Rig Veda · Chapter 10.125

ahaṁ rudrebhir vasubhiś carāmy aham ādityair uta viśvadevaiḥ |
aham mitrāvaruṇobhā bibharmy aham indrāgnī aham aśvinobhā ||

ahaṁ somam āhanasam bibharmy ahaṁ tvaṣṭāram uta pūṣaṇam bhagam |
ahaṁ dadhāmi draviṇaṁ haviṣmate suprāvye3 yajamānāya sunvate ||

ahaṁ rāṣṭrī saṁgamanī vasūnāṁ cikituṣī prathamā yajñiyānām |
tām mā devā vy adadhuḥ purutrā bhūristhātrām bhūry āveśayantīm ||

mayā so annam atti yo vipaśyati yaḥ prāṇiti ya īṁ śṛṇoty uktam |
amantavo māṁ ta upa kṣiyanti śrudhi śruta śraddhivaṁ te vadāmi ||

aham eva svayam idaṁ vadāmi juṣṭaṁ devebhir uta mānuṣebhiḥ |
yaṁ kāmaye taṁ-tam ugraṁ kṛṇomi tam brahmāṇaṁ tam ṛṣiṁ taṁ sumedhām ||

ahaṁ rudrāya dhanur ā tanomi brahmadviṣe śarave hantavā u |
ahaṁ janāya samadaṁ kṛṇomy ahaṁ dyāvāpṛthivī ā viveśa ||

ahaṁ suve pitaram asya mūrdhan mama yonir apsv a1ntaḥ samudre |
tato vi tiṣṭhe bhuvanānu viśvotāmūṁ dyāṁ varṣmaṇopa spṛśāmi ||

aham eva vāta iva pra vāmy ārabhamāṇā bhuvanāni viśvā |
paro divā para enā pṛthivyaitāvatī mahinā sam babhūva ||