Rig Veda · Chapter 10.159

ud asau sūryo agād ud ayam māmako bhagaḥ |
ahaṁ tad vidvalā patim abhy asākṣi viṣāsahiḥ ||

ahaṁ ketur aham mūrdhāham ugrā vivācanī |
mamed anu kratum patiḥ sehānāyā upācaret ||

mama putrāḥ śatruhaṇo 'tho me duhitā virāṭ |
utāham asmi saṁjayā patyau me śloka uttamaḥ ||

yenendro haviṣā kṛtvy abhavad dyumny uttamaḥ |
idaṁ tad akri devā asapatnā kilābhuvam ||

asapatnā sapatnaghnī jayanty abhibhūvarī |
āvṛkṣam anyāsāṁ varco rādho astheyasām iva ||

sam ajaiṣam imā ahaṁ sapatnīr abhibhūvarī |
yathāham asya vīrasya virājāni janasya ca ||