ઋગ્વેદ · અધ્યાય 7.047

આપો યં વઃ પ્રથમં દેવયન્ત ઇન્દ્રપાનમ્ ઊર્મિમ્ અકૃણ્વતેળઃ ।
તં વો વયં શુચિમ્ અરિપ્રમ્ અદ્ય ઘૃતપ્રુષમ્ મધુમન્તં વનેમ ॥

તમ્ ઊર્મિમ્ આપો મધુમત્તમં વો ઽપાં નપાદ્ અવત્વ્ આશુહેમા ।
યસ્મિન્ન્ ઇન્દ્રો વસુભિર્ માદયાતે તમ્ અશ્યામ દેવયન્તો વો અદ્ય ॥

શતપવિત્રાઃ સ્વધયા મદન્તીર્ દેવીર્ દેવાનામ્ અપિ યન્તિ પાથઃ ।
તા ઇન્દ્રસ્ય ન મિનન્તિ વ્રતાનિ સિન્ધુભ્યો હવ્યં ઘૃતવજ્ જુહોત ॥

યાઃ સૂર્યો રશ્મિભિર્ આતતાન યાભ્ય ઇન્દ્રો અરદદ્ ગાતુમ્ ઊર્મિમ્ ।
તે સિન્ધવો વરિવો ધાતના નો યૂયમ્ પાત સ્વસ્તિભિઃ સદા નઃ ॥