Rig Veda · Chapter 7.046
imā rudrāya sthiradhanvane giraḥ kṣipreṣave devāya svadhāvne |
aṣāḻhāya sahamānāya vedhase tigmāyudhāya bharatā śṛṇotu naḥ ||
sa hi kṣayeṇa kṣamyasya janmanaḥ sāmrājyena divyasya cetati |
avann avantīr upa no duraś carānamīvo rudra jāsu no bhava ||
yā te didyud avasṛṣṭā divas pari kṣmayā carati pari sā vṛṇaktu naḥ |
sahasraṁ te svapivāta bheṣajā mā nas tokeṣu tanayeṣu rīriṣaḥ ||
mā no vadhī rudra mā parā dā mā te bhūma prasitau hīḻitasya |
ā no bhaja barhiṣi jīvaśaṁse yūyam pāta svastibhiḥ sadā naḥ ||
Original text: Ṛgveda-Saṃhitā · Edition: Theodor Aufrecht Die Hymnen des Rigveda. Mandala I-VI Bonn Mareus Theodor Aufrecht Die Hymnen des Rigveda. Mandala VII-X Bonn Mareus · Data entry Barend A. Van Nooten Gary B. Holland · GRETIL (Göttingen) · CC BY-NC-SA 4.0