ઋગ્વેદ · અધ્યાય 10.159

ઉદ્ અસૌ સૂર્યો અગાદ્ ઉદ્ અયમ્ મામકો ભગઃ ।
અહં તદ્ વિદ્વલા પતિમ્ અભ્ય્ અસાક્ષિ વિષાસહિઃ ॥

અહં કેતુર્ અહમ્ મૂર્ધાહમ્ ઉગ્રા વિવાચની ।
મમેદ્ અનુ ક્રતુમ્ પતિઃ સેહાનાયા ઉપાચરેત્ ॥

મમ પુત્રાઃ શત્રુહણો ઽથો મે દુહિતા વિરાટ્ ।
ઉતાહમ્ અસ્મિ સંજયા પત્યૌ મે શ્લોક ઉત્તમઃ ॥

યેનેન્દ્રો હવિષા કૃત્વ્ય્ અભવદ્ દ્યુમ્ન્ય્ ઉત્તમઃ ।
ઇદં તદ્ અક્રિ દેવા અસપત્ના કિલાભુવમ્ ॥

અસપત્ના સપત્નઘ્ની જયન્ત્ય્ અભિભૂવરી ।
આવૃક્ષમ્ અન્યાસાં વર્ચો રાધો અસ્થેયસામ્ ઇવ ॥

સમ્ અજૈષમ્ ઇમા અહં સપત્નીર્ અભિભૂવરી ।
યથાહમ્ અસ્ય વીરસ્ય વિરાજાનિ જનસ્ય ચ ॥