ઋગ્વેદ · અધ્યાય 10.136

કેશ્ય્ અ1ગ્નિં કેશી વિષં કેશી બિભર્તિ રોદસી ।
કેશી વિશ્વં સ્વર્ દૃશે કેશીદં જ્યોતિર્ ઉચ્યતે ॥

મુનયો વાતરશનાઃ પિશઙ્ગા વસતે મલા ।
વાતસ્યાનુ ધ્રાજિં યન્તિ યદ્ દેવાસો અવિક્ષત ॥

ઉન્મદિતા મૌનેયેન વાતાઁ આ તસ્થિમા વયમ્ ।
શરીરેદ્ અસ્માકં યૂયમ્ મર્તાસો અભિ પશ્યથ ॥

અન્તરિક્ષેણ પતતિ વિશ્વા રૂપાવચાકશત્ ।
મુનિર્ દેવસ્ય-દેવસ્ય સૌકૃત્યાય સખા હિતઃ ॥

વાતસ્યાશ્વો વાયોઃ સખાથો દેવેષિતો મુનિઃ ।
ઉભૌ સમુદ્રાવ્ આ ક્ષેતિ યશ્ ચ પૂર્વ ઉતાપરઃ ॥

અપ્સરસાં ગન્ધર્વાણામ્ મૃગાણાં ચરણે ચરન્ ।
કેશી કેતસ્ય વિદ્વાન્ સખા સ્વાદુર્ મદિન્તમઃ ॥

વાયુર્ અસ્મા ઉપામન્થત્ પિનષ્ટિ સ્મા કુનન્નમા ।
કેશી વિષસ્ય પાત્રેણ યદ્ રુદ્રેણાપિબત્ સહ ॥