ઋગ્વેદ · અધ્યાય 10.143

ત્યં ચિદ્ અત્રિમ્ ઋતજુરમ્ અર્થમ્ અશ્વં ન યાતવે ।
કક્ષીવન્તં યદી પુના રથં ન કૃણુથો નવમ્ ॥

ત્યં ચિદ્ અશ્વં ન વાજિનમ્ અરેણવો યમ્ અત્નત ।
દૃળ્હં ગ્રન્થિં ન વિ ષ્યતમ્ અત્રિં યવિષ્ઠમ્ આ રજઃ ॥

નરા દંસિષ્ઠાવ્ અત્રયે શુભ્રા સિષાસતં ધિયઃ ।
અથા હિ વાં દિવો નરા પુનઃ સ્તોમો ન વિશસે ॥

ચિતે તદ્ વાં સુરાધસા રાતિઃ સુમતિર્ અશ્વિના ।
આ યન્ નઃ સદને પૃથૌ સમને પર્ષથો નરા ॥

યુવમ્ ભુજ્યું સમુદ્ર આ રજસઃ પાર ઈઙ્ખિતમ્ ।
યાતમ્ અચ્છા પતત્રિભિર્ નાસત્યા સાતયે કૃતમ્ ॥

આ વાં સુમ્નૈઃ શંયૂ ઇવ મંહિષ્ઠા વિશ્વવેદસા ।
સમ્ અસ્મે ભૂષતં નરોત્સં ન પિપ્યુષીર્ ઇષઃ ॥