Sārdhatriśatikālottarāgama · Chapter 18
kālacakravidhānaṃ tu pravakṣyāmyanupūrvaśaḥ
kālacakramiti khyātaṃ yena kālaḥ prabudhyate //
tryahorātrapracāreṇa trīṇyabdāni sa jīvati
dvyahorātrapracāreṇa jīvedvarṣadvayaṃ tu saḥ //
ahorātrapracāreṇa abdamekaṃ sa jīvati
aharekaṃ vrajedyasya rātrimekāṃ tathaiva ca //
ṣaṇmāsājjāyate mṛtyur iti śāstrasya niścayaḥ
dvitīyasyānucāreṇa ahorātraṃ sa jīvati //
yathā cādyā tathā vāmā madhyamā ca tathaiva ca
kālacakraṃ samākhyātaṃ putrasnehādviśeṣataḥ //
Original text: Sārdhatriśatikālottarāgama · Edition: N.R. Bhatt: Sardhatrisatikalottaragama, avec le commentaire de Bhatta Ramakantha. Pondicherry : Institut Francais d'Indologie 1979. (Publications de l'Institut Francais d'Indologie, 61) · Data entry Dominic Goodall · GRETIL (Göttingen) · CC BY-NC-SA 4.0