Rig Veda · Chapter 7.047
āpo yaṁ vaḥ prathamaṁ devayanta indrapānam ūrmim akṛṇvateḻaḥ |
taṁ vo vayaṁ śucim aripram adya ghṛtapruṣam madhumantaṁ vanema ||
tam ūrmim āpo madhumattamaṁ vo 'pāṁ napād avatv āśuhemā |
yasminn indro vasubhir mādayāte tam aśyāma devayanto vo adya ||
śatapavitrāḥ svadhayā madantīr devīr devānām api yanti pāthaḥ |
tā indrasya na minanti vratāni sindhubhyo havyaṁ ghṛtavaj juhota ||
yāḥ sūryo raśmibhir ātatāna yābhya indro aradad gātum ūrmim |
te sindhavo varivo dhātanā no yūyam pāta svastibhiḥ sadā naḥ ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0