Sāṃkhyatattvavivecana a commentary on the Tattvasamāsa, an abstract · Verses 21-25

jñānodrekāduparateśca dharmādharmakṣayo bhavet /
dharmādharmakṣayāccātha kaivalyamiti gīyate //
taduktam /
ādyo hi mokṣo jñānena dvitīyo rāgasaṃkṣayāt /
kṛtsnakṣayāt tṛtīyastu vyākhyātaṃ mokṣalakṣaṇam //
trividhaṃ pramāṇam

dṛṣṭamanumānamāptavacanaṃ caitat pramāṇakam /
pañcendriyāṇi pratyakṣaṃ vṛṣṭirmeghodayena tu //
anumānamindro devānāṃ rājāśabdaḥ pramāpakaḥ //
āgame 'pi,
svakarmabhirvinirmukto rāgadveṣavivarjitaḥ //
jñānavān śīlasampannaḥ so 'pi jñeyaśca tādṛśaḥ //
trividhaṃ duḥkham

duḥkhaṃ tu trividhaṃ proktamadhyātmamadhibhūtakam /
ādhidaivaṃ ca tatrāpi prathamaṃ dvividhaṃ smṛtam //
śārīraṃ mānasaṃ ceti vātakāmādidoṣajam /
bhūtebhyo mānuṣādibhyo jātaṃ syādādhibhautikam //
devebhyaḥ śītavātādibhavaṃ syādādhidaivikam /
etat samāsataḥ proktā sūtravyākhyā yathāmati //
prakriyāṃ ca pravakṣyāmi paurāṇikahitāya vai //
etat paramparayā yāthātathyam

etat sarvaṃ jñātvā kṛtakṛtyaḥ syāt

na punastrividhena duḥkhenābhibhūyate