣṭutiḥ

abhicarantstuvīta

anīkaṃ prathamā iṣurdhanurjjyā yattisrassandadhāti vyeva pañcabhiḥ sṛjate

stṛṇute bhrātṛvyam̐ vasīyānātmanā bhavati ya etayā stute

iti pañcamaḥ khaṇḍaḥ //३/५//
tisṛbhyo hiṅkaroti sa parācībhistisṛbhyo hiṅkaroti sa parācībhirnnavabhyo hiṅkaroti sa tisṛbhissa tisṛbhissa tisṛbhiḥ

abhicarantstuvīta

vajjro vai trivṛdvajjrastriṇavo yattrivṛttriṇavābhyāṃ pañcadaśam̐ vidadhāti vajjrameva tatsamyak sandadhāti

evamiva vai vajjraḥ sādhuryyadārambhaṇato'ṇīyān praharaṇataḥ sthavīyān

tena pāpmānaṃ bhrātṛvyam̐ stṛṇute vasīyānātmanā bhavati ya etayā stute

iti ṣaṣṭhaḥ khaṇḍaḥ//३/६// //
etayaivābhicarantstuvīta

vajjro vai trivṛdvajjraḥ pañcadaśo vajrastriṇavo yattrivṛtpañcadaśatriṇavaiḥ saptadaśam̐ vidadhāti vajjrameva tatsamyak sandadhāti

evamiva vai vajjrassādhuryyadārambhaṇato'ṇīyān praharaṇataḥ sthavīyān

tena pāpmānaṃ bhrātṛvyam̐ stṛṇute vasīyānātmanā bhavati ya etayā stute

iti saptamaḥ khaṇḍaḥ //३/७//
tisṛbhyo hiṅkaroti sa parācībhirnnavabhyo hiṅkaroti sa tisṛbhissa tisṛbhissa tisṛbhirnnavabhyo hiṅkaroti sa tisṛbhissa tisṛbhissa tisṛbhirabhicarantstuvīta

vajjro vai trivṛdvajjrastriṇavo yattrivṛttriṇavābhyāmekavim̐śam̐ vidadhāti vajjrameva tatsamyak sandadhāti

evamiva vai vajjrassādhuryyadārambhaṇato'ṇīyānpraharaṇatassthavīyām̐stena pāpmānaṃ bhrātṛvyam̐ stṛṇute vasīyānātmanā bhavati ya etayā stute

ityaṣṭamaḥ khaṇḍaḥ//३/८//
navabhyo hiṅkaroti sa tisṛbhissa tisṛbhissa tisṛbhirnnavabhyo hiṅkaroti sa tisṛbhissa tisṛbhissa tisṛbhirnnavabhyo hiṅkaroti sa tisṛbhissa tisṛbhissa tisṛbhirabhicarantstuvīta

vajjro vai triṇavo vajjrameva tatparāñcaṃ pravarttayati stṛtyai tena pāpmānaṃ bhrātṛvyam̐ stṛṇute vasīyānātmanā bhavati ya etayā stute