Rig Veda · Chapter 10.054

tāṁ su te kīrtim maghavan mahitvā yat tvā bhīte rodasī ahvayetām |
prāvo devām̐ ātiro dāsam ojaḥ prajāyai tvasyai yad aśikṣa indra ||

yad acaras tanvā vāvṛdhāno balānīndra prabruvāṇo janeṣu |
māyet sā te yāni yuddhāny āhur nādya śatruṁ nanu purā vivitse ||

ka u nu te mahimanaḥ samasyāsmat pūrva ṛṣayo 'ntam āpuḥ |
yan mātaraṁ ca pitaraṁ ca sākam ajanayathās tanva1ḥ svāyāḥ ||

catvāri te asuryāṇi nāmādābhyāni mahiṣasya santi |
tvam aṅga tāni viśvāni vitse yebhiḥ karmāṇi maghavañ cakartha ||

tvaṁ viśvā dadhiṣe kevalāni yāny āvir yā ca guhā vasūni |
kāmam in me maghavan mā vi tārīs tvam ājñātā tvam indrāsi dātā ||

yo adadhāj jyotiṣi jyotir antar yo asṛjan madhunā sam madhūni |
adha priyaṁ śūṣam indrāya manma brahmakṛto bṛhadukthād avāci ||