Saṃvitsiddhi (another edition) · Verses 100-119

arthāntaram avidyā cet sādhvī bhedāirūpaṇā
arthānarthāntaratvādi vikalpo 'syā na yujyate
vidyāto 'rthāntaraṃ cāsāv iti suvyāhṛtaṃ vacaḥ //

athārthāntarabhāvo 'pi tasyās te bhrāntikalpitaḥ
hantaivaṃ saty avidyaiva vidyā syāt paramārthataḥ //

kiñ ca śuddhājaḍā saṃvit, avidyeyaṃ tu nesṛśī
tat kena hetunā seyam anyaiva na nirūpyate //

api ceyam avidyā te yadabhāvādirūpiṇī
sā vidyā kiṃ nu saṃvittir vedyaṃ vā veditātha vā //

vedyatve veditṛtve ca nāsyās tābhyāṃ nivartanam
na hi jñānād ṛte 'jñānam anyatas te nivartate
saṃvid eveti cet tasyā nanu bhavād asambhavaḥ //

kiñceyaṃ tadviruddhā vā, na tasyāḥ kvāpi sambhavaḥ
yato 'khilaṃ jagadvyāptaṃ vidyayaivādvitīyayā //

abhāvo 'nyo viruddho vā saṃvido 'pi yad īṣyate
tadānīṃ saṃvid advaita pratijñāṃ dūratas tyaja //

kiñ cāsau kasya? jīvasya, ko jīvo yasya seti cet
nanv evam asamādhānam anyonyāśrayaṇaṃ bhavet //

na tu jīvād avidyā syāt, na ca jīvas tayā vinā
na vījāṅkuratulyatvaṃ jīvotpatter ayogataḥ //

brahmaṇaś cen na sarvajñaṃ kathaṃ tad baṃbhramīti te(bhoḥ)
avidyākṛtadehātma pratyayādhīnatā na te
brahmasarvajñabhāvasya, tatsvābhāvikatāśruteḥ //

bhedāvabhāsagabhatvād atha sarvajñatā mṛṣā
tata evāmṛṣā kasmān na svāc chabdāntarādivat //

yathā śabdāntarābhyāsa sañkhyādyāḥ śāstrabhedakāḥ
bhedāvabhāsagarbhāś ca yathārthāḥ, tādṛśī na kim //

sarvajñe nityamukte 'pi yady ajñānasya sambhavaḥ
tejasīva tamas tasmān na nivarteta kenacit //

sarvajñatvādivacana prāmāṇyaṃ vyāvahārikam
tāttvikaṃ tu pramāṇatvam advaitavacasām iti
niyāmakaṃ na paśyāmo nirbandhāt tāvakād ṛte //

āśrayapratiyogitve parasparavirodhinī
kathaṃ vaikarasaṃ brahma sad iti pratipadyate //

pratyaktvenāśrayo brahma rūpeṇa pratiyogi cet
rūpabhedaḥ kṛtasya 'yaṃ yady avidyāprasādajaḥ
nanu sāpi tadāyattety anyonyāśrayaṇaṃ punaḥ //

avastutvād avidyāyāḥ ...(nedaṃ tadrūpaṇaṃ yadi)
vastuno dūṣaṇatvena tvayā kvedaṃ nirīkṣitam //

(svasādhyasya puraskārād) doṣo 'nyonyasamāśrayaḥ
na vastutvād avastutvād ity ato nedam uttaram //

kiñcāvidyā na cet ... (vastu vyavaharyaṃ kathaṃ bhavet)
(na cāsadvyoma)puṣpādi vyavahāravad iṣyate //

nāpy avastv iti co(ktau tu vastutvaṃ sidhyati dhruvam)
(niṣidhyate) samastena nañā vastv iti cen (matam) //