Rig Veda · Chapter 7.045

ā devo yātu savitā suratno 'ntarikṣaprā vahamāno aśvaiḥ |
haste dadhāno naryā purūṇi niveśayañ ca prasuvañ ca bhūma ||

ud asya bāhū śithirā bṛhantā hiraṇyayā divo antām̐ anaṣṭām |
nūnaṁ so asya mahimā paniṣṭa sūraś cid asmā anu dād apasyām ||

sa ghā no devaḥ savitā sahāvā sāviṣad vasupatir vasūni |
viśrayamāṇo amatim urūcīm martabhojanam adha rāsate naḥ ||

imā giraḥ savitāraṁ sujihvam pūrṇagabhastim īḻate supāṇim |
citraṁ vayo bṛhad asme dadhātu yūyam pāta svastibhiḥ sadā naḥ ||