સાર્ધત્રિશતિકાલોત્તરાગમ · અધ્યાય 18

કાલચક્રવિધાનં તુ પ્રવક્ષ્યામ્યનુપૂર્વશઃ
કાલચક્રમિતિ ખ્યાતં યેન કાલઃ પ્રબુધ્યતે ॥

ત્ર્યહોરાત્રપ્રચારેણ ત્રીણ્યબ્દાનિ સ જીવતિ
દ્વ્યહોરાત્રપ્રચારેણ જીવેદ્વર્ષદ્વયં તુ સઃ ॥

અહોરાત્રપ્રચારેણ અબ્દમેકં સ જીવતિ
અહરેકં વ્રજેદ્યસ્ય રાત્રિમેકાં તથૈવ ચ ॥

ષણ્માસાજ્જાયતે મૃત્યુર્ ઇતિ શાસ્ત્રસ્ય નિશ્ચયઃ
દ્વિતીયસ્યાનુચારેણ અહોરાત્રં સ જીવતિ ॥

યથા ચાદ્યા તથા વામા મધ્યમા ચ તથૈવ ચ
કાલચક્રં સમાખ્યાતં પુત્રસ્નેહાદ્વિશેષતઃ ॥