Rig Veda · Chapter 1.170

na nūnam asti no śvaḥ kas tad veda yad adbhutam |
anyasya cittam abhi saṁcareṇyam utādhītaṁ vi naśyati ||

kiṁ na indra jighāṁsasi bhrātaro marutas tava |
tebhiḥ kalpasva sādhuyā mā naḥ samaraṇe vadhīḥ ||

kiṁ no bhrātar agastya sakhā sann ati manyase |
vidmā hi te yathā mano 'smabhyam in na ditsasi ||

araṁ kṛṇvantu vediṁ sam agnim indhatām puraḥ |
tatrāmṛtasya cetanaṁ yajñaṁ te tanavāvahai ||

tvam īśiṣe vasupate vasūnāṁ tvam mitrāṇām mitrapate dheṣṭhaḥ |
indra tvam marudbhiḥ saṁ vadasvādha prāśāna ṛtuthā havīṁṣi ||